Triplets book 3 complete By teema princess - Chapter 47

Bata same shi a wajen ba, kusa da mattress ɗin ta ajiye tray ɗin tare da juyawa da gudu zata bar wajen, dan ta tsorata rashin ganin shi a wajen, da yake tana gallon ƙasa ne sai ta yi karo da shi bata sani ba, faffaɗar kirjinsa kanta ya daka, shigowarsa wajen kenan ya je ya yi wanka ne ya shirya cikin wandon jeans baki da polo shirt sky blue, ya yi kyau over, ya saki gashin kannan nasa.

Baya ta yi zata faɗi ya sanya hannunsa ɗaya ya riƙo wuyar rigarta, hakan kuma ya yi sanadiyar bayyanar sunansa dake saman tudun tula tulanta, jawota ya yi ya tsayar da ita da kafafunsa kafin ya wuce zuwa wajen mattress ɗin, a gefe ya zauna tare da jawo wayarsa ya kira his excellency a kan ya sanya a turo ƴan sanda da fararen kaya su zo su kwashi gawarwakin nan da ya kashe jiya, abin da yasa ya kashe su dukka ba tare da bar ko guda ɗaya dan ya samu wasu bayanai daga wajen shi ba shi ne, su waƴan nan ba wani abin da suka sani fa ce a kirasu a waya a ce musu suje su kashe wane, hasalima basu san da waye suke waya ba, umarni kawai suke jira sai kuma diran kuɗi a account nasu, dan haka babu wasu bayanai da suka sani, kashe su shi ne dai'dai, shiyasa ya ɓarar da shegu, mugun iri ɓata gari.

Cikin sanyin murya cike da tsoro ta ce "Yaya Saif ga tea". Bai amsa ba kuma bai ɗago ya kalleta ba har His excellency ya ɗaga kiran nasa, kara wayar ya yi a kunnensa ya fara magana a nitse cikin kwanciyar hankali, yana fitar da words one by one, zuba mishi idanu ta yi tana kallon yadda yake motsa kyawawan lallausan red lips nasa, ba zaka taɓa cewa shi yake maganar ba, magana cike da class

❤️❤️TRIPLETS❤️❤️

*Duk wace ta karanta mini littafina ba tare da ta biyani hakkina ba Allah ya isa ban yafe ba, sai Allah ya tsayar da mu ranar da bata da abin da zata biyani face ladarta*

Dedicated to A'isha Baita Jiddah💋

E37-38💋

A takaice dai sai dai Brady ya hautasu, har sai da suka bar layin baki ɗaya, ɗaya daga cikinsu ma har cikin kwata sai da ya faɗa, ga wando na faɗuwa, abin gwanin ban tausayi gwanin ban dariya, basu san cewa Brady ɗin ba zai cijesu ba, saboda akwai waya a bakin nasa, kawai bala'i ne irin nasa yasa ya wahalar da su ya ki kyalesu har sai da ya tabbatar da numfashi ma da kyar suke iya fitar da shi, sannan ya kyalesu ya dawo wajen Lion.

Tsaye ya isko Lion ɗin a wajen bai ko motsa ba, tsalle ya yi ya haye jikinsa tare da miƙo mishi wayar, karɓar wayar ya yi yana yi mishi faɗa akan meyasa ya hau mishi jiki bayan ƙafarsa akwai datti, tsabar iya shege irin na shi sai ya wani riko Lion ɗin a wuya yana wani mimmiƙewa, shafa jikinsa ya fara yi tare da nufar gida, bai yi niyar komawa cikin gida ba, hasalima ɓuyanwa Brady ɗin ya yi dan ya tafi in da yake son zuwa, ya so ne kawai a kawo mishi mota Areef ya haɗo mishi trolleynsa, ya fito mishi da Rimsha su tafi, amma Brady ya ɓata mishi jiki dole ya koma ya sake yin wanka ya kuma yi mishi wayo ya gudu.

Babu kowa a palon kasa da sama, cikin bedroom nasa ya wuce, daddaɗar kamshin air freshener ne ta daki hancinsa, shaƙa ya yi tare da lumshe idanuwansa ya sake buɗewa, abin da ya faru shi ne, bayan ta yi sallar issha ta sake dawowa ta gyara mishi ɗakin tare da kawar mishi da laptop nasa zuwa saman bedside drawer, ta gyare wajen sofar sannan ta kara mishi air freshener mai shegen daɗin kamshi irin na ɗazun, ba ƙaramin daɗi ya ji ba.

