Triplets book 2 complete - Chapter 30

Cikin sauri ya ce ",Ai ni yanzu kuɗi na sun karu, daga 500k ya koma 700k, domin ammini wulakanci". Ɗaure fuska sosai Rimsha ta yi, rai a matukar ɓace ta ce "Da cewa ka yi na yi aiki na kara maka saboda Allah to zan kara maka, amma kuɗin riba kuɗin ruwa baka isa ba wlh, ni Rimsha ba zan yi wannan saɓon Allah ba, wato ka bada bashi kuma ka kara kuɗin ruwa, to ba ka isa ba, ina maka aiki na daidai kuɗin ka zan bar restaurant ɗin". Ta kai karshen maganar tare da wucewa cikin gida abinta,

Jinjina kai dukkansu suka yi daga Ibraheem ɗin har Sadiq ɗin, a fili Sadiq ya ce "Jini ba karya ba, jini ba ruwa ba, kai tab ɗi jam". A ɓangaren shima Ibraheem abin da yake tunani kenan a cikin zuciyarsa, jini ba karya ba kuma ba ruwa ba, dole a sami ɗabiun Jehan ko ma yayane a tattare da Rimsha, ga kuma zahiri sun gani da idonsu, ita ma Rimsha bata takuwa.

Sun jima tsaye shiru kafin nan Ibraheem ya katse musu shirun da cewa "Ka ce ta shirya mu wuce aiki yanzun nan, domin Jehan ta ɓata kwanaki huɗu bata zuwa aiki, dan haka dole ta fara aiki daga yau" Sadiq ya yi kokarin rokar shi a kan ya bari sai gobe, amma ina ya ce shi ba zai yarda ba dole tazo su tafi, haka Sadiq ya hakura ya kirata a kan ta zo su tafi, ba musu ta shirya suka wuce da Ibraheem, ya goyata a bayan mashin nasa, Sadiq ya ce mata da yamma zai zo ya ɗauke ta.

A ɓangaren Ahmad kuwa, tun da Rimsha ta jefa wayar nan nata a cikin trolleynta bata sake bi ta kan wayar ba, ya kira har ya gaji, ya shiga damuwa sosai, ya rasa meke yi masa daɗi bawan Allah, har ya fara tunanin zuwa Katsina dan ya duba ko lafiya take.

(Ni kuwa nace in dai Rimsha ce baka ga komai ba ma🤣)

To Rimsha dai ta isa restaurant lafiya kuma ta fara aikin da Jehan ta fara ta bari, kasan cewar ita Rimsha baa san fuskar ta media sosai ba, sai ba wanda ya gane ta, kuma ga zahiri ma kun gani, ita Jehan lokacin da take tare da wayarta, kullun zaku ga waya a hannunta, sannan kuma tana yawan hawa media, amma ita kuma Rimsha kun dai gani tun da ta sanya wayar cikin trolley bata sake bi ta kanshi ba, so ita bata wani damu da media sosai ba.

Ma'aikatan wajen daga mazan su har matansu sai da Rimsha ta burgesu, sai kallonta suke yi, ga shi tana da girmama mutane, sai dai fa ita ma bata murmushi bare dari, fuskar nan nata a ɗaure tamau, taki sake musu fuska, dan bata son a kawo mata shirmen banza a lamuranta, sai ɗaure fuska take yi, amma tana aiki lafiya lou tare da su, sannan tana basu girma, shi kanshi Ibraheem ya fi jin daɗin aiki da ita fiye da Jehan, domin ita idan ya saka ta yin abu, bata yi mashi musu, tana yi, tsabanin Jehan da sai ta ga dama, ko kuma idan aiki ya saɓawa dokar da ta sawa kanta tofa ba zata yi shi ba.

(Tofa wannan shine reshe ya juye da mujiya, ga Rimsha a restaurant, ko me zai faru?🤔 Mu dai je zuwa)

Idan muka koma ɓangaren gidan Abbo kuwa.

Lafiya lou Nawid ya fita shopping nasa shi da jelly, daga nan suka je suka yi kallo, ya sai mata Ice cream kala-kala tare da chocolate dayawa kamar yarda ya faɗa.

Bayan sun dawo gida, da misalin karfe huɗu na yamma washegari kenan, gaba ɗaya gidan shiru babu kowa, Ummi tana bedroom nata tana barci.

