Triplets book 2 complete - Chapter 16

A bakin kofar ɗakin nasa ta tsaya ta kwankwatsa masa, kamar jiranta yake yi dama, cikin sauri ya buɗe kofar. Fuskar sa ɗauke da kayatatcen murmushi ya ce "Sannu ki" ɗaure fuska sosai ta yi kamar wadda aka aikowa da mutuwa, wani irin faɗuwar gaba Nawid ya ji lokacin da ya ga yadda ta ɗaure fuskar tata.

"An ce kana nema na lafiya?" Shine abin da ta ce masa, wani wahalallen yawu ya haɗiye kafin ya ce "To malama da farko dai sunana Nawid kuma Ni..." Bata bari ya kai karshen maganar ba ta ɗaga masa hannu alamar bata son jin maganar tasa, shiru ya yi ya zuba mata ido.

A yatsene ta ce "An ce kana nema na me kake buƙata, oder me zaka bada?" Ta yi maganar a nitse cikin kwanciyar hankali, da kallo ɗaya zaka mata kasan izza ya samu mazauni a tattare da ita, gata kuma kaifi ɗaya ce, bata magana ta sauya ko me za a yi mata, idan tana magana ɗai ɗai take yin shi, kuma a nitse take, ba ta haɗa ɗaya da ɗaya.

Kakalo murmushin dole ya yi, dan harga Allah bai ji daɗin yadda ta tarbe shi ba, duk da cewa izzarta yasa ya kamu da son ta, amma da ta yi masa shi, bai ji daɗi ba.

"Malama ki bari mana na faɗa miki sunana tukunnan ko?" Kawar da kanta gefe ta yi kafin ta ce "Sunan ka baya cikin jadawalin tsarin aikina, so please ina ganin girmanka, ka kama kanka, just tell me what you want direct kawai dan ina da abin yi" Ta yi maganar tata cikin harshen turanci, dan har yanzu hausa bai zauna a bakin ta ba,

Sosai ya yi mamakin jin yadda take rero turancin nan kamar dan bakin ta a ka yi yaren.

Wow ya furta a ransa, a fili kuma daurewa ya yi ya ce "To shikenan tun da baki bukatar jin sunana bari na gaya miki me yasa na kiraki" kara ɗaure fuska ta yi ba tare da ta yi magana ba, kuma bata kalli in da yake ba.

"A gaskiya malama ba zan ɓoye miki na cuci kai na ba, ke ɗin kyakyawa ce ajin farko, kuma na kamu da matukar kaunar ki da kallo farko" ko aji kin ta, bata yi wani alama da zai nuna cewa ta ji wani abu ko wani mamaki da jin zancen sa ba.

"Malam ba mu sayar da kyau da kuma Kauna a wannan restaurant ɗin nan, daga shinkafa da miyar steew, sai jolof da su tuwon semo, pepper chicken, pizza, burger, shawarma, da dai sauran kananan kayan cima, amma gaba ɗaya cikin jadawalin girke-girken mu babu me ma kace sunan abin cin? Yauwa kyau da kuma Kauna ko? To su dai babu su".

Tofa, Babbar magana me Jehan ke nufi kenan?🤔

Mutuwar tsaye Nawid ya yi tare da kara zaro idonsa yana kallon ta da kyau.

"A iya sani na ko yan kauye sun san menene so da kuma Kauna, sun san menene kyau, in fact sun san menene aure, amma yarinya santaleliya kamar Jehan gata kalar wayayyu yan gayu, ga iya zuba turanci, amma ta ce ba ta san soyayya ba, anya ba raina min wayo ta yi ba kuwa?" Sai zancen zuci yake.

Zazzakar muryar ta ne ta katse masa zancen zuci nasa da cewa "In kawo maka shinkafa irin ta ɗazun ne? Ko dai na yi tafiya ta?" Kara mamaki ya yi sosai

"Wai shin da gaske Jehan ta ke yi ba ta san menene soyayya ba ne?" Ya sake tambayar kansa da kansa, tambayar kuma da ba shi da amsarta, domin Jehan ita kaɗai keda amsar, kuma bai ga ala'mar fuskar da zai samu damar tambayarta ba.

