L u'u l u'u book 3 complete by huguma - Chapter 21

"Salman alfarisy......wani babban sahabin annabi ne S A W,asalinsa mutumin farisa ne wato iran a yanzu,Ya yi tafiya mai tsawo yana neman gaskiya (addinin musulunci) Ya yi bincike daga addinai daban-daban har ya kai ga Musulunci. Gonar dabino ta salman alfaris,wani tarihi ya nuna annabi ya shuka dabino 300 ne a gurin dukka saboda sakawa salman alfarisi fansar kansa da ubangidansa yayi,akan saiya shuka dabino 300 kowanne ya fito ya bada 'ya'ya anci,yayi hakanne don baiyi niyyar 'yantashi ba,saboda kowanne dabino a qa'ida yana daukan shekara bakwai ko takwas kafin ya bada 'ya'yan da za'aci zuwa goma. Da yakaiwa annabi S AW kukansa,suka hadu shi da sahabbai kowanne da irin dabino,annabi S A W ya dinga karba yana dasawa,sai daya dasa 300 cif,suka kama cikin qaramin lokaci suka kuma bada 'ya'ya kaman yadda ubangidan ya buqata.....da haka salman alfaris ya samu 'yancinsa cikin gajeran lokaci. Amma wasu bangare na tarihi sunce ba haka bane.....amma koma dai yaya ne.....dabino abune me daraja a gurin annabi S A W,zamu so dabino,zamuci gaba da ci,muna fatan samun ladan koyi da sunnah na fiyayyen halitta S A W" Suka qarasa masa salati tare.

Kai take juyawa a hankali,tana jin dadin tarihin sosai. Wata dabi'a data fara shigarta,har ta siya litattafai da dama na tarihin sahabbai tsakanin makka da madeena,tana son kuma ta samu dama ta karancesu gaba daya da kanta.

A hankali yaci gaba da bata tarihin salman alfarisy,jarumtarsa....hikimarsa gwagwarmayarsa da yaqunan da akayi dashi.

Shuru kawai tayi,kanta saman cinyarta,wani irin shuru me cike da nutsuwa,muryarsa kawai take tashi da wani irin laushi da sanyi.

Yana fadin komai da cikakken details.....kwanan wata da shekarar da komai ya faru. Sunayen sahabban da suke gurin da sauran abubuwan da suka wakana bayan da kafin sannan tamkar yana gurin a lokacin.

Sanda ya fara lissafa mata falalar da madeena ke dashi sai da taji tsigar jikinta tana tashi. Da gaske sunan umara da hajj kuwa take zuwa.....da gaske batasan komai akan guraren ba. Zuciyarta tayi wani irin laushi,hawaye sosai suka cika mata idanunta,qaunar gurin tana sake kamata da gaske,inama tun zuwan da take tasan duk da wadannan falalar da sauran gurare masu daraja haka.

(Ya Allah,dukkan musulmin dake da burin zuwa gurin nan don isar wanda ke kwance a gurin muhammad S A W Allah ya qaddara zuwansa......masu niyya da son komawa Allah ya cika mana burikanmu gaba daya,Allah kasa miyita zuwa,ka qaddara shahadarmu acan son hasken fuskar masoyinka muhammad S A W🙏🏽🙏🏽).

Batasan sun isa gurin ba,sai da taji motar na magana da yanayin isowarsu gurin,ya kashe motar a hankali,ya waiwaya yana dubanta. Zare seatbelt dinsa yayi,ya ya bude motar ya sauka ya zagaya ya bude mata.

Ta jima fuskarta a kife tana qoqarin daidaita hawayenta,yana tsaye harde da hannuwansa kawai yana kallonta,baice mata komai ba har sai data debi adadin mintunan da sukayi mata sannan ta gyara hijab dinta,ta daga kanta idanunsu suka hadu guri daya,saita dauke dubanta a kanshi da sauri.

Wani kyau blue eyes dinta yayi masa,wani kyau daya sanya tsigar jikinsa wani irin zubawa harsai daya dunqule hannunsa,yadan cije lips dinsa na qasa kadan,yayi taku biyu baya yana bata daman fitowa.

Tun daga farkon gurin tasan gurine bana wasa ba,gurine cike da wata ni'ima da qananun qoramu,wanda iyasu kadai sun isa sanyaya ran mutum.

