Rawanin zalinci 1 complete - Chapter 15

Hannu Kamran ɗin ya ɗaura mashi a saman kansa, still da wannan yare nasa dai ya yi mashi magana a kan cewa ya bari suje wasu yankuna koda guda biyu ne a cikin dajin dan suga abubuwa, wata kila akwai abin da akwai a sauran yankunan babu a nasu part ɗin, sai su ɗebo su kawowa Mamma.

Girgiza jiki Rocky ya yi kafin ya wuce gaba, da sauri Kamran ɗin ya ce lallai ya dawo baya ko kuma ya dawo su jera a tare kamar yadda suka saba tafiya.

Kin dawowa ya yi, sai ma cigaba da tafiya da ya yi.

Shi kuwa Kamran kamar ya kifa mashi mari dan haushi, sai dai koya mare shi ma shi ne zai ji zafin hannunsa, Rocky kam babu abin da zai ji.

Kamran yana matuƙar jin haushi idan suna tafiya Rocky ya wuce gaba, abin yana baƙanta mashi rai sosai, ya fi son shi ya yi gaba, a cewarsa idan Rocky ya yi gaba kenan tsaro Rockyn yake yi, shi kuma wai baya son ace ga wani yana bashi tsaro, yana ji da jarumta sosai, ya fiso ace shi ne a gaba shi ne jarumi.

Cak suka tsaya a wani wani mai cike da dogayen itatuwa masu yelwar cikar ganyayyaki korayen shar, kasancewar itatuwar suna da tsawo sosai, sai cikar ganyayyakin jikinsu bai sa wajen ta yi duhu ba, sai ma hasken rana da ya bayyana ta tsakiyarsu, abin ya kawatar da mai kallo matuka, kasan wajen ya kasance farin yashi ne tamkar yashin bakin manya manyan tekuna na ruwa.

Bin wajen da kallo Kamran ya fara yi, hakiƙa wajen ya yi matuƙar burgesa sosai, ga yanayin weather wajen is very very so nice, akwai yelwar ɗumi a wajen, tamkar ba a cikin dajin wajen yake ba, da yake dama dajin Allah mai girma haka ai sai abin da ka gani kawai, Allah ya yi ikonsa kala kala a ciki, duk abin da ka gani kawai ka gara jinjinawa iko da kudura ta Ubangiji.

Shi kansa Rocky da yake yawace yawacensa son ransa, babu inda baya shi ga, tabbas wannan waje ta bashi mamaki kuma ta yi matuƙar burgesa. Shi dai Kamran yana zuwa bakin teku ya ɗebi wasu abubuwa daga cikin albarkatun cikin ruwa, amma bai taɓa ganin farin yashi (ƙasa) tas irin na wannan waje ba, dan wannan ya fi ƙasar bakin teku haske sosai, idan hasken rana ta haska yashin ma har wani kyalli sosai yake yi. Gabaɗaya ma yanayin tsarin wajen idan ka gani sai ka ji imaninka ya karu, domin babu ɗan adam da ya isa ya yi wannan halitta, yadda kasan a manyan wajajen buɗe idanu na duniya suke, tamkar ba'a cikin dajin ba.