Ya yi nisa cikin tunani, sai ganinta ya yi ta sa kai zata wuce ta bar wajen, cikin sauri ya fito daga ɗakin, ya sha gaban ta yana faɗin

"Haba Malama, ya isa haka zolayar mana please" karo na farko da ta ɗaura idon ta cikin na shi, taɓe baki ta yi, alamar mamaki ma ya bata,

"let me pass" shine abin da ta ce masa,

Kin matsa mata ya yi, sai ma kara matsowa kusa da ita da ya yi, ya kara kashe murya kasa kasa, irin salon jan hankalin nan ya ce

"Haba Malama, ni nasan ba halinki bane saboda ba ki yi kalar wulakanta mutane ba, sannan kuma daga ganinki kin san me nake nufi, kuma kin fahimci ina na dosa, wlh ba son wasa na ke miki ba, har ga Allah nake son ki, kuma aurenki zan yi, ba da wasa nazo ba"

tamkar da dutse yake magana haka Jehan ta masa shiru kamar bata a wajen, sai surutu yake zubawa ko uppan bata sake ce mi shi ba, kuma idan baku mance ba Jehan bata da yawan magana bata shiga harkar kowa.

Sun jima tsaye a wajen, bata sake magana ba. Da ta ga ji da jin surutan shi sai ta ce

"Malam ina son wucewa"

mamaki ne ya kama shi kenan yanzu duk wayan nan kalaman soyayya da ya zuba mata bata san su bane ko menene.

A zahirin gaskiya Jehan bata gane kalamansa ba, ta dai san soyayya da kaunar bayan haka duk kalaman da ya mata ba abin da ta fahimta, domin da hausa ya yi su, ita kuma kunsan ba jin hausa sosai take ba,.

Bawan Allah ya zage sai zuba kalamai yake yi ashe duk a banza ya yi su. Kuma sanin soyayya da Jehan ta yi bawai ta san yadda ake yi bane, a'a kawai dai sunan ta sani, dan ita bata kallon finafinai ma bare a ce zata kalli soyayya a wajen, bugu da kari bata da kawaye ko makamancin su, ba wani abin da ta sani game da soyayya bayan sunan shi soyayya.

Ganin Nawid ya yi mutuwar tsaye yana tunani ne yasa ta raɓa gefensa zata wuce, cikin sauri ya riƙo hannunta yana faɗin

"Haba malama kada ki min haka, wlh soyayyarki zata iya yi mini illar ki tausaya min, sosai kika mamaye zuciyata, ta ko ina, har ina ji a jikina ba zan iya rayuwa ba sai da ke, kada ki ce ba zaki karɓeni ba..."

Ji kake tass ta wake masa fuska da wani gigitacen mari ba tare da ya gama kalameta da yake yi ba, a fusace ta kwace hannun ta daga riƙon da ya mata, rai a matukar ɓace ta bar wajen ta bare da ta yi magana ba.

Shiru ya dafe kumatunsa, ya kasa yi mata magana, kuma ya kasa dakatar da ita har ta tafi, ko kaɗan bai ji zafin marin da ta masa ba, sai ma son ta da ya karu masa sosai a zuciyar.

(Umm giyar soyayya ba🤣)

A gaskiya zuciyarsa ma kara yaba mata yake yi ta yi namijin kokarin, hakan kuma ya kara burgeshi, yanzu ya dace ya kara ɗaura ɗamarar neman aurenta, a cewar sa, domin ita ce matar aure, mace mai kare mutumcin kanta wadda ko hannunta bata yarda wani namijin ya taɓa ba. Sosai Nawid ya sa a ransa dole ya nemi auren Jehan kuma ya zama masa dole ya nemi soyayyarta, ita ta dace da rayuwarsa.

(Tirkashi aikuwa ka haɗa hanya da wahala)

Jiki ba kwari, tunani cike fal a ransa, ya wuce ya koma cikin ɗakinsa. Yana shiga ya tsaya a gaban mirror ɗakin tare da shafo in da ta maresa da hannunsa ya mannawa hannun nasa kiss, har da wani lumshe ido, shi a dole izzar Jehan da kuma kamewarta sun tafi da imaninsa. Shi ga shi ɗan soyayya.

( Soyayya manya.)

Ya ɗan jima tsaye a wajen, kafin ya fara haɗa kayansa dan ya koma Kaduna ya sanar da Ummi abin da ke ransa.

Ita kuma Jehan tana koma, kai tsaye cikin office ɗin Ibraheem ta nufa, yana ganin ta tun daga nesa ya zuba mata ido yana jiran ya ji wani bala'i zata sauƙe masa kuma.