A hankali zuciyarta ta dinga haske tana washewa,ta dinga taka gurin tana ganun nau'in dabinai kala daban daban,wanda tunda take bata taba ganin kalar wani ba. Kowanne kuma da sunansa da launinsa. Dandano ne ta kasa sawa a bakinta,sai taji kaman zai kalleta,zai kalle mata baki yaga yadda take tauna.

Tsaiwa kawai tayi tana kallon yadda ake loda dabino cikin boot na motar,idanunta sunyi laushi kaman yadda takejin jikinta gaba daya yayi laushi. Kanta ke mata ciwo tana jin kuma yadda zazzabin jikinta yake sake daduwa,amma kuma ba zata iya gaya masa ba.

A hankali ta sake curewa guri daya tana jin sanyin Ac din motar kamar yana son mata yawa,duk da tasani bai saka sanyin da zai dameta har haka ba.

Idanunsa akan kyawawan titunan madeena,amma haka kawai hankalinsa yake jin yana kanta. Shurun yayi yawa,ba irin shirun dazu bane wannan. Ya juya a hankali ya zuba mata idanunsa kadan sannan ya janyesu,hannunsa ya miqa kan Ac din motar ya kasheta gaba daya. Zaman da tayi yafi masa kama dana wanda yakejin sanyi.

"Kina lafiya?" Ya fada sanda ta taka a hankali zata shige dakinta. Kadan ta waiwaya ta kalleshi,sai ta daga masa kai a nutse ta tura qofar tana wucewa. Minti kusan daya yana tsaye kafin ya janye idanunsa yana duba lokaci. Already sunyi sallar isha'i a can,yau kam jikinsa hutu yake buqata,don ya samu energy na shiga Ethiopia jibi.

Ya sake ninkawa kansa nisantar masaukinsu ne saboda ita. Tun daga wancan ranar da abun ya faru.....tun daga wancan lokacin sai abun ya zame masa kamar wani jarrabi. Zai wahala ya kwnata barci bai ganshi cikin wani irin yanayi ba ita dashi. Zai wahala yayi bacci biyar guda hudu bai farka cikin buqatar wankan tsarki ba. Ya tabbatar ci gaba da mu'amalarsa kusa da ita sosai.....zuciya ce bata da qashi,komai zai iya wakana,amma a yau yadda ya gaji sosai,yana saka rai zai kwanta ne yayi bacci me dadi da bazata zame masa barazana cikin mafarkinsa ba.

_hmmmm.....anya kuwa?,yau daikam Allah yasa a tsaya iya mafarkin ma_

Ruwa me dumi sosai ya cika bathtub dashi,ya zare kayansa cikin kasala da gajiya ya shige ciki yayi luf abinsa yana jin yadda dumin ruwan ke ratsa qasusuwansa. Kusan mintuna talatin da biyar ya bata sannan ya wanke jikinsa ya fito. Sosai sumar kansa ya kwanta saboda ruwan data nada,hakanan duk wata gargasa dake a jikinsa qirjinsa da hannuwansa,ya daura towel sannan ya dauki qaramin yana rage damshin dake saman kansa.

Kaman jira ake ya fito kira ya shigo wayarsa,koda ya duba sai yaga omar ne.

"Ya salam" Ya fada yana murmushi,omar ne ya sani,bazai kirashi haka siddan ba sai ya matsanta masa,tabbas sai ya takura masa hankalisa zai kwanta. Baya raba dayan biyun kuma sai da suka gama magana da maleek sannan ya kirashi.

"Ya akayi?" Yace da omar yana daga wayar. Wata dariya omar ya saki. Baqon abune a gurin haisam din ya daga wayarka bai fara maka da sallama ba.

(Don samun littafin lu'u lu'u 08187255862)

"Captain.....kome zaka fada ka fada........amma tsokana dole ne".

" Halan kana da isashen lokaci ne ko?"

"Ko babu zan qirqirar maka".

"Alright.....bismillah" Ya fadi yana jan stool ya zauna kawai akai. Ya sani,kafin omar din ya gama iskancin tsokanarsa har jikinsa ma qila ya bushe,don haka bai damu da neman handrayer da zai busar da sumarsa ba,sai kawai yaja body cream da perfume lotion da suke sake sanya gargasarsa ajiye wani irin fitinannen qamshi ya soma shafawa yana jin omar yana duk kalar shaqiyancin da yaga dama.