Duk da cewa Kamran bai san Allah ba, bai ma taɓa jin sunan Allah ba, bai san a akwai Allah ba, bai san akwai wanda yake halittar abubuwa ba, amma da ya zo wannan waje ya ji a jikinsa yana son sanin wadda yake halittar waɗan nan itatuwa da sauransu, saboda itatuwa ne irin masu bala'in tsawon nan, bai taɓa ganin irinsu a cikin wannan dajin ba, dan suna da tsawo sosai gaskiya, shi ne yasa ya ji cewa gaskiya yana son yaga waye ne yake gyara itatuwar nan haka? Waye mamallakin wannan dajin? Ya kuma kudurci niyar idan ya koma gida sai ya tambayi mamarsa, sai ya tambayeta ta gaya mashi wanene mamallakin wannan dajin? Dan a ilimin da yake da shi dai yasan abu bata kyara kanta, dole duk abin da ka gani akwai makerinta, musamman idan ya waiwaya ya dubi yadda Mammansa take kyara tukanen dafa abinci da taɓon da yake ɗebo mata, sannan ta kyara kwanikan cin abinci da katakon itatuwa da yake saro mata, hakan ce ta kara tabbatar mashi da cewa lallai komai da ka gani akwai wanda ya yi shi......... Toh fa, Kamran ya ɗauko babbar magana, kuma ya fara tunanin ta gaskiya, domin komai da ka gani a duniyar nan baya taɓa kyara kansa, masu cewa babu Allah kowaye ya halicce su?🤔 A barka da iya dutse ma kawai ka gaya mana waye ya yi ta?🤔 Ko kuma ka kawo wani ya yi ta mu gani, an dai ba zata kyara kanta ba kam, idan ka kai dubanka izuwa kan motoci da abubuwan hawa, dukkansu akwai waɗan da suka kyarasu, to sai halittun Ubangiji ne za'a ce babu wanda ya haliccesu dan kin gaskiya da son dole sai an shiga wutar jahannama?.🤔 To Allah ya kyauta ya kuma yafe mana zunubanmu ya kara ɗauramu bisa tafarkin koyarwan fiyayyen halitta.

A hankali hankali kunnuwansa suka fara tsinkayo mashi sautin zubar ruwa sha tamkar ruwan sama.

Dawo da kallonsa ya yi daga kallon wajen izuwa kan Rocky. Kasa kunne shiru suka yi dan su ji menene yake wannan shahhhh kamar zubar ruwan?.

Karar tana ɗan nesa daga in da suke, hakan yasa Kamran ɗin ya kara gaba domin ya ga menene? Kai tsaye babu tsoro ko shakka ya nufi ta hanyar da yake jiyo wannan kara.

Da sauri Rocky ya rufa mashi baya, haka suka cigaba da tafiya, sai dai a wannan karon tafiyarsu ta sauya daga ta jarumta izuwa ta mutumin daji, wato tafiyar sanɗo kenan, tamkar wadda yaga wata nama zai farauceta, saboda basu san me yake wannan kara ba, gada ya zamana sun dimfari abin gadan gadan kuma ya fi karfinsu, gara koma menene su yi mashi tafiyar mage mai kwanciyar ɗaukar rai, idan yaso in sun ga menene, sai su san abin yi.

Kara matsowarsu ta in da wannan kara yake tashi ne ya bawa Kamran ɗin damar fahimtar cewa lallai ruwa ne yake zuwa daga ƙoramar dutse, duk da cewa babu irin wannan ƙoramar dutse dake zubar da ruwa a yankinsu, amma Kamran ɗin yasan da akwaita a cikin wannan dajin sosai, dan idan ya tsaya a saman ɗaya daga cikin tsaunikan dake ta kusa da su yana iya hango koraman dake kusa da yankinsu, waɗan da suke zubar da ruwa, sai dai kanana ne waɗan da suke kusa da su, ba katafare tamkar wannan da yake karan bane, su waɗan can ma ba zaka ji karar ruwan sosai ba, amma shi wannan karar ruwan tun daga nesa kunga suka fara jiyo shi, alamu sun nuna katafaren ƙorama ne sosai.

Jin cewa sautin zubar ruwan korama ne yasa Kamran ɗin nufar wajen cikin takun jarumta tare da isa da ƙasaita, akwai dogayen ciyayi a gabansu waɗanda suka kare masu hangen ƙoramar daga nesa, kai tsaye ya nufi wajen ciyayin. Shi kuma Rocky wata hanya daban ya bi, dan yana jin wata iriyar kamshi a wajen wadda sam bai yarda da ita ba, kunsan su dabbobi da kamshi ko wari suke iya tantance abu yana waje ko akasin haka, musamman ma ɗan adam, da kamshin mutun suke iya fahimtar lallai akwai ɗan adam a wannan waje, so shi Rocky ya ji kamshi ne ya tafi duba menene?