Toilet ya wuce da Brady ɗin, wanka ya yi tare da wankewa Bradyn kafa da sauransu, bayan sun fito dressing room nasa ya nufa, shiryawa cikin pajama milk color ya yi, ya ɗaura jacket mai ɗan girma a kai tare da ɗaukar wata ƴar karamar kyakkyawar trolley ya zuba kaya kala shidda a ciki, kala biyu ne cikakkun tsadaddun kaya jeans and T-shirt, kala biyu kuma three quarters ne masu bala'in kyau da tsada da T-shirt nasu, sai pajama guda ɗaya da kuma kayan barci guda uku da ya zuba daga baya, diamond watch nasa na TRIPLETS ya ɗauko tare da perfume nasa guda ɗaya, sai karamar kyakkyawar farar towel, shots and singles, da saukan kayan buƙata nasa, dukka ya shirya cikin trolleyn, bayan ya kammala ya sanya wani haɗaɗɗen cover shoe mai bala'in tsada kalar pajamar jikinsa wato fara, ya yi kyau ba karya, sai tashin fitinannen daddaɗar kamshin perfume nasa yake yi, ya ɗaure kyakkyawar dark black curly hair sa a bayan wuya, ya ɗauki pistol gun, daga karshe ya sanya face mask a face nasa.

Jawo trolley ya yi zuwa cikin ɗakin, lokacin Brady ya fice waje, ba ƙaramin daɗi ya ji ba ganin Brady baya ɗakin, dan ba tafiya da shi zai yi ba, massage ya yi wa Mark a kan ya ɗaure mishi Brady ɗin kada ya ga tafiyarsu, sannan ya yi wa Areef massage a kan ya turo mishi Rimsha ta same shi a waje gate baki ɗaya, ya wuce ya ɗauki laptop nasa ya sanya a cikin trolleyn ta gefe, yana gamawa ya nufi waje abinsa.

Babu kowa a palon sama da kasan baki ɗaya, waje ya nufa kai tsaye, gabaɗaya sojojin dake gidan suka fara sara mishi, har suna rige rigen karɓar trolley dake hannunsa, hannu ya ɗaga musu alamar baya buƙata, buɗe mishi gate gateman ɗin ya yi, cikin taku mai nuna isa da izza ya nufi waje,. Ɗan nesa da gidan ya tsaya yana latsa wayarsa, alamar massage yake rubutawa.

Sanye take da kananan kaya dai kamar kullum, akwaita da son kananan kaya dan su ta taso tana sakawa, lokacin da daddynta, mummynta suke nan, shi ne kayansu ko da yaushe, shiyasa bata iya jurar saka wasu kaya sai su, wandon jeans ne pink color, sai riga fari, wandon akwai kyalli sosai a jikinsa, shi kuma rigar high neck t-shirt ne, ga rigar ya kamata sosai, da yake ita ba saka breziya take yi ba, sai gabaɗaya shatin tula tulan ya bayyana, dan ma ta sanya vest a ciki, bata saka bra sai vest, kanta na ɗaure da pink ɗin ɗankwali, gyalen abayar tane ta ɗaura a kan nata, ta yi kyau sosai, sai zuba kamshi ita ma take yi, a tsorace ta fito wajen, kafin ta fito sai da gateman ya tsayar da ita, a kan ba zata fita ba, sai da ta gaya mishi Lion ne yake kiranta yana waje, sannan ya bata hanya dan yasan yanzu Lion ɗin ya fita.

Ganin shi a ɗan nesa da gidan ga trolley a kusa da shi ba karamin mamaki ya bata ba, ɗan kunna hasken screen ɗin wayarta ta yi dan ta duba time, 8:20 cikin natsuwa ta karisa in da yake tsaye ɗin, cikin girmamawa ta ce mishi "Gani nan yaya Saif". Ko sannu bai ce mata ba, sai latsa waya yake yi, bai kuma kalli in da take ba, shiru ta tsaya a gefensa tana addu'ar Allah yasa lafiya. Tsayuwar minti goma suka yi a wajen sai ga wata danƙareriyar bakar mota kirar jeeb mai bakar glass ta paka a gabansu, sai kyalli motar take yi tamkar yanzu a ka fito da ita daga laidarta.

Wani jibgegen Baturen soja ne ya fito daga cikin motar, gabansa ya kariso cikin girmamawa ya miƙa mishi key ɗin motar yana risinar da kansa kasa, karɓa ya yi tare da ɗaga wa sojan hannu alamar ya je kawai, cikin sauri ya bar wajen ya nufi cikin gida, shi kuma Lion ɗin gidan baya na motar ya buɗe ya sanya trolleynsa kafin ya buɗe mazaunin driver ya shiga, ita dai tana tsaye tana ganin ikon Allah, bayan ya shiga ya kunna motar ne ya danna mata horn alamar ta shigo, da yake ita ma renon ice cream da madara ce ta gane nufinsa, sai ta buɗe gidan baya zata shiga, gently ya ce "Ni driver ki ne?".