(Ibraheem na cikin gararin da bala'i Jehan🤣 bawan Allah)

"Ibraheem!! Ibraheem!! Ibraheem!! Sau nawa na kira sunan ka?" Shine abin da Jehan ta faɗa lokacin da ta iso wajen, shiru ya zuba mata ido yana kallon ta.

Rai a matukar ɓace ta ce "Na ce ka kiramin ogan ka a waya ya zo nan ina son yin magana da shi"

"Ki yi hakuri zai zo ranar Jumma'a sai ku yi magana" Ibraheem na gama kai karshen maganar ta wuce ta koma bakin aiki ta, tana tunanin idan ogan su ya zo, ya zama mata dole ta faɗa masa, ba ɗakin kato da zata sake zuwa, domin ita ba yar iska ba ce.

Shi dai Ibraheem ido kawai ya bita da shi, dan yanzu shi burinsa ya lallaɓata ta samu ta yi aiki ta biya shi kuɗin sa, shiyasa baya wani biye mata, dan in ta ce ba za ta yi aikin ba, waye zai biya shi kuɗin sa, dan dai yasan gidan su Jehan ba ta in da za'a fitar da dubu ɗari biyar, kuma ko ƙararta ya kai ba ta in da za su iya biyan kuɗin, sai dai ma shi ya sake kashe wa su kuɗaɗen wajen biyan yan sanda da sauransu..

Tofa Jehan yau ake yin ta, ni na haɗa kayana nayi gaba sai mun haɗu da ku a gidan su Aafia gobe idan mai dukka ya kai mu [11/17, 12:27 PM] +234 906 579 6460: 💞💞TRIPLET'S💞💞

🌹🌹Episode 21-22🌹

Su kuwa ba su kawo cewa Kausar zata musu laɓe ba dan hakan yasa suka saki jiki wajen yin hirar su, a hakan ma kasa kasa suka yi dan kada wani ya jiyosu. Allah sarki bayin Allah Allah dai ya fitar da ku daga cikin wannan ukubar rayuwa.

Bari mu leƙo Daular mutuwa mu dawo.

☠️☠️Ɗaular Mutuwa☠️☠️

Guguwa ne mai karfin gaske ta kewaye ko ina, wani masifaffen duhune ya lulluɓe gidan gaba ɗaya, daga cikin guguwar wasu sautika ne ke tashi kala-kala na muryoyin sheɗanun aljanu daban-daban, masu magana da yaren da ɗan adam baya ji, idan ba kana da karfin imani ba baka iya zama a wajen, gaba ɗaya gidan ansawa yake yana bada wani irin amo mai sautin gaske, gaba ɗaya wayan da ke cikin gidan, kowa ya yi ta kan shi, ma'ana sun shige cikin ɗakunan su.

Wannan nasifaffen guguwa ya jima yana yi kafin haske ya karaɗe gidan, amma ita guguwar bata dakataba. Gingima-gingiman jiga-jigan matsafane suka fara fitowa ta sassa daban-daban daga cikin gidan, munin halittar su ma kawai ya isa ya sa ɗan Adam suma. Gaba ɗaya matsafa dake gidan sai da suka fito yau, sun jeru layi a cikin part ɗin su Baba da Mustapha, duk girma irin na part ɗin nan sai da suka cika shi tab da yawansu, dan suna da yawa sosai ba wasa ba, munanane gaba ɗayan su, basu da kyan gani ko kaɗan, tsayawa zayyana muku bala'i munin su ma ba zai yi wu ba, domin zai cinyemin ɗan fillin dake gareni, dan haka ku ayyana su a ranku kawai, suna da kattin kai da katon hancin ga idon nan nasu jawur kamar jini, kamar kuma zai faɗo kasa saboda girma.

Sun tsaitsaya kamar wasu gumaka, numfashinsu kamar na saniya, sai dai a cikin su babu duna, baya wajen. Ko ina suka kai shi oho.

Daga ta bayan su wani sauti mai bala'i karfi ya fara fitowa, ji kake dip-dip-dip, ƙasa na amsawa, wannan sauti kuma ba komai bane face sautin takun Queen oga kwata-kwata kenan.

Wannan sauti ya ɗan jima yana yi, alamar daga nesa take kenan, sautin na kara matsowa alamar tana tunkaro wajen.