ROCKY BA DAI GULMA BA, WAI YA JE DUBA MENENE KAI JAMA'A 😅

Shi kuwa Kamran yana zuwa ya sa hannu ya ya ye waɗan nan dogayen ciyayi dake a wajen, nan take katafaren ƙoramar ta bayyana a idanuwnsa.

Zaro dara daran idanuwan nan nasa ya yi yana mai kallon ƙoramar, katuwa ce sosai, ruwan da yake taruwa a ƙasarta ma teku ne guda, ruwan yana ganganrawa ne har izuwa cikin tapkeken tekun dake gaba da ƙoramar, sam Kamran duk yawonsa a cikin wannan daji bai taɓa sanin cewa akwai wannan tapkeken tekun ba, haka zalika bai taɓa sanin da akwai wannan tapkeken ƙoramar ba.

A zahirin gaskiya kowa ya kalli Kamran a wannan hali da yake ciki da kuma irin wannan tsayuwa da ya yi zai ce wannan ƙoramar yake kallah, amma kuma sam ba ita yake kallah ba, shi kwata kwata idanuwansa ma basu sauka a kan ƙoramar ba, yana yaye ciyayyin idanuwansa suka yi wani irin kyakkyawar gani wanda bai taɓa yin irinsa ba, hakan tasa bai ma bi ta kan ƙoramar ba, kawai ya tsaya cak yana ta kare mata kallo.

Macece ƴar yarinyar da bata wuce shekaru goma ba a duniya, kyakkyawar gaske ce sosai, a kallon farko ma idan ka kalleta sai ka rantse da Allah aljanace ta rikiɗe izuwa siffa mafi kyau a duniya, sanye take da kaya masu bala'in kyau sosai, ba irin kayan dajin bane, hakan yasa ta sake yin kama da aljana, domin kuwa kayan jikin nata ba kaya ne kamar sauran kayayyakin da kuka saba gani yau da kullum ba.

Wata iriyar skit ce wadda daga kugunta zuwa mazaunanta ya yi mata daidai cif cif, daga dai'dai matsayar hips nata zuwa ƙasa ya yi wani irin bala'in buɗewa sosai, sai ƴar farar vest ta sama wadda ta tsaya mata a iya cibiyarta, launin skit ɗin pink color ne, yana da kyalliya sosai a jikinsa wanda kwalliyar ta mamaye ko'ina a jikin kayan, baka iya tantance ainahin yadin da aka yi amfani da shi wajen yin wannan sket ɗin, saboda yawan kwalliyar jikinta, ga kuma duwatsu masu haske da aka kawata ta da shi.

Zaune take a saman wani dutse mai ɗan girma da yake a kusa da ƙoramar, ta zura kyawawan fararen kafafunta a cikin ruwan dake a gaban ƙaramar, ruwan da yake gudu izuwa cikin tekun nan kenan, ta sunkuyar da kanta ƙasa, tana da wani irin bakin gashi, ya yi baki sosai har ya yi kamar dark navy blue, sai wani irin sheki yake yi, an ɗaure mata gashin kan nata ɗauri biyu, gefe da gefe, jelar gashin nata ya sauko mata har bayanta, kasancewar kanta na sunkuye sai jekar gashin ya sauko mata ta gabanta har izuwa saman kirjinta, hannunta na rike da wani sanda ɗan ƙarami tana kaɗawa, ta yi shiru kamar mai tunanin wani abin, duk da bata ɗago kanta ba, a iya fatar jikinta zaka tabbatar da kyakkyawar gaske ce, fara tas da ita, ga jikin nata mai bala'in kyau, da alama girman kayan marmari ce, kun san kayan fruits da balai'n gyarawa ɗan adam fatar jikinsa yake, daga gaban koshinta wasu kyawawan sidif ɗin kashi ne dake kwance a wajen, tana da gashi ɗan dai'dai a gefe da gefen fuskarta, gashin yana kwance luf, farar fata ga bakin gashi kwance a wajen, ya kuke ganin kyan zai kasance? Abin ba'a magana. Ga ta ƴar caras cas, babu ƙiba, jikinta mai kyau ne sosai, ƴar ɓul ɓul da ita, alamar ta ci ta ƙoshi dai amma ba ƙiba.