Da qyar ta zare kayan jikinta ta maida gurbinsu da wata tattausar sleeping dress data tsaya iya gwiwa data zo ta tarar birra ta aje mata. Tun da yamman ta sallami birra din bayan birra ta gama komai da tasan zata iya nema a daren,don daman tasan zasu iya kaiwa dare.

Saman lallausan gadon da nannade wanda yasha shimfidar offwhite din comforter bedsheet da duvet dukka kala daya.

Sannu a hankali zazzabin dake jikinta ya fara yawa,ta soma jin zafin ita kanta a karan kanta wanda yake tafe da wani irin ciwon kai. A hankali takejin zafin zazzabin har cikin idanunta da labbanta,ta sake curewa guri guda tana fesar da iska me zafi daga bakinta.

"Bappi" Ta fadi a hankali lokacin da ta soma jin jikinta dukka yana mata nauyi,ta lumshe idanunta tana jin wani irin kadaici yana saukar mata.

A hankali ta soma jin yanayin nata yana sauyawa,daga zafin zazzabi zuwa wani irin sanyi me ratsa qasusuwa,sanyin da takejin kamar ba cikin comforter take ba,kamar wadda ke kwance a sararin da babu komai face rigar jikinta zallah

"Bappi" Ta sake fadi a hankali idanunta suna tara ruwan hawaye. Sosai ta qanqame pillow din tana cusa kanta a tsakiyarsu. Kewar sultane take.....amma sai takejin akwai wani abu daban data rasa.....akwai wani gurbi daban daba na sultane ba.....akwai wani abu daban da take kewa sama da kewar sultane.

Idanunta ta lumshe,hoton fuskarsa ya gilma mata,kafin ta iyayin komai kuma sai wata irin mahaukaciyar kewarsa ta lullube ruhi da zuciyarta gaba daya ba tare data bar mata gurbi komai qanqantarsa ba.

"Aah" Ta fada tana girgiza kanta duk da nauyin da yayi mata. Batason ta yarda ko ta aminta da abinda zuciyarta keson gaya mata. Ba haka bane.....tanajin wani kusanci ne kawai ya jawo haka wanda zayazo ya wuce.

Hankali kwance omar ke bashi dukka bayanai akan kamun mammina. Yayi relaxing sosai yana saurarensa,bayan ya gama ji din kuma ya gyara zamanshi da kyau.

"Sati daya.....sati daya nakeso su riqeta a gurinsu.....kafin satin na kammala da issue din company din,inaso komai ya gama fits lokaci daya".

"An gama......amma kamar a wayar uwargida za'a samu phone number nata?,ina buqata zan qarasa wancan binciken daka bani" Kai ya jinjina a hankali.

"Alright.....ka riqe wayar ina zuwa" A nutse ya miqe yana zare towel din jikinsa bayan ya saka boxers da moroccon jubah fara tas,jikinsa na fidda qamshin cream perfume dinsa me wani irin qamshi laushi da kwantar da zuciya ya soma takawa zuwa qofar fita ba tare daya saks bedroom slippers dinsa ba.

Numfashi ta sake ja sosai tana jin kamar yana neman yayi mata kadan,tana kuma sake cusa kanta cikin pillows din,abinda yake qara mata qarancin iskar da take shaqa.

Ya tura qofar ya bude a nutse idanunsa na sauka saman gadon dake nuna alamun akwai mutum kwance akai. Haka kawai yaji wani abu ya fusgi hankalinsa,kai tsaye ya soma takawa zuwa saitin gadon bayan ya biya ya qara hasken dakin ta hanyar kunna qwai guda daya. Saidai yana qara taku daya qafarsa ta taka wani abu,sai ya danja baya da sauri tsigar jikinsa na tashi. Brazier dinta ce fara qal yashe a qasa,sai rigar data fita da ita da under wear dinta data suma a wani gefe na daban. Idanunsa ya zare a hankali daga kan bra din,tuna tuna masa da wancan ranar.......tana tuna masa da wancan yanayin,tunin daya sanya tsigar jikinsa zubawa gaba daya,cikin second biyu kwanyarsa ta harba saqo zuwa ga gangar jikinsa. Zuciyarsa ta motsa kadan daga inda take zaune,cikin kokwanton da shakkar maimaituwar faruwar abinda ya faru a wancan ranar yaci gaba da sanyo kai cikin dakin

A nutse ya qarasa gaban gadon idanunsa a kanta,yanayin kwanciyarta,a qudundune cikin duvet ko kanta baka iya gani yasa yaji bai gamsu da yanayin ba. Hannu ya miqa a nutse yana qoqarin janyewa gami da kiran sunanta da wani irin yanayin daya ratsa har kwanyarta,kiran daya sanyata jan wani irin dogon numfashi daidai sanda yake yaye duvet din daga fuskarta zuwa saman wuyanta.