Sanye da wando da riga Jelly ta fito daga bedroom nata, sai dai ta ɗaura wani irin riga mai kama da after dress a kan kayan nata, amma shi wannan bai kai mata har kasa ba, iya gwiwarta ya tsaya mata, kanta babu ɗankwali, ta saki wannan stubborn hair nata.

Gaban Tv ta je ta tsaya tana ganin wani India film da suka sanya, ganin Film ɗin ya yi mata kyau ne yasa ta koma saman sofa ta zauna.

Tana tsaka da kallo ta ga ansanya wakar kutchi kutchi hotaye, haba ai a ɗari Jelly ta miƙe ta fara tikar rawa, kamar wata yar tsana haka Jelly ke rawa tana juyi, sai ka rantse da Allah babu kashi a jikinta, har wani karairaya take yi tana lankwasa kugunta.

(Kai jama'a ashe ba iya baiwar cin kaza ke gareta ba, har da baiwar rawa🤣)

Har wani wurgi da hannu sama take yi tana yin wani abu kamar yadda maciji ke juyawa, dama gata ba kiba yar siririya, sai abin ya bata abin da ake bukata.

Yafi minti biyar yana tsaye yana kallonta, tun lokacin da ta fara rawar ya shigo cikin gidan, bata ji shigowar shi ba, kuma bata gan shi ba, sakamakon ta kure Volume na Tv, dan a cewar ta idan Tv na kara sosai wakar ta fi daɗi.

Sai wani kallonta yake, duk ta yadda ta juya haka shima yake juya idanuwansa yana binta da kallo, har sai da aka gama wakar sannan ta zube saman sofa tana dariya tana mai da numfashi, har lokacin bata lura da shi a wajen ba.

Shi kuma ganin ta gama rawar ne yasa ya shigo cikin palon hannunsa ɗaya riƙe da jakar computer ɗayar kuma ya ratayo coat nasa, daya cire ya bar na cikin.

Cike da murna ta tashi tana faɗin "Yaya Nawid baka dawo da wuriba da ka kalli rawana". Wani irin farinciki yake ciki kamar wadda akayi wa albishir da gidan aljanna, Jelly ta tafi da imaninsa yau, lokacin da take rawarnan, kamar yarda take rawa haka zuciyarsa ke kaɗawa a kanta, yanzu duk wani shirme da zata yi masa, burge shi take yi, komai nata kyau yake yi mashi.

Miƙa mata jakar hannunsa ya yi yana faɗin "Ga shi rike mini wannan dan a gajiye na dawo" to ta ce tare da karɓar jakar. Saman sofa mai zaman mutun 3 ya zauna yana sauke numfashi a hankali. "Baby jeki kawo mini ruwan sha". Ajiye mashi jakar ta yi da sauri ta juya zuwa wajen fridge.

Kallo ya bita da shi, yana mai jin wani abin da ba zai iya misaltawa ba a zuciyarsa. Ruwan faro mai sanyi sosai ta ɗauko masa, sannan ya ɗauko glass cup kamar yadda taga Ummi na yi wa Abbo.

Bayan ta kawo mashi, sai ya ce ta zuba mashi ruwan, to ta ce sannan ta sanya karfinta tana kokarin buɗe robar ruwan, amma ina ta kasa, ɗan kishingiɗa ya yi tare da karɓar robar ruwan ya buɗe mata sannan ya miƙa mata a kan ta zuba mashi a cup, ai kuwa yana miƙa mata ta karɓa ta fara zuba mashi daga tsakiyar kanshi har zuwa jikinshi.

A sukwane ya tashi ba shiri, ita kuma ganin ya ta shi, sai ta ce "Yaya Nawid ko dai ruwan bai maka yadda kake so bane" sanyin ruwan yasa ya ji kamar ya kifa mata mari, amma ina zuciyarsa ba zata iya barin shi ya mare ta ba, daurewa ya yi ya ce "Haba baby meyasa zaki zuba mini ruwa mai bala'in sanyi haka?" Turo ɗan bakin nan nata ta yi, cikin shagwaɓa ta ce "Kai yaya Nawid, ka manta ne? Kai fa ka ce ba zuba maka ruwan".