Kamran dai ya zaro idanu yana kallon wannan kyakkyawar halittar, ya ƙasa motsawa daga in da yake, da alama ya afka wata duniyar ne, bai taɓa kallon kyakkyawar halitta irin wannan ba, Mammansa kyakkyawar mace ce sosai, amma gaskiya bata kai rabin wannan yarinyar a kyau ba, shi kansa Kamran ɗin kyakkyawa ne sosai, amma ina, wannan yarinyar kyanta na daban ne, hasken fatarta har ma ta fi Mamman Kamran ɗin haske, kun san dama Mamma ta fi Kamran haske sosai, to wannan yarinyar dai ta fi Mamman ma haske, in dai mutun ba jarumi ba, kai ko jarumi ne idan ba ya dake sosai ba idan ya yi ido biyu da wannan kyakkyawar halitta a kallon farko sai ya tsorata, bare ma ace yasan babu mutane a dajin, wlh tsab kyanta zai tsorata shi ya ce aljana ce.

Amma shi Kamran ya dake sosai, dan shi fa tun da ya taso bai san menene ma tsoro ba a rayuwarsa, kuma kunsan mutun ya girma a irin wannan dajin ai dole ba zai san menene tsoro ba, this Forest no be small thing ooooo.

Ya yi nisa a kallonta da yake yi bai ankara ba sai ganin Rocky ya yi a bayanta, dama idan baku manta ba shi Rocky ya yi wata hanya daban, dan ya ji kamshi ɗan adam a wajen, shi ne ya je dubawa, to yanzu ya ganta.

Da gudu ya hauro saman dutsen, kuma ya hauro ne da nufin ya far mata, saboda shi Rocky idan ba Mamma da Kamran ba to baya ragawa kowa, wlh ko maharbi ya gani idan yana jin yunwa cinyewa yake yi fes abinsa, kuma dai kunsan damusa ki sabo ce, da alama zamansa da su Mamma ma ba haka kawai bane ba, amma koma dai me lokaci ne zai nuna mana.

Jin diran abu a kusa da ita yasa ta ɗago kai a tsananin raza ne, ɗago kai da zata yi kuma kai tsaye kallonta sai cikin idanuwan Kamran da yake tsaye ya tsareta da idanu, dan suna saiti da juna ne.

Wannan ɗagowa da ta yi yasa ta kara jefa mana Kamran namu cikin wata iriyar ruɗu tare da afkawa wani irin kogon yanayin da baki ba zai iya fassarawa ba, dan yadda kasan ita ta halicci kanta, face nata ɗan dai'dai, hancinta dai'dai da face nata, bai yi irin mummunar tsawon nan ba, ɗan dai'dai, sai olive dara daran eyes nata, farin idanun nata kuwa, fari ne tas, sai ka rantse da Allah tasa kwalli a ido, saboda yadda idanun nata suka kara fitowa sosai kamar tasa kwalli, olive green eyes ɗin nata ya fito sosai da sosai, lips nata jajir da shi, ga bakin nata ɗan karami da shi, kumatunta ɓul ɓul.

Har cikin ido take kallon Kamran, ta kasa iya juyawa ta kalli damusar dake kusa da ita, da alama mayyar tsoro ce sosai yarinyar, dan daga jin numfashi Rocky dake futa da wani irin gurnani yasa har jikinta ya fara kerma sosai, nan take wani irin tsoro na wuce misali ya bayyana a saman wannan kyakkyawar fuskar tata, tsuke ɗan bakin nan nata ta yi tana mai cigaba da kallon Kamran ɗin, sai dai da alama kallon Mamaki take yi wa Kamran ɗin, da alama bata taɓa yin tunanin zata yi tozali da wata halitta ta ɗan adam irin tata a cikin wannan dajin ba, shiyasa take yi mashi kallon mamaki har haka.