Lokacin da ta iso wajen, sautin ya kara karfin amon da yake yi ne sosai, gaban su tazo ta tsaya.

Kai-kai-kai, ya subhanallah, Queen mummuna ce ajin farko, tana da tsawo sosai ga kuma ƙiba, da kallo ɗaya zaka mata ka san ƙabilar Ebo ce, gaba ɗaya Daular Mutuwa mallakin kabilar Ebo ne. Queen tana da katon hanci kamar tukunya, ga hancin nata a baje a kumatunta, alamar ta kara girma shi da tsafinta, haka zalika bakinta wargajeje gari guda, sannan tana da manya-manyan hakwara guda biyu ta gaban hakwaranta na sama, wayan nan hakwaran nata guda biyu, suna da tsini kamar kifiya, sannan suna da tsawo wadda ko ta rufe baki su basa shiga cikin bakin nata saboda tsawon su, wayan nan hakwara nata masu kama da na zamisa tsab za su iya tsinke jijiya mafi karfi na jikin ɗan Adam, shiyasa ita bata yanka mutun da wuka wayan nan mayun hakwaran nata take damke makogoron mutun ta ɓalle shi ta tsinke jijiyoyin shike nan mutun ya mutu, sannan daga tsakiyar goshinta akwai wani tsagu wadda yazo mata har gemunta, ya yi kamar ya raba kanta gida biyu, ga kan nata ba'a magana girman shi ba zai faɗu a baki ba.

(Tashin hankali ke Queen naki bala'i ya wuci tunanin mai tunani😳)

Fitowar ta sai da ya sanya gaba ɗaya Daular Mutuwa ya girgiza, gaba ɗaya yan adam dake gidan sai da suka suma, baba da Mustapha ne kawai ba su suma ba, amma sun tsorata ainun suma, saboda munin Queen ba kowa zai iya ganin ta bai sume ba, idon nan nata gula-gula jawur da su kamar jini kamar zasu faɗo kasa, gashin kanta kuwa ba'a magana, idan ka gan shi kai ka ce jijiyoyin bishiyoyi ne, a tsaitsaye suke kamar ba lafiya, ga su da bala'i datti kamar me, tsayawa zayyana muku munin Queen zai cinye mana ɗan sauran filin dake gare mu, ku ayyana muninta a ran ku.

Ko da ta tsaya a gaban su, jijjiga jikinta ta yi da karfi kamar wata giwa, sannan ta waje wannan mummunar wagegen bakin nan nata wadda hayaki ke fitowa daga cikinsa, kamar an hura wuta a cikin nata. Da karfin gaske ta kurma wani mahaukacin ihu wadda bala'i sautin sa sai da ya sanya dakarun nata da kansu suka toshe kunnuwan su, ihun nata kuma ya karawa guguwan dake tashi karfin gudu, haka zalika muryoyin dake fitowa ta cikin guguwar suma sun kara sautin muryoyin nasu.

Good 2mins ta ɗauka tana kurma wannan balaƴaƴƴen ihun, kafin ta tsagaita, ta sake girgiza jikinta, gaba ɗaya dakarun nata tsugunnawa kasa suka yi a gabanta alamar girmamawa.

Cikin yaren su na matsafa ne ta basu Umarni a kan duk in da su Rimsha suke, su tabbatar sun nemo su cikin kankanin lokaci sun dawo da su sun mata ferfesun su, idan ba haka ba ransu zai yi mummunar ɓaci, domin dole ne su Rimsha su karɓi hukunci saboda sun karya mata record na gidan ta, ba'a shiga a fito da rai, su sun shiga sun fito, abin da ba'a taɓa yi ba wai ɗan adam ya shiga kuma ya fito a raye, ina sai a kan su Rimsha.

Sosai dakarun nata suka rinƙa bata hakuri tare da yi mata alkawarin ko ina su Rimsha suke sai sun dawo da su cikin gidan nan, yanzu za su fita gari, su shiga cikin al'umma, za su saje da su su nemo su. Wucewa kawai Queen ta yi bata sake yin wata magana ba, tana taku kasa na ansawa, haka ta wuce cikin fadarta, dakarun dake tsaron fadarta ne suka rufa mata baya.

Da haka taro ya watse, dakaru goma ne suka shirya suka rikiɗe zuwa siffar kyawawan matasan samari sannan suka wuce izuwa cikin gari, cikin jama'a dan neman su Rimsha.