Dafe kansa ya yi yana faɗin "Kash baby nifa a cup na ce ki zuba ki bani na sha, ba a jikina na ce ki zuba mini ba..." Cikin sauri ta katse shi da cewa "A'a yaya Nawid wlh karya kake yi, ni baka ce na zuba maka a cup ba, cewa ka yi in zuba maka ruwan, shine ni kuma na zuba maka, amma shine zaka zaje ni" ta kai karshen maganar tare da sakin kuka ta nufi hanyar ɗakin Ummi.

Cikin sauri ya yi maza ya riƙo hannunta yana faɗin "To ki yi hakuri kin ji ko? Na ji nine nayi laifi yanzu ɗauko wani ruwan ki zuba mini a cup ki bani na nasha kishi nake ji" To kawai ta amsa mashi da shi, sannan ta wuce ta ɗauko wani ruwan.

Shi kuwa ɓalle botir ɗin rigar jikin nasa ya yi, ya cire ya ɗaura saman sofa, ya zauna daga shi sai farar singlet.

Ya yi Sa'a yanzu da ta kawo ruwan ya buɗe mata a cikin cup ta zuba mashi, sannan ta miƙa mashi, karɓa ya yi ya kafa a bakinsa, wani sanyi ya ji tana ratsa mashi zuciyarsa a lokacin da sanyayyar ruwannan ke ratsa maƙogwaransa.

Tas ya shanye ruwan tare da miƙa mata cup ɗin, karɓa ta yi ta mai da mazauninsu, sannan ta dawo ta zauna kusa da shi.

"Baby sai yaushe zaki koyi girki ne?" Ya tambaya yana kallonta, Cikin nuna ko in kula, ba tare da kalli in da yake ba ta ce "Sai ka auro wannan matar taka da kace kake so, ranar auren ni zan yi muku girki". Mamakine ya kama shi, dama ta ji abin da suka ce shi da Ummi ne? Lokacin da suka yi maganar tana cin kaza fa, kenan tana sane da abin da yake faruwa kawai magana ne bata yi? Lallai kam yarinyar nan akwai kwakwalwa sai dai iskanci ya cika mata ƙwaƙwalwar tata over.

Sai tunani yake yi ita kuma hankalin ta na kan kallon da yake gaban ta.

A wannan hali Abbo ya dawo ya samesu, wani irin kululun bakin ciki ya ji lokacin da ya kallesu a haka, ga Nawid ya cire riga daga shi sai singlet, ita kuma Jelly ta zauna kusa da shi tana kallo, ga fuskokinsu dukkansu ɗauke da annuri na farinciki, alamar zaman su a inuwa ɗaya ya yi bala'in yi musu daɗi, sannan shi Nawid sai kallon Jelly yake yi yana murmushi, ita kuma tana kallon film.

Ganin Abbo yasa Nawid ya ce "Amma baby ai nace ina son ki ko?" Hankalinta na a kan kallo ta ce "E ka ce wa Ummi dai ka yarda zaka aureni amma zaka haɗa ni da wancan".

Murmushi ya yi sannan ya ce "To dai na ji yanzu ki faɗa mini kina sona? Dan dai ni kin san ina son ki ko? Baki ga jiya a baki na baki ice cream bane?" Sai lokacin ta juyo da kallonta kanshi, fuska ɗauke da murmushi ta ce "Zaka sake saya mini Ice cream irin na juya ɗin ne?" Gyaɗa mata kai ya yi yana faɗin "Dayawa ma kuwa, amma yanzu dai ki faɗa mini kina so na?" Ita ma gyaɗa masa kai ta yi tana dariya ta ce "E mana ina Sonka".

Abbo ji yake yi kamar ya shake Nawid saboda bakin ciki, rai a makutar ɓace ya wuce cikin bedroom nasa, shi kuma Nawid ya ci-gaba da jan Jelly da hira, domin ya ja raayinta ta rinƙa sakin jiki da shi, ta bashi haɗin kai a kan abin da yake son yi na takurawa Abbo har sai ya dai na yin duk wani tunani da yake yi a kan ta.

(Ni kuma na kwanshe kayana zuwa Washington DC)

💖💖Washington DC💖💖

Musharraf and Asif wato Michael

Sun yi Sa'a har suka idar da sallah ba wanda ya shigo cikin ɗakin, bayan sun idar da sallah ne, Musharraf ya zauna ya fara koya masa wasu abubuwa daya kamata ya fara iyawa.