Ajiye numfashin tayi tana qoqarin sake jan wani.

"Subhanallah......me ya sameki?" Ya furta a rude yana haurawa saman gadon da gaggawa fuskarsa da muryarsa duka suna nuna tsananin rudewarsa,saidai hannunsa kadai daya dora saman sassalkar sumarta data warwatsu tsakanin pillows din dake kan gadon dama fuskarta da tayi wani fayau ya bashi amsa.

"Ya salaaaaammm" Ya fada da wani irin yanayi yana qarasa haurawa gadon gaba daya tare da qoqarin dagota gaba daya zuwa jikinsa.

*zaki samu daman karanta wannan QASAITACCEN LABARIN ta hanyoyin siyan tikitinki kamar haka da naira (1000) kacal*

*Lambar asusu:- 6019473875* *Safiya musa abdullahi* *Keystone bank*

*KI TURA SHAIDAR BIYA TA NAN*

08187255862

*Al'ummar qasar nijer 🇳🇪*

*2349166221261* *Safiya musa abdullahi* *NITA* *CFA 1,000*

*SAIKU TURA SHAIDAR BIYA TA LAMBAR DAI*

08187255862

*GA WADANDA ZASU SAKA KATIN WAYA NA MTN SUMA NUMBER DUKA DAYA CE*

*MTN CREDIT 1000 ZUWA GA* 09166221261

*SHAIDAR BIYA* 08187255862

*_TAFIYAR 'YAR GASKE CE........LABARIN QASAITACCIYAR MACE CE KAWAI KE IYA SIYANSA_*

*QASAITA👑*

*HUGUMANKU CE*✍🏽💎 *L U'U L U'U* *_(The diamond)_*💎

*H U G U M A*

*BOOK 03///PAGE 39*

K'oqarin dagota yakeyi amma yanayin zafin da yaji jikinta yayi da rawan sanyin da yaji tana yi ya sanyashi saketa a hankali ya furta

"Subhanallah". Zafin kamar yayi yawa sosai,ya sanya hannunsa a hankali yana zame bargon data rufa dashi din gaba daya. Ta maida idanunta tana lumshewa,hawaye yana sauka ta gefan idonta dake rufe. Sanyi takeji.....sanyi takeji sosai,budetan da yayi ya zama kamar wani qara mata sanyin yayi.

Matsawa yayi inda ya ajiye wayarsa ya dauka yana budeta. Kai tsaye yayi kira zuwa ga clinic na hotel din.

"Ina buqatar wasu magunguna da allurai" Umarnin daya bayar kenan sannan ya ajiye wayar bayan ya bada number dakin.

Dawowa yayi ya tsugunna ta gaban gadon saman qafafunsa,ya daidaita kansa saitin nata,ya zube idanunsa a hankali kan baby face din nan nata da tayi ja,jan da zai nuna maka lallai zazzabin da takeji yakai wani mataki.

Hannunsa ya daga a nutse ya dora lallausan tafin hannunsa saman goshinta. Sake lumshen idanunta tayi tana jin yadda laushin tafin hannunsa da duminsa yake ratsa kan nata.

"Sannu....." Ya fadi da muryar dake nuna kulawa sosai da damuwa a cikin sautinsa.

Motsa labbanta tayi da niyyar gaya masa kanta.....kanta yana ciwo sosai,amma saukar tafin hannun nasa saman wuyanta ya kashe bakinta. A hankali zafin dake saman wuyan nata yake ratsa fatar hannunsa yana aike da wani abu zuwa sassan jikinsa,ya sake zame hannun nasa a hankali yana sauke ajiyar zuciya,daidai sanda saqon ya iso daga clinic din.