Su kuma sauran kowa ya koma bakin aikinsa.

A cikin Daular Mutuwa dakaru basa amfani da kaya irin namu na mutane, saboda ba zai shigesu ba, wani irin tamfol suke using mai matikar karfi da tauri kamar fatar shanu, kuma basa ɗinka shi kamar yadda mutane ke yi, no ɗaɗɗaura tampol ɗin kawai suke a jikin su, sannan gaba ɗaya Daular Mutuwa iya maza ne kawai matsafar dake ciki, Queen ita kaɗai ce mace, kuma mai jagorantar su, Asali gidan na kakantane chigozie, shi ya wallafa Daular tun shekaru 40 baya, dukkansu kuma kabilar Ebo ne, sai dai basa magana da yaren Ebo a gidan, da wani yare nasu na matsafa suke amfani, sannan kuma basa da yawan magana, duk gidan duna ne kawai mai magana da mutane, su Barbushi sai dai yanka da shan jini, manya-manyan gidan matsafa daga sassa daban-daban a faɗin kasa da wajen ta suna zuwa wajen Queen domin sayan wasu sassa na jikin ɗan adam domin yin tsafinsu, shiyasa idan suka kasa shan jinin mutum sai su ajiye shi zuwa lokacin da wasu gidan matsafar zasu bukaci wani sassa daga jikinsa, sai su yanka shi su sayar, amma sai dai duk wani gidan tsafi dake son sassar jikin mutun, akwai wani waje na daban da suke haɗuwa dan yin taron, ba a cikin Daular Mutuwa wajen yake ba, yana daga gefe.

Baba da Mustapha bayin Allah, suna zaune shiru a cikin ɗakin, a cikin zuciyoyinsu suna yi wa su Rimsha addu'ar Allah yasa kada Queen ta yi nasarar gane in da suke, Allah yasa sun tsira kenan, shi baba haka kawai yake jin matukar kaunar Rimsha a cikin ransa, baya son ganin ta cikin wahala, gara masa shi ya mutu da wani abin ya same ta.

Allah sarki baba bai san cewa Rimsha jikarsa bace.

(Wayyo duna ko ya suka yi da shi oho, muje dai zuwa mu gani kila gaba mu sani, bari mu leƙo lion mu gani.)

💓💓Washington DC💓💓

Wunin yau zumbur Jay yana wannan aiki, ya jigata, duk wanda ya gan shi sai ya matsa masa kwalla, ga shi kuma da alama Lion ya mance da shi. (To fa Babbar magana.)

Sai can gari ya fara sanyi irin bayan la'asar kenan, His Excellency yazo gidan dan yi wa jikansa sannu da dawowa, a palon kasa ya zauna, masu ba shi tsaro kuma daga wajen sojojin bakin gate suka tsaya, dan tsarin Lion ne babu wani jami'in doka da ya isa ya shigo mu su cikin gida, har sai ya samu izinin Lion.

Daga His Excellency sai daddy a palo suna hira, lion yana ɗaki, ya ji zuwan kakan nasa amma sai ya yi kamar bai ji ba, yana kwance saman lallausan bed nasa kusa da Michael, ya lulluɓe jikinsa daga kafa zawa kirjinsa da wata shegiyar duv mai bala'i laushi kamar jikin mage, ga bala'i kyau da tsada, launin fari tas kamar yanzu a ka fitar da shi daga ledansa.

Kallon daddy His Excellency ya yi kasa kasa ya ce "William ya kamata Lion ya yi aure gaskiya, akwai wata Jesy jika ce ga babban abokina kuma tana bala'i son shi, dan kowa yasan da haka a gidansu why not ba zaka masa magana a kanta ba? Yarinyar tazo ya ganta, idan ta mishi to sai mu san abin yi"

(Tofa kai Lion ita budurwar ita zata zo ka ganta ba kai zaka je ba, a lallai mulkinka ya ka, wai wannan isa haka🤔)