Abin mamaki ƙwaƙwalwar Michael da take da matsala a baya, amma yanzu duk wani abin da Musharraf ya gaya masa sau ɗaya yana haddacewa, hatta kalmar shahada da aka bashi da farko ya haddace, abin ya bawa Musharraf mamaki.

Yau dai cikin farinciki suka kwanta, kuma a tare suka yi barci ɗaki ɗaya, da Asuba Musharraf ya yi kokarin tashin shi domin su yi sallah amma ina yaki tashi, da Musharraf ya matsa mashi ma, sai ya ce cikin magagin barci idan Musharraf ya sake tashin shi sai ya harbe shi da gun idan ya tashi.

Haka Musharraf ya hakura ya kyale shi, amma wani hanzari ba gudu ba, gaba ɗaya daren jiya tun da karfe 2 ta cika Musharraf bai sake iyayin barcin ba, daya fara barci zai yi mummunar mafarki a kan Micheal da ya musulta, daya fara barci zai ga wata mata sanye da fareren kaya komai nata fari tas sai dai jini na zuba daga idanuwanta hannunta riƙe da katuwar wuka mai kaifi ta zo zata caka mashi, tana kuka a kan me zai cuce su, haka zai farka a birkice yana addua'o'i, wani lokaci kuma sai ya fara barci, sai ya kalli wata bakar mata, baka kirin kamar zunubi, tana rike da wuƙa, yana ji yana gani zata yankawa Michael wuya jini ya yi ta zuba. Haka har asuba bai samu barci ba. Hakan yasa yake tunain tabbas akwai wani abu a gidan nan nasu, ba lafiya ba, kuma shima ya dasa ayar tambaya a kan Micheal, kuma ya zamar masa dole ya kula da lafiyar Michael ɗin ta hanyar yi masa addua'o'i da sauransu tun da shi ya sanya shi ya musulta, komai ya faru da shi to shima yana da sa hannu.

(To fa me kuke tunain zai iya kasancewa a gidan William jacop? Me kuke tunanin ya jawo hakan? Me kuke tunanin ya samu Michael? Waye kuke tunanin ya ke aikata hakan? Me yasa sai Michael kawai? Ko dai sauran dan basu musulunta bane?)

Bayan ya yi sallar asuba sosai ya ɗaga hannu ya rinƙa zubawa Allah kirari yana rokonsa da ya kare Michael a duk in da yake. Bayan ya kammala ya dawo saman gadon ya dukufa wajen tofawa Michael ɗin addu'a domin abubuwan da ya gani a mafarki dan gane da Michael ɗin ba abubuwan wasa bane, sannan abin akwai rikitarwa da ɗaure kai.

After some hours👌

A ɓangaren Lion kuwa.

Tsaye suke a cikin ɗakin binciken su, yau daga shi sai Short da singlet, kakkarfar kuma kyakkyawar suran jikin nasa a bayyana, hakan yasa kwarjininsa ta kara bayyana sosai, soft skin nan nasa ba'a magana, yana kwance luf tamkar ka taɓa jini ya zuba, sai wani kyalli yake yi, ga bala'in laushi kamar bai taɓa fita waje ba, kamar fatar jariri, ya saki dark black curly hair nan nasa wadda ya zuba masa har bayan wuya, kyau iya kyau ba'a magana.

Daga gefensa Tyrone ne da Tga a tsaye kusa da shi, sun zubawa system dake gabansu idanuwa, suna ta kallon irin kisan da James yake yi, aiki suke yi sosai ba bu kama hannun yaro, domin Lion zai yi tafiya next week saboda ya samu abin da yake nema dan gane da binciken da yake yi a kan A.E.A shiyasa ya tarasu a ɗakin bincike suna duba wasu gunjiyoyin dake kewaye da A.E.A.

Tyrone ne ya ɗago kai cikin girmamawa murya kasa kasa a nutse yadda kasan wanda yake gaban mahaifinsa, wani ma ko mahaifinsa ba zai yi wa irin wannan biyayya ba, muryarsa har sarkewa take yi ya ce "Sir meyasa zaka tafi next week, why ba zaka bari sai nan da 3 weeks ɗin kamar yadda suka rubuta nan da 3 weeks za su yi gangami a wajen ba, kaga a lokacin zaka iya bamu umarni mu yi musu dirar mikiya mu kashe kowa mu ɗauko James".