Wani irin numfashi mai karfi da Rocky ya saki ne yasa bata san lokacin da ta kara tsuke fuska ba, balai'n tsoron juyawa take yi su yi ido biyu da Damusa.

(Amma na ce ba My people's idan kune a cikin irin wannan hali anya zaku iya juyawa ku yi ido huɗu da Rocky kuwa?😅 Ni dai zan iya amma idan na furta kalmar shahada na gama😅 dan ko ya haɗiyeni ma burina ya cika na karisawa da kalmar shahada 😅)

Shi kuwa Kamran ya zubawa waɗan nan olive eyes ɗin nata idanu kawai yana ta kallo, da yake shi ya saba da Rocky, sai sam abin bai dame shi ba, a tunaninsa Rockyn ba zai yi mata komai ba, shiyasa ya kyaleta da shi, shi kuwa Rocky har ga Allah cinyeta ya yi niyar yi, dan dama yana ɗan jin yunwa.

Kafin Damusa ta ci mutun, kai ba ma mutun ba, Damusa tana da wata dabi'a guda ɗaya, kafin ta ci abu sai ta waje baki tare da ɗaga kai sama, wani lokaci idan suka daga kan nasu suna yin wani irin kuka, wani lokaci kuma basu yi, amma confirm ainahin Damusa baya cin abu sai ya yi wannan abin, ɗabi'ar su ce, so shi ma Rocky hakan ya yi, ya wani wage bakin nasa gari guda, dai'dai lokacin kuma yarinyar ta yi namijin ƙoƙari wajen iya juyowa a hankali hakwaranta na garuwa da juna, saboda tsananin tsoro.

Tana juyowa kuma ta yi ido biyu da garma garman hakwaran Rocky da ya buɗe baki, ga hakwaran waɗan nan biyu na sama da biyu na kasan kamar wasu kifiyoyi, suna da tsini sosai, su Damusa take kafawa a jikin wuyar dabba ko mutun, idan ta cakasu suka shi cikin namar mutun, sai su tsinka mashi jijiyar wuya da ita, haka ma idan dabba zasu kashe, shiyasa idan suna farauta zaku gansu wuya kawai suke kamawa, saboda su tsinka agarar wuyar, kunga kuwa suna tsinke agarar wuyar shikenan abu ya zama gawa.

Wani irin ihu ta saki mai razana ƙwaƙwalwa, kan kace me tuni ta yanke jiki ta faɗa cikin wannan uban ruwan.

Shi kuma Kamran ganin Rockyn ya buɗe bakin yasa bai san lokacin da ya nufesu da sauri yana ƙoƙarin yiwa Rockyn magana ba, sai dai bai kai ga yin magana bane yarinyar ta juya taga hakwaran Damusan, daga haka kuma sai suma.

Kunsan ita fa Damusa wlh ko bata buɗe baki ba ka ganta sai zuciyarka ta tsinke, idan kana da zuciya a kusa ma sai suma ko mutuwa, saboda tsananin kwarjininsu, dole ake jin tsoronsu ko ba'a so.

And one thing about Damusa, basu shiga cikin ruwa, akwai waɗan da suke shiga cikin ruwan, sai dai masu shiga cikin ruwan basu da yawa, normal Tiger daji kamar sauran dajuka basu shiga cikin ruwa, bawai ba zasu iya shiga bane, no zasu iya, kawai basu shiga ne, dan idan ruwa ta yi yawa tana tafiya dasu.

A dubu ɗari Kamran ya ƙariso wajen, da gudu Rocky ya nufesa, wani irin harara ya wurgawa Rockyn kafin ya yi tsalle ya faɗa cikin ruwan shima, Rocky ya bashi haushi ba kaɗan ba.