Da sauri ta girgiza mishi kai tare da rufe kofar ta dawo gaba ta shiga, tana shiga ya bawa motar wuta suka ɗauki hanyar barin cikin Kaduna, da yake ita bata san ta ina ake shigowa Kadunar or fita ba, sai bata san fita zasu yi ba, ta ɗauka wani waje zasu je a cikin gari kawai su dawo, ga shi shi ya ɗauki trolley da kaya, ita kuma daga ita sai na jikinta da waya a hannunta, lallai akwai case kenan, mu dai je zuwa.

A ɓangaren daddy jelly kuwa, suna barin gidan Abbi kai tsaye gidansu Anaya suka nufa, babu kowa sai mai aiki da Zaira da ta dawo daga school yanzu ba jimawa, bata da lafiya ne aka dawo da ita gida, school nasu daban daban da Anaya, su karfe 1 suke tashi, Anaya kuma karfe 2 , da farko school nasu ɗaya, daga baya daddynsu ya raba musu.

Sam daddyn Jelly bai ji daɗi ba, ya so su sami daddyn Anaya dan yana da magana da shi, amma baya nan yana Zaria, haka suka yi musu sallama suka nufi wajen shan ice cream, suna tafiya yana ta jan ta da hira, ta yi lamo a jikin kujera tana ganin hanya, a hankali yake tukin dan kula da lafiyarta, duk yadda ta ɗan motsa sai ya tambayeta ko lafiya, gyaɗa mishi kai kawai take yi alamar e tana lafiya, cigaba da tafiya yake yi yana satar kallonta.

Daidai bakin wani ɗan karamin kasuwa irin na bakin hanya wadda yake a unguwa haka, ba za'a kira shi da kasuwa ba, dan ba girma gare shi na, irin waje ne haka da masu sayar da kayan miya su tumatiri da sauransu ke kafawa a bakin hanya ta cikin unguwa haka, daidai zasu wuce wajen a tsananin razane ta miƙe zaune tana faɗin "Daddy ka tsaya ga mamata can!.". Ba shiri ya ja wata iriyar birki, tun bai gama tsayar da motar ba ta buɗe ta fito da gudu, saura kaɗan wata motar ta taketa, Allah ya takaita mai motar ya kama birki, ita kam bata bi ta kan motar ba, wajen maman nata kawai ta nufa a guje, burinta kawai ta isa gareta.

Zaune take a kusa da masu sayar da kayan miyar, tana ɗauke da kwanon bara a hannunta, ta yafo wani koɗaɗɗe kuma jemammen zaninta a kanta, ga wasu uban gudaje dake binta saboda dattin dake jinta, tamkar mahaukaciya haka take zaune a wajen, da alama ta murji bakar wahala na wuce misali, kuma da alama har yanzu bata da lafiya, ta rame sosai, fuskar nan tata duk ya mokaɗe saboda rama, wasu kasusuwar wahala ne suka bayyana a saman face ɗin nata, tamkar mai cutar kanjamau.

Tun bata karisa wajen ba take ambatar mama, mama, mama, a hanzarce ita ma matar ta ɗago kanta dan ko mutuwa ta yi ta dawo ba zata taɓa mantawa da muryar ƴar ta ɗaya tilo a duniya ba, a guje ta zo ta rungumeta tana sakin kuka mai tsuma zuciyar mai sauraro tare da ambatar sunan maman nata, ita ma maman rungumeta ta yi tuni hawaye suka wanke mata fuska baja baja. A wannan hali daddy ya iskosu bayan ya yi parking na motar da kyau, gabaɗaya jama'ar dake wajen hankalinsu ya dawo kansu, harta masu sayar da kayan miya a wajen dukkansu hankalinsu ya karkato izuwa kansu, sai kuka Ayla take yi tamkar ranta zai fita, ita ma maman kuka take yi ta kasa magana, an rasa mai rarrashin ɗan uwa.

Shi kansa daddy sai da idanunsa suka kawo kwallah, uwa ba wasa ba, almost shekara 4 kenan yanzu basu tare, ai dole su yi kuka, ko da ace ma rabuwar daɗi suka yi bare kuma rabuwar wahala, sace Ayla ɗin akayi idan baku manta ba, kun ga kuwa rabuwar wahala rabuwar da basu shirya ba suka yi shi.