Shiru Lion ya yi yana mamakin ma ya akayi mutun mai ƙaramin kwakwalwa irin Tyrone ya zama lieutenant General kwakwalwarsa sam bata da kaifin gudu na hangen nesa, ya zama dole ya rinƙa kara musu hangen nesa idan ba haka ba wata rana za su yi shirme.

Ya jima shiru bai yi magana ba, sai da ya kwashi good 15 mins san nan ya ce "Saboda C.I.A"

Kallon Tga Tyrone ya yi, yana son karin haske amma yana tsoron sake yin wata tambayar saboda ya san Lion baya son yawan surutu, idan ka cika saka shi magana sai ya jefaka ta window kowa ya huta.

Sarai Lion ya san suna sun karin haske, kuma yasan tambayar da za su yi mashi, hakan ya sa ya ce "Idan har C.I.A suka riga mu isa ga James to fa zasu har be shi ne lokaci guda ya mutu, ni kuma ba haka nake so ba, ina bukatar wasu amsoshin daga wajen shi kafin na hukunta shi". Tga ne ya yi karfin hali cewq "To why not ba zamu tafi tare ba? Please Lion ka taimaka ka bari mu bika, ina bukatar kama James da hannuna". Wucewa Lion ya yi ba tare da ya sake yi musu magana ba, dama kuma sun san hakan domin baya magana biyu. Shi dai Tyrone mutuwar tsaye ya yi yana zancen zuci "lallai James ya cika tantirin ɗan ta'adda, irin wannan kisa da yake yi kamar ba mutane yake kashe wa ba, shi kawai da sun ba shi aiki sai ya karɓa, baya duba waye zai kashe, kai anyama James jinin Romeo ne kuwa? Domin Romeo da Michael dai ba haka suke ba, sannan Romeo da yake The General of the Army ma ba ya yin irin kisan rashin imanin da James ke yi ba.

Wucewa Tga ya yi ya bi bayan Lion dan yau ko dukan shi Lion zai yi sai dai ya duke shi, amma sai ya roƙe shi akan su tafi tare.

Zaune saman bed ya isko shi ya yi shiru kamar mai tunanin wani abin. Gefen shi Tga ya zo ya zauna, shiru suka yi na tsawon mintuna ashirin.

Sannan Tga ya ce "Lion ka bari ku tafi tare mana, ina son kama James da hannuna".

Shiru Lion ya yi mashi kamar ba shi a wajen, zuba mashi ido Tga ya yi yana jiran amsa, tsawon mituna biyar sannan in a cool voice a nutse ya fara magana "Ba tare za mu tafi ba, amma dai ku zaku tarwatsa sansanin, sai dai ina son kasan wani abu ɗaya, James ba zai kamun maka ba, domin ya wuce yadda kake tunani, zata iya yiwu wa ku iya tarwatsa wayan da suka kama shi, amma fa ka sani daga lokacin da ku ka kuɓutar da shi daga hannunsu tofa kai kuma ba zaka iya kama shi ka dawo da shi gida ba".

Zaro ido Tga ya yi yana mamakin kalaman Romeo, cike da tsoro ya sake tambayarsa "Me yasa ba zan iya kama shi ba?". Nan ma dai shiru na ƴan mintoci Lion ya yi kafin ya ce "Bawai ba zaka iya kama shi ba ne, kunema zaku yaki kungiyar amma dai ina son ka sani James ya fi General training mai karfi, sannan ya fi General ƙwaƙwalwa saboda jinane shi, ba bu wata hukuma da zata iya kama shi cikin sauƙi, mutane biyu ne training na su yake gaba da James a yanzu, na farko The general of the army, ajiye muƙamina a gefe, na biyu Ni da kai na, bayan ni ba mai iya kama James cikin sauki". Kasa magana Tga ya yi domin Lion ya ɗaure mashi kai dayawa, shi dai ya san koda James yana kashe mutane shi da yake matsayin uncle nasa ba zai kashe shi ba, amma me yasa James ba zai kamun musu ba? Shine abin da ya tsaya mashi a rai.