Karba yayi ya dawo,ya ajiye saman bedside drawer idanunshi still a kanta. Kuka take.....kuka take a hankali,kukan da yaji ya masa nauyi,ya taka a nutse ya sake fita zuwa sittingroom.

Cikin mintina biyar wannan hidden princes din ya tako zuwa cikin dakin,dauke da tray,wanda samansa cops ne da wani butan shayi me zubin tea flask.

A nutse ya ajiyeta a gefan bedside din. Cup daya ya dauka,ya hada tea din dan kadan ya zuba zuma daidai da irin taste dinsa,don baya amfani da sugar kwata kwata,sannan ya matsa gaban gadon,ya koma ya tsugunna gaban gadon yana sauke idanunsa a kanta.

"Zaki iya tashi......don Allah" Ya furta da muryar nan tasa dake da wani sanyi da nutsuwa. Idonta ta kulle sosai tana girgiza kanta alamun a'ah. Shuru ya gilma a tsakaninsu na sakanni.

"To na taimaka miki ki tashi?" Ya sake fadi yana kwantar da kanshi kamar me neman wata alfarma. Kai ta sake girgizawa.

"Pleeeeaaase" Ya sake fada yana hada hannayensa guri daya. Yadda ya danja kalmar ya sanya taji wani abu me sanyi yana narkewa tsakiyar sanyin da jikinta ke bala'in ji,sai tayi shuru ta kasa cewa komai,wannan ya bashi damar miqa mata tattausan tafin hannunsa dake da wani irin haske me kyau. Jirkitattun idanunta ta bude tana kallon tafin hannun nasa. Suna burgeta.....suna burgeta har batasan iyaka ba. Suna saukar mata wani irin yanayi duk sanda zai hadesu cikin nata.....amma a yanzun sai taji kunyar fara dora nata hannun saman nasa. Baya ga haka rigar jikinta......rigar jikinta tayi tsiraici da yawa,amma kuma batasan yadda zata gaya masa ba. Ba bra a jikinta,sannan saman rigar wani irin net aka shimfida red color daya manne da fatarta sosai ya haska gurin matuqa da gaske.

Bata gama daidaita tunanin ba taji an dagata cak,abinda ya sake razanata ya sanya kanta ya sara kadan jin yadda yake rabata da gadon da dukka hanuwansa kamar wanda ya dauki takarda.

Hannuwansan ta riqe sosai jikinta da bakinta suna rawa,ta rungumesu sosai cikin jikinta. Tanaso tace masa ya sauketa,tanaso tace masa ya barta ta lullube jikinta,tanason ta gaya masa ba wata riga me kauri bace a jikinta amma dukka tsoro ya hanata,ya qarasa gigitata gaba daya sanda taji yana ajiyeta saman kujera gayarta.

Daga sanda ta rungume singalalin hannunsa cikin jikinta,daga sannan yaji ta dasa masa wasu boyayyun halittu cikin jikinta ta aike masa da wani irin makami me qarfi daya soma raunata qarfinsa. Ya sani ba cikin saninta bane zata bashi access da gurin har haka......yayi kuma yaqi sosai da idanunsa akan kada ya kalli gurin. Ya samu nasara,don yana sauketa ya koma ya tattaro mata duvet din saman gadon,ya zagaya ta bayanta ya soma dora mata shi daga saman kafadunta yadda zata zama comfortable,saidai ina.....duk yadda yakai ga son kaucewa kallon gurin.......a sanda yake zagayowa gabanta yana qarasa rufe mata jikinta saida idanunsa suka sauka akai. Fatar gurin tayi wani haske sosai ta sanadin redlace din da aka qawata gaban rigar dashi. Kamar wancan ranar......suna tsaye kyam kamar wadanda suke gayyatarsa zuwa garesu. Wani abu ya fusgeshi har jikinsa yayi shaking kadan,ya cije lips dinsa yana qarasa lullubeta.

"Calm down......calm down haisam" Yake gayawa kansa da kansa can cikin kwanyarsa. Saidai duo da wannan qwarin gwiwar da yake bawa kansa hakan bai hana kowacce laka ta jikinsa zarewa ba.