Tsayuwa a wajen Rockyn ya yi yana wani girgiza, shi a dole ransa ya ɓaci bai ci nama ba, sam bai damu da harararsa da Kamran ɗin ya yi ba, shi dai nama kawai yake tunani........😅

Da kyar da suɗin goshi Kamran ya iya ceto yarinyar nan daga cikin ruwan, amma ta sha ruwa sosai kam, Allah ma yasa bata ƙarisa faɗawa cikin ainahin tekun ba ya kamata, da ta faɗa sai wani labarin ba dai nata ba, kasancewar ruwar tana ganganrawa ne yasa Kamran ya sha bakar wahala wajen iya fitowa daga wajen, da ace ruwan yana tsaye ne to da sauki, amma tana gudu kuma ganganra, kuma kunsan ba dan ya saba da shiga cikin ruwa ya kuma iya ruwa sosai ba, ai da daga shi har ita sai sun faɗa cikin tekun nan, kuma suna faɗawa shikenan, sai dai Mamma ta rungumi sorry ta kurɓi ruwan ganye shayi, dan Kamran kam da ya tafi kenan, dan ma Allah yasa duwatsu ne a wajen sosai, ya yi ƙoƙari wajen kakkamasu har ya samu ya hauro sama daga gangarar ruwan, kuma ya yi sa'a yarinyar karama ce, bata da wani nauyi, hakan tasa ya ɗauketa a saman shoulder ɗinsa kamar ƴar baby.

A bakin ƙoramar ya kwantar da ita, da gudu Rocky ya ƙariso wajen yana wani numfashi mara daɗin ji, alamar huci yake fitarwa na ransa ya ɓaci.

Shinshinar yarinyar ya fara yi kamar wani tsohon maye, cikin wannan yaren nasu Kamran ɗin ya ce mashi. "Rocky ka kyaleta mana, ka sa ta faɗa cikin ruwa ma bai isheka ba sai ka zo kana wani shinshinata ko? To cinyeta zaka yi ne?".

Yana magana yana ƙoƙarin haɗa hannayensa dukka biyu waje guda, dan ya danna mata cikinta ta amayar da ruwan da ta sha.

Cigaba da shinshinata Rocky ɗin ya yi, ya yi kamar bai ji me Kamran ɗin ya ce ba, kunsan dama dabbobi irin wannan haka suke yi wa mutun, sai su yi ta wani shinshinasa kamar wasu mayu. Sai da Kamran ɗin ya sake yi mashi magana ne, sannan ya koma gefe guda ya kwanta yana wani zuro harshe waje yana lashe bakinsa.

(Tab da Kamran bayana nan fa da yanzu Rocky ya cinye mana wannan kyakkyawar halitta...💔😭 Amma da mun yi asara😅)

Daddana mata cikinta a hankali hankali ya fara yi, nan take ta fara amayar da ruwan da ta sha.

Cigaba da danna mata ya yi har sai da ya tabbatar ta amayar da ruwan da ta sha tas, sannan ya zame hannunsa daga saman lallausan fatar cikin nata yana mai cigaba da kallon face nata.

Shiru shiru bata farka ba, ga dai ruwan ta amayar da shi, amma bata farfaɗo ba.

Ganin hakan yasa ya matso kusa da ita sosai tare da matso da kansa izuwa saitin kirjinta, kunnuwansa ya kai saitin kirjin nata, dan ya ji shin kirjinta yana harbawa ne ko dai ta mutu?.

Ba shakka kirjinta yana harbawa fat, fat, fat, nauyayyar ajiyar zuciya ya sauke, ya ji daɗi sosai da ya ji tana raye.

Zuba mata idanu kawai ya yi yana ta kallonta, ta jima sosai a haka kafin ta fara motsawa, duk kuma wannan jimawa da ta yi Kamran na tsare da kallonta, kamar zai cinyeta da ido.