Miƙewa Lion ya yi ya nufi Balcony yana faɗin "General kada ka rikita kanta dayawa, James ba zai kamun muku cikin sauki yadda ka ke tunanin nan ba, domin kuwa kungiya daban daban ne suke neman shi ruwa a jallo, sannan ni ma yanzu idan na fita kasar nan bawai kai tsaye kama James zan je yi ba, no bam ma tabbatar a wani waje takamaimai yake ba, saina natsu". Ya kai karshen maganar tare da shigewa cikin balcony ɗin ya shige cikin karamar pool nasa dake wajen, ya lumar da jikinsa gaba ɗaya a cikin ruwan, ya bar iya kai kawai a wajen, sannan ya lumshe idanuwansa kamar mai yin barci.

Shi kuma Tga tashi ya yi, jiki ba kwari zuciya cike fal da tunani ya wuce ya koma wajen Tyrone dan su ci-gaba da aikin da ya sanya su.

Shi kuma John yana word room dan ya ci kwakwa wajen Tga, ba karamin horashi ya yi ba, hakan yasa daddy yake bashi kulawa a word room.

Shikuma Michael sai karfe takwas bayan ya gama gym ya dawo ne ya gabatar da sallar asuban shi, Musharraf na zaune yana kula da shi yadda yake Sallah har ya idar, sannan Musharraf ya gaya masa ba'a tsallake lokacin yin Sallah, da lokacin ya yi to dole ne ayi, dan haka ya koyi tashi da asuba, kasan cewar yana son abin sai ya ce da Musharraf ya yi masa alwarin zai rinƙa tashi da asuba, sosai Musharraf ya ji daɗi, kuma yasan wannan nasara da yake samu akan Michael ba komai bane face addu'ar da yake yawan yi ne Allah yake ɗaura shi a kan Micheal ɗin. Daga jiya da daddare da Michael ya karɓi musulunci zuwa yanzu, har wani haske fuskarsa ta kara, sai kyalli yake yi, har gashin kansa sai da ta san ya shiga addini kai tsarki, domin gashin nasa har wani kwanciya ta karayi tana wani curly kamar me, idanuwansa duk sun sauya, wasu sihirtattun kyau suka kara yi, idan ka gan shi kai kace ba shi ba ne, ya kara wani sihirtaccen kyau sosai abin shi, lokaci guda haiba ta bayyana a tattare da shi, ga kwarjini na addinin musulunci ya bayyana, ya ƙara natsuwa, ga shi ƙwaƙwalwar tasa tana ta kara buɗuwa saboda karatun Alkur'ani mai girma da suka yi da Musharraf jiya da daddare, Suratul Fadiha Musharraf ya koya masa jiya, bawan Allah da yake babu wata hayaniya a ƙwaƙwalwar tasa, har ya haddace surar, yanzu ba shi da damuwar komai, ya dai na fita Palo ma, yau tun safe suna tare da Musharraf ya dage a kan sai Musharraf ya kara koya masa wata surar, haka suka wuni yana koyar nasi da falaki, sai farinciki yake yi abinsa bawan Allah.......

Nima sai farinciki nake yi na tattara kayana na wuce sai mun haɗu gobe a sabon gidan Abbi idan Allah ya kai mu da rai da lafiya [11/17, 12:27 PM] +234 906 579 6460: 💖💖TRIPLET'S💖💖

Takowa Ommu ta yi, irin takun nan na nuna isa, har gaban shi ta zo ta tsaya, from head to toe ta kare masa kallo sannan ta ce "Kayi kaɗan Maik, kuma ka kwana da shiri kamar yadda na gaya maka, next week ina nan dawowa, domin wannan gidan gidan Khadijat ce" ta kai karshen maganar tare da fice daga cikin palon fuuu kamar kumfa.

Dawo da kallonsa kan Aunty da ta yi mutuwar zaune ya yi "Ki yi hakuri Sadiya, kuma kada ki ɗauki zancen nan nata kin ji?". Gyaɗa mashi kai kawai ta yi alamar ta ji, amma cikin zuciyarta ita kaɗai ta san me take ji. Karisowa cikin palon ya yi, ya zauna saman sofa yana faɗin "A kira mini babyn daddy mu ɗan yi hira".