Da wani irin laushi ya jawo wata kujerar zuwa inda take zaune. Ya zauna dab da ita,saidai kuma kusancin yayi mata yawa don tana iya jin gwiwarsa tana gogar tata a hankali a duk sanda ya motsa. Idanunsa ya lumshe gami da budesu duka a lokaci guda yana qoqarin controlling kansa. Ya dauka iya wancan wajenne kawai.....ya dauka sune kadai abinda keda qarfin karyashi da kuma raunata karsashi da kuzarinsa......sai gashi a yanzu ya gano wani abu na daban. Dogayen zara zaran yatsun hannunta.......sassalkan gashin kanta daya sauka har kusa da mazaunanta,ya kuma yi mata ado daga gaban goshinta har zuwa bayan kunnuwanta da gaban kunnen nata,yabar mata wani saje me kyau. A duk sanda zai kalli fuskarta da tayi wani fayau....da siraran labbanta da suka danyi dry kadan saboda zazzabin sai yaji wani abu yana tsarga masa.

"Take it" Ya fada cikin laushi yana miqa mata cup din tea din daya dauko. Wannan blue eyes din nata da sukayi laushi ta zuba masa,sun tara ruwan hawaye sosai. Ita din ba gwanar abinci bace ko lafiya lau ballantana yanzun da bata da lafiya. Idan tana lalura ruwa kawai take iya sha.....ba magani ba abinci. Tana iya tuna yadda hankalin mammina ke tashi a lokacin,tayita zarya a kanta har sai ta tilastata taci wani abun.

Kai ta girgiza masa alamun ba zata sha ba. Idanunsa ya zuba mata a hankali yana kafeta da kallonsa,wannan kallon dake iya tilasta maka yin abinda yakeso koda baka shiryawa hakan ba. Wani irin magnet yake fusgarta dashi,wani irin kashe mata sassan jiki dana zuciya idanunsa sukeyi.....bai sani bane?" Ta tambayi kanta tana qoqarin lumshe idanunta ko zata rage tasirinsu,saboda tana jin yadda wani bala'e'en sanyi yake sake ratsata.

"Karbi" Ya sake maimaitawa da sigar umarni. Hannunta ta miqa tana karba,yatsunta suka sauka saman nasa,ya lumshe idonsa a hankali yana budesu gami da zubesu akan yatsun nata da jan lalle ya yiwa wani irin kyau kamar dashi aka halicceta.

Dan qaramin bakinta yabi da kallo sanda tak sipping tea din a hankali,ya sake zare dubansa yana jin wani irin abu yana yamutsa masa

"Ya salam......haisam.....haisam" Ya kira kansa da kansa internally wai ko zaiji wani abu daban ya amsa kiran bashi ba.

Dan qaramin abu ya shimfida mata saman duvet din da take lullube dashi don kada ta batashi,saidai ko kurba biyar batayi ba ta sauke cup din tana langabe kai idanunta cikin nasa.

Bata tana ciwon da taci abinci haka ba,kuma ko a yanzun tasha yakai har hakanne saboda tsimammun idanunsa daya kafeta dasu.

"Ya isa" Lumshe idon ya sakeyi ya budesu duka a lokaci guda da wani irin calmness,ya motsa kyawawan labban nan nasa masu wani irin surkin red da pink.

"Ki sake qarawa" Ya fada a hankali kamar bayason yin maganar. Inda wani ne.....inda kuma zata iya zatace masa aah,amma kaifin idanunsa baze bari tace komai ba,ta langabar da kanta,ta sake kurba uku,wannan karon a shagwabe ta fadi.

"Ya isa" Saboda yadda taji kamar zai dawo. Dif yayi wani abu yana tsinkewa cikin kansa. Yadda tayi maganar da wata irin narkakkiyar shagwaba saita zama kamar tsokana a wajensa. Bai iya cewa komai ba,ya miqa hannu ta saka masa mug din ya maida saman tray din,sannan ya matsa baya yana jawo ledar da aka kawo daga pharmacy din.

*_Assalamu alaikum warahmatullah_*

*_Akwai pyjamas/home wear/lounge wear tsala tsala masu dadin zaman gida da bacci_*

*_Sabbi kar a mutunce cikin jakarsu,a affordable price_*

*NA IYAYE DA YARANSU*

*_kina kasuwancinsu?,Maza zoki gwada wadannan dana kawosu......quality dinsu ya girmi farashin_*

*_ki siga ki siyawa yara.....masu dadin sawa a zafinnan.....ga taushi ga ba nauyi_*

*_maza tuntubi huguma ta nan don ki ganewa idanunki_*

08187255862