Dogon numfashi dad ya ja tare da sauƙewa a hankali, ya zaro ido, sannan ya yi kasa sosai da murya kafin ya ce "Uncle ai naga ka fi kusa da shi why kai ba zaka masa maganar ba? Ni ba zan iya tinkarar Lion da wannan maganar ba, ba zan iya ba, zan iya masa magana a kan abubuwa da dama, ba zai damu ba, amma magana a kan aure, kai ina bani da wannan kwarin gwiwa, amma kai ka gwada kila idan kai ka mishi ba zai ɗauki wani action mara kyau a kan hakan ba" cikin sauri His Excellency ya ce "Ni kuma William? a'a ka rufamin asiri, kai dai zaka masa magana tunda ɗanka ne, zai fi sauraren maganar ka ai" "Ɗa nane kuma mafi soyuwa a gareni uncle, amma ai ya fi kusanci da kai, ya fi sakin jiki da kai" har wani zufa His Excellency ya fara haɗawa saboda ance ya tinkari Romeo da maganar aure, muryan sa na rawa ya ce "No William i can't gaskiya, idan ba zaka iya yi masa magana ba to ina ga sai dai a bar zancen kawai" daddy zai yi magana su ka ji takun tafiya daga bayansu ta saman bene, ko ba su juya ba sun san shi kaɗai ne mai irin wannan taku a gidan, Lion namu 1 in billion.

Tsit suka yi kamar ba su suke magana yanzun nan ba, kusa da His Excellency ya zo ya zauna, daman ya fito ne zai je ya karawa Jay wani punishment ɗin,

Shiru ya yi na yan mintoci, ya yin da suma suka yi shiru, sun kasa kunne suna sauraron su ji me zai ce, sun kuma tsare shi da ido.

Ya jima a haka kafin gently da wannan sexy voice ɗin nasa, kasa kasa a nutse ya ce "uncle yaushe kazo?" Shafa kansa His Excellency ya yi yana sauke nauyayyar ajiyar zuciya kamar wanda ya aikata wani abin rashin gaskiya, har sai da lion ya kalle shi.

"Yanzu ba jimawa nazo, nazo maka barka da dawowa ne, My Michael ya kirani a waya ya faɗa mini kayi dawor sirri" ɗan kwanto da kansa Lion ya yi saman kafaɗar His Excellency bai sake cewa komai ba, sai faman lumshe ido ya ke.

Ba karamin mamaki daddy ya yi ba, dama Lion har kwanciya a jikin His Excellency ya ke yi ne, amma shi ko da sunan wasa bai taɓa kwanciya a jikin sa ba, Allah sarki daddy har wasu hawaye takaici ne ke kokarin zubo masa a idon sa, cikin hanzari ya mai da hawayen nasa dan kada su gani, har ga Allah yana mutuwar kaunar Triplets nasa, kuma duniyar sa, yana bala'i son ya gansu kusa da shi, sai dai su kuma dukkansu ba wanda yake yawan manne masa, hasalima idan sun zo wajensa to wani abin suka zo yi, haka kawai basa zuwa in da yake.

"Where is my Michael?" His Excellency ya tambaya yana kara tsurawa Lion ido, shiru ya yi wa His Excellency kamar ba shi a wajen, da alama dai bai da niyar amsawa, sanin halinsa yasa basu wani da mu ba, sun ma yi mamaki da yazo ya zauna da su haka.

After some minutes ya miƙe ba tare da ya sake yi musu magana ba ya fice daga palon zuwa wajen Jay. Kallon daddy His Excellency ya yi kafin ya ce "To William ni zan tafi, idan ka samu lokaci please ka yi wa Lion maganar auren ka ji....?" Tun His Excellency bai gama rufe baki ba dad ya ce "No uncle never" shiru His Excellency ya ɗan yi yana tunanin waye ya kamata su samu wanda zai iya tinkarar Lion da maganar, zuba masa ido dad ya yi yana kallon sa.

His Excellency ya jima yana tunani amma ba wani mafita domin babu wanda zai iya tinkarar Lion da wannan magana, ba mai kwarin gwiwar yin hakan. Haka suka hakura, His Excellency ya wuce ya nufi waje, ya je ya shiga motoncinsu suka koma white house.

Shi kuma Lion lokacin da ya isa wajen horar war tasa, nan ya isko Jay yana suma sojoji na zuba masa ruwa, idan ya farfaɗo sojijin nan ba imani bare tausayi haka za su sake miƙa masa spoon ya ci gaba, idan ya ga ji sai ya sake sumewa, babu imani ko kaɗan a tattare da su, Jay ya wahala iya wahala abin ba'a magana.

Umarni Lion ya ba wa sojojin a kan su ɗauke shi zuwa wajen mai kamar katifa yana da ɗan girma launin gree color, ruwa na feshi a wajen kamar tiyo ya fashe.