Murmushi Aunty ta yi tana faɗin "Yaya Maik ko dai za mu aura maka ita ne? Dan ka fita daga cikin wannan gwabrancin na shekara da shekarun, Wlh tana da hankali sosai". Dariya ma abin ya bashi, abu kamar wasan yara, cikin raha da wasa ya ce "To ai dama aurentan zan yi, kinga idan Allah ya yi muka gane Jelly sai na haɗa su na riƙe su sanya mini hawan jini da ciwon zuciya na mutu da wuri ku huta". Yar dariya Aunty ta yi kafin ta ce "Kai yaya Maik yanzu me jalila take yi maka da za ta iya sanya maka hawan jini? Sannan ita ma Ayla banga wata matsalar a tattare da ita ba" "Ke dama ta ina zaki ga matsalarsu, ai ina rokar Allah ya sanya a gane Jelly, zan baki ita na kwana biyu, ina ga ko kwana ɗaya ma ba zata yi ba, zaki dawo mini da aba ta" kara faɗa murmushinta tayi tana kwalawa mai aikinta kira.

Da sauri yarinyar ta zo tana faɗin gata nan, umarni ta bata a kan ta kira mata Ayla, to ta amsa da shi, sannan ta tashi ta haye sama.

"Yaya Maik ni fa ba zan taɓa gajiya da Jelly ba, ni ban ma san me ta ke aikatawa da kake cewa babu mai iya ta ba sai kai ba, ban taɓa zama da ita ba, amma ina ji a jikina tana da kirki da hankali sosai" jinjina kai ya yi irin alamar abarkaza cikin gashin ta, sannan ya ce "Ai ni yanzu ma ina tausayawa duk wayanda Jelly ke hannunsu, addu'a nake yi Allah ya dawo mini da abata lafiya" Amin ta amsa da shi, sannan ita ma ta kara mashi da nata addu'ar.

Tun daga Ayla ta sako kafarta a sama benen daddyn Jelly ya tsareta da wayannan dara-daran idanun nasa irin na Jellynsa, sai kallonsu Aunty take yi tana murmushi.

Kusa da shi ta zo ta zauna dan yanzu sun saba, gaishe shi ta fara yi sannan ta tambaye shi batun school, dan ya ce Irfan ya sanya ta makaranta, tana son yin karatu sosai.

Sai kallonta yake yi ya ce "Sarkin son karatu ba, to yaya Irfan ɗin naki ya gama komai, saura mu jira narar Monday kawai ta yi" kayatatcen murmushi ne ya bayyana a kan fuskarta, sannan ta sanya hannu ta rufe fuskarta. "To jeki ki shirya mu je shopping a sayi wasu abubuwan buƙata na school dana gida". Da sauri ta miƙe tana faɗin "to daddy".

Binta da ido ya yi har ta kurewa ganinsa, sannan ya dawo da kallonsa kan Aunty dake ta kallonsu tana murmushi.

"Kina bukatar wani abin ne idan muka je shopping ɗin Sadiya?" Ya tambaya yana ƙoƙarin miƙewa. Cikin sauri ta ce "Yaya Maik zauna mu yi magana", ba musu ya koma ya zauna yana kallon Tv dake magana kasa kasa, dan shi dama idan ba dole bama baya son shigowa part ɗin Abbi, sai dan ya zamar mashi dole, haka idan ya shigo ko ɗaga ido baya yi ya kalli Aunty har sai idan bisa kuskure, ko zai kalli wani abin, kallonsa ya faɗa kanta.

"Yaya Maik wlh Allah kana son Ayla, me yasa kake ɓoye mana?" Wani irin murmushi ya yi wadda take fita da ɗan sauti kamar dariya. "Yanzu Sadiya ni na ce maki ina son Ayla? Me yasa kike haɗa ni da yar cikina ne? Kawai wlh tausayin ta nake da kuma kaunarta kamar yadda nake son Jelly, sannan kuma tana da hankali sosai, ga son karatu shiyasa nake jin ta a rai na, kuma nake son ganin ta kusa da ni tana farinciki, daɗin daɗawa kuma, ita marainiya ce a halin yanzu".

Ita ma Aunty kara faɗaɗa murmushinta ta yi ta ce "Yaya Maik wlh ba iya kaunar uba da ƴa kake yi wa Ayla ba, wlh kana son ta, so na soyayyar miji da mata, kai ne dai ba zaka yarda ba, amma tun jiya na fahimci hakan".