Sai da daddy ya ga kukan da take yi ɗin ya yi yawa, zai iya illatata, sai ya matso kusa da su tare da tsugunnawa a gaban nasu ya sanya hannunsa ya jawo Ayla ɗin zuwa jikinsa, juyowa ta yi ta kankame shi tana kuka tana faɗin "Daddy mamata ce, wlh ita ce, ita ce daddy!". Hannu yasa yana goge mata hawaye yana faɗin "Ya isa haka babyn daddy, ya isa kukan, ba shi ya kamata ki yi yanzu ba, murna zaki yi tun da mama ta bayyana, ki godewa Allah da ya bayyyana mana ita, dan Allah ki yi shiru kin ji ko?". Da yake bata yi mishi musu, bata saba ba kuma bata taɓa yi ba, sai ta yi ƙoƙarin haɗiye kukan nata, amma hawayen sunki tsayawa, ganin hakan ga kuma jama'a sun rufesu wasu ma har sun fara ɗaukarsu a video, sai ya miƙe tare da ita a jikinsa yana faɗin "Mama dan Allah ki tashi muje ko?". Bata musa mishi ba, ta miƙe ta bi shi, dan tun da ta kalle shi tare da ƴarta, tasan shi ne ya taimaki ƴar tata kenan, dan haka ba macuci bane, shiyasa ta yarda ta bishi zuwa cikin mota, jama'a da gulma sai video suke yi musu dan a sami na yin posting a media, yanzu da abu ya fara faruwa a waje, a maimakon jama'a su jajanta, sai su ɗauko waya su fara ɗauka, ko da kuwa accident aka yi a waje, Allah dai ya kyau.

Gidan baya maman ta shiga, ita kuma Ayla ya sanya ta a gidan gaba, dan baya son barinta ta je wajen mama ta cigaba da yin kukan nan nata, tana ɗaga mishi hankalin, shiyasa ya rabasu, kunna motar ya yi ya nufi gida, an fasa zuwa yawon, har lokacin sai kuka Ayla take yi, ita ma maman nata sai hawaye take yi, da yake yanzu ba hira suke ba, sai ya zuba gudu sosai da motar, cikin ɗan ƙanƙacin lokaci suka isa gida, kai tsaye part ɗin Abbi suka nufa, yaki yarda ya bar Ayla ta je jikin mamanta, dan baya son kukan da take yin nan ko kaɗan, dan haka sai ya rungume kayansa suka shiga cikin palon.

Aunty ce kawai a ciki tana zaune saman sofa bayan sun kammala cin abinci kenan, tana ganinsu ta miƙe tana yi musu sannu da dawowa, ganin wata a tattare da su yasa ta kara faɗaɗa fara'arta tana yi musu sannu da zuwa, saman sofa daddy ya zauna da Ayla a jikinsa sai aikin rarrashinta yake yi, ita kuma maman nata zata zauna a kasa ya ce mata a'a ta zauna a saman sofa, ganin Ayla na cin uban kuka haka yasa Aunty ta kariso wajensu da sauri tana tambayar ko lafiya, cike da kulawa daddy ya gaya mata abin da ya faru, sannan ya ɗaura mata da cewa ta kai maman Aylar ɗaki ta yi wanka ta ci abinci, ta huta zuwa anjima zasu yi magana, daga karshe ya tambayeta ina Abbi? Ya fita ta bashi amsa Kafin ta nufi maman Aylar tana faɗin "Muje ko? Ki dai'na kukan haka ya isa". Allah sarki Aunty baiwar Allah, ita dai ba ruwanta, koma waye aka kawo, in dai mijijta da ƴan uwansa ne, hannu bibbiyu take karɓarsu, bata da wata matsala a rayuwarta, ba kyashi bare hassada, haka ta riƙo hannun maman Aylar, bata damu da dattin da yake jikinta ba, ta wuce da ita zuwa ɗakin Hanan.

Shi kuma daddy rarrashin babyn nasa ya cigaba da yi yana gaya mata ai murna zata yi, wannan abin faranciki ne ya same su, dan haka ta kwantar da hankalinta, shi ya fi kowa ma murna, dan ko ba komai yanzu zai san su waye familyn babyn nasa da har take masa kama da tsohuwar matarsa wato mummyn Jelly. Da kyar ya lallaɓata suka wuce bedroom nasu dan ya je ya sakata tayi barci kada kanta ya yi ciwo, yasan yanzu tana lokacin barci ne saboda cikin nata, da ta kwanta kaɗan sai barci, abin ba sauki sam.