Haka suka ɗauke shi suka kai shi, ruwa ya rinƙa fesuwa a jikinsa yana wanke masa jiki. Sai da ya wankesa tsab sannan Lion ya ce su kai shi wajen wani ɗaki mai ɗumin gaske, bayan sun kai shi ne suka fito suka bar shi a ciki. Massage Lion ya yi wa Tga a kan yazo idan Jay ya ɗan sha ɗumi ya ɗaukesa ya ɗauresa a tsakiyar gidan kan shi na kallon rana, zuwa rana ta karisa faɗuwa, dan lokacin bai wuci irin 4:20 nan bane, idan rana ta faɗi sai a mai da shi ɗaki zuwa gobe ya dasa.

(Tab Jay ka shiga uku, gobe kuma ka dasa, kai kam ina ga sanadiyyar ajalinka kenan🤣)

Tun Lion bai bar wajen ba Tga ya kariso wajen dan cika aikin ɗansa kuma ogansa, wucewa Lion ya yi zuwa cikin gida.

Yana shiga bedroom nasa ya tarar sarkin rigima wato Michael ya ta shi daga barci, sai faman turɓune fuska yake yi yana turo ɗan bakin nan kamar wanda yaga wani abin ƙyamar.

Kallo ɗaya Lion ya yi masa ya kawar da kallonsa gefe tare da zama gefensa yana ajiye wayarsa saman bedside drawer.

A bayan sa Micheal ya kwanto da kansa yana turo baki, shiru Lion ya masa tamkar bai san da shi ba,. "My blood please where is James?" Wani irin yanayi mara daɗi Romeo ya ji lokacin da Michael ya jefa masa wannan tambayar.

(Allah sarki Michael duk da cewa ba shi da lafiya yana kewar ɗan uwansa, jini ba wasa ba, ya damu sosai a kan rashin ganin James, da abin yake kwana yake tashi a ransa.)

Juyowa Romeo ya yi suna fuskantar juna, kallon tsab ya yi mi shi kafin ya ce "Ni ne James mana baka gane ni bane?" Zaro brown eyes nasa ya yi da kyau yana kallon cikin idon Lion, yana son tantance gaskiya, shiru ya yi yana kallon fuska biyu a fuskar Lion ɗin, kwakwalwarsa ta kasa tantance masa waye ne a gaban sa, turo baki ya yi a shagwaɓe ya ce "No Lion ba James ba ne kai ne" ɗaure fuska sosai Lion ya yi "Ni ne James mana" ya faɗa yana zarewa mishi wayan nan dara-daran idanun nasa, dama bai zaro su bama yaya, da girmansu sosai, bare kuma ya kara zarosu, ai sai su saka mutun fitsari a wando.

Dafe kai Michael ya yi yana kallon yadda idon Lion ke canza kala daga Blue eyes zuwa Ash eyes irin na James, bayan haka, idanunsa na nuna masa fuskoki biyu a fuska ɗaya, yana ganin Lion kuma yana ganin James, duk kuma a fuskar Lion, dafe kansa da karfi ya yi ya fara kuka yana sambatu yana juyi a tsakiyar gadon kamar ba lafiya ba, zuba masa ido Lion ya yi yana kallon yadda yake juyawa, abin gwanin ban tausayi, Bawan Allah Lion ya kara birkita masa kwakwalwa, dama yaya lafiyar kura bare kuma ta yi zawo.

Sosai yake kuka yana sambatu, kansa na bala'i sara masa kamar zai fashe, a take wani zufa ya fara karyo masa, wasu jijiyoyi ne suka bayyana masa a gaban goshin sa, da ka gansu kasan wahala ne ya bayyanar da su, gaba ɗaya tsikar jikinsa sai tashi yake, harta gashin jikinsa sai mimmiƙewa suke.

Ya jima yana juyi a wajen dafe da kai, kafin nan ya kurma ihu tare da sakin jikinsa ya zube saman gadon sumamme. Nauyayyar ajiyar zuciya Lion ya sauƙe tare da miƙewa ya ɗauko last injection da za'a masa ya dawo ya zauna tare da haɗa injection ɗin ya masa a hannunsa. Kasa kasa ya ce "Ya zama dole na ƙure kwakwalwar kan nan ko zamu samu sauƙi"