A ɓangaren matafiya kuwa.

Rimsha tun tana iya ganin mutane har ta dai'na, gabaɗaya sun fita garin Kaduna sun ɗauki hanyar Abuja, tsoro ne ya kamata, amma tuna cewa duk wuya ba zai taɓa cutar da ita ba, yasa ta hakura ta lafe a jikin kujerar motar, shi kuwa sharara uban gudu yake yi tamkar ba gobe, ban da hanya babu abin da yake kallah. Dai'dai wajen checkpoint na sojiji bayan ka fita Kaduna ta wajajen jare, a nan suka tsayar da su, a lokacin ma ta yi barci abinta.

Tun da ɗaya daga cikin sojojin nan ya dallah wutar torch light ɗinsa ya kalli motarsu, yasa a ransa sun yi kamu zasu samu kuɗi, dan kuwa ba ƙaramin mota bane wannan, nufarsu ya yi kai tsaye, da yake glass ɗin motar a sauke take kasa, sai ya danna musu torch light a cikin motar kai tsaye, har sai da Lion ya ɗan rintse idanunsa saboda bala'in hasken light ɗin.

Da sauri sojan ya haska Rimsha bayan ya haska Lion ɗin kenan, da mamakinsa sai ya ga ita chocolate color ce, shi kuma Lion Bature kamar ka taɓa jini ya zuba saboda haske, ga shi ita karamar yarinya, bugu da kari tana barci, fusataccen face ɗin Lion kuma idan ka kallah wani lokaci zaka rantse irin bakaken mugayen nan ne masu kashe mutane ba gaira ba dalili, dan haka sai sojan ya tuhume shi da satar yara, wato ya sato Rimsha kenan, kuma a yanayin da suke ɗin nan dole za'ayi mishi irin wannan tuhuma, cikin wannan dare ya ɗauko ƴa mace sun nufi Abuja, kuma kunsan dole wanda bai san su ba ya yi tunanin hakan, to da yake shi ma soja ne, yasan a kan aikinsu suke, sai bai wani nuna musu karfi ko ya dake su ba, hakan da suka yi dama shi ne dai'dai, gently ya ce musu wannan sister sane cikin Abuja zasu je, kwata kwata baya son a gane waye shi, dan shi bai zo Nigeria dan a gane ne yana ƙasar ba, yasan idan ya cire face mask na face nasa to tabbas ko basu san face nasa ba zasu san shi ne.

Kin yarda sojojin suka yi, suka ce sam sai ya tashi Rimsha su ji daga bakinta, ya tasheta a gabansu, ta ya za'ayi yana Bature ɗan haure zai ce musu bakar fata kanwarsa ce,? Ai wannan hankali ba zai ɗauka ba, babu wata kama da take nuna wannan kanwarsa ce, ko suna da alaƙa da ita, dan haka ko ya tashe ta, ko kuma ya miƙa musu ita ya kawo wani abu na cin hanci kenan, sai su yafe mishi ya tafi ya barta a wajensu, da farko ya ɗauka faɗa suke yi a kan gaskiya, sai yanzu ya fahimci in da zancen ya dosa, ashe marasa gaskiya ne ma, ba suna faɗa dan kare kasarsu daga miyagu bane ma, dan aljihunsu suke yi ashe.

Cike da izza ya ce bai ga uban da ya isa ya tashi Rimsha a nan ba, kuma wlh su basu hanya su wuce ko kuma ya yi musu abin da sai sun yi danasanin zuwarsu duniya, cike da izza shi ma ɗayan sojan ya sanya gindin bindigarsa zai taɓa kumatun ta da shi ya tashe ta, ɗayan kuma ya ja kofar motar zai buɗe, sai surfa masifa suke yi, wai ai ɗan haure ne, ya hauro musu kasa ba ta hanyar da ta dace ba, dan haka sai ya ɗanɗani kuɗarsa yau.

Bai kai ga taɓata da bindigar ba ta farka saboda surutansu da ya yi yawa, shi kuma Lion sai ƙoƙarin dannar zuciyarsa yake yi dan abin da yake gabansa ya fi masa sauraran waƴan nan banzaye muhimmanci a cewarsa, miƙewa ta yi zaune tana murje idanunta. Tsawa sojan ya daka mata wadda ya sanyata firgita, shi kuma Lion wayarsa ya ɗauko ya fara latsawa, dan shi bashi da lokacin sauraran waƴan nan marasa hankali da basu san aikinsu ba a cewarsa,.