Triplets book 2 complete - Chapter 17

Bayan ya gama ya tattare fankon injection ɗin ya mayar in da ya dace, sannan ya dawo ya zauna ya zubawa Michael ɗin ido yana kallonsa cike da kauna da kuma tausaya masa a halin da yake ciki.

Ya jima sosai yana karewa Michael kallo kafin ya sauƙo daga bed ɗin tare da shiga dressing room nasa. Gaban wani makeken drawer kayan sa ya tsaya, a hankali ya sanya hannu kamar zai buɗe drawer, yana kai hannunsa kusa da drawer sai ta kuɗe kanta da kanta. Kayane kala-kala masu bala'i kyau da tsada shaƙe a ciki, a shirya suke set-set, kai ka ce shangon sai da kayane a wajen, daga gefe kuma ga wa su dankara-dankaran suit masu bala'i kyau, kai da ganin su kasan an zuba dollars wajen sayan su, dollars ta yi kuka a cikin dressing room nan, abin ba'a magana, suit ɗin makale suke a abin makale kaya an jera su da kyau, sai dai ga dukkan alamu ba a taɓa sanya ko guda ɗaya ba, ba a amfani da su kwata-kwata, alama ta nuna gaba ɗaya kayan cikin wannan drawer ba a taɓa amfani da su ba, kasan cewar manya-manyan drawer kaya huɗu ne a room ɗin, Lion sarkin son kwalliya ne da gayu, shiyasa yawan kayan sawansa, su agogo, takalma, da sauransu ba za su faɗu a baki ba, dan ya fi karfin tunanin mai tunani.

Wajen wayan nan suit ɗin ya kai hannun sa ya Matsar da da su gefe guda tare da danna wani ɗan madanni dake jikin bangon wajen sai ga hoton hannun mutun ya bayyana kamar computer yana magana, alamar ya sanya hannunsa, buɗe yatsun hannunsa ya yi ya ɗaura a wajen, nan take na'uran ta yi magana tare da yin yar kara, sannan wata yar karamar kofa kamar Window ta buɗe a wajen, ba zaka taɓa cewa akwai kofa ko makamancin shi a nan wajen ba. Alama ta nuna ma ajiyar sirri ce.

Abubuwa da dama ne a cikin wajen, kama daga muhimman takardu keys, da wasu yan akwatina kanana masu bala'i kyau. Wata takarda ya ɗauko tare da rufe wajen ya fito daga dressing room ɗin, gefen bed na sa ya zauna yana duba takardan.

Ya jima yana kallon takardun wanda a kayi rubutu da wani yare na daban, domin ba da English aka yi rubutun ba.

After some minutes ya buɗe bedside drawer sa ya fito da diamond watch nasu gaba ɗaya ukun.

(To fa tambayar a nan shine James bai tafi da watch na shi ba kenan? Ko dai a Spain Lion ya samo watch ɗin?)

Zubawa watch's ɗin ido ya yi yana kare musu kallo, alamar yana tunanin wani abin. A nan ma ya ɗan jima kafin nan ya mai da watch biyu cikin drawer, ya ɗaura nasa a hannunsa, ya miƙe yana kokarin karanta menene a jikin wannan takarta.

Tun Triplets ba su fi shekara biyar a duniya ba Lion yake tare da wannan takarda, lokacin yana yaro bai damu da sanin me a cikin taɓa, amma yanzu bincike ya biyo ta kanta da dole ya san menene a rubuce a jikin ta.

Asalin takardan ya sameta ne a ɗakin mummy'n su, tun kafin su koma sabon gidan su na biyu, wata rana yana wasa a cikin ɗakin ne ya tsinci wata yar akwati karama a kasan gadon mummynsu, ko da ya buɗe wannan yar akwati takarda guda biyu ya samu a ciki masu ɗauke da wani irin rubutu, sai kuma wani ɗan siririn sarka wadda yana da tabbacin na Josephine ne wato mum ɗin su, domin tana yawan saka irin sarka, duk wani hoton ta da zai gani da irin sarkan yake ganinta, sarka uku ya samu a cikin akwatin, abin da ya ba shi mamaki yadda aka yi rubutun takardan ya kasa gane wani yarene, sannan abin mamaki na biyu duk lokacin da ya yi yunkurin bincikar abin da aka rubuta sai wani abin ya gifta ya hana shi, to yanzu yana son sanin gaskiya a kan ciwon Michael ne, hakan yasa yake bincikar kayan mum da daddyn su na baya ko zai sami wani abin, domin a binciken da ya yi a kan matsalar Micheal ya gano akwai sanadin ciwon nasa, shi ba Dr ba ne amma kwakwalwarsa ta fi tasu aiki, yana taɓa aikin likita sama-sama, kasan cewar shi a nitse yake komai hakan yasa ya fi Daddy'n sa da yake babban likita ma iya binciken lafiya mutane, dan kwakwalwar ma ba ɗaya ba.

Yanzu haka abin da yasa ya firgita Michael a binciken da ya yi ya gane cewa kwakwalwar Michael tana bukatar a rinƙa kureta sosai, a rinƙa sanya masa tsoro da razana, idan abin ya yi yawa kwakwalwar tasa zata birkice sosai daga nan kuma zata ɗauki matsaya guda. To fah

Yana da yakinin cewa tabbas wannan rubutu dake jikin takardan tana da alaka da su, kuma tana da alaka da ciwon Michael, tunani ya fara yi, ko dai ya je ya sa mum dole ta karanta masa rubutunne, dan dai wannan rubutu tata ce. Ɗayan ɓangaren na zuciyarsa ce ta ce masa "Ka manta irin abin da ta muku? Idan har ka kusan ce ta hakan yana nufi ka duƙa kenan? Ka karya maganar ka? Kenan fa ka faɗi idan har ka yi hakan" karo na farko ya ja dogon tsaki, dan shi ba abin da ya tsana a rayuwarsa irin a ce yau ga shi ya nemi wani abu daga wajen wani, baya son wannan ko kaɗan, bai taɓa ba, kuma ba zai taɓa ba, duk abin da yake so, da karfin yake kwata, idan kuɗin sa bai saya masa ba tofa mukaminsa da izzar sa zai karɓa masa, ya fi karfin ya nemi alfarma ko kuma ya nemi shawara, kai shi fa ko irin tambayar mutun wani abu ko hanya ko wani waje, baya yi, a cewarsa ya fi karfin hakan.

Baya kula kowa, abubuwa uku da ya kamata ku sani a tattare da shi, shi kansa ma bai yarda wani ɗan adam ya ce masa sorry ba, ya haramta hakan, baya son kalmar a rayuwarsa kwata-kwata idan ka yi gigin gaya masa haka, to wlh zai iya hallaka ka, abu na biyu, a cewarsa babu wani ɗan adam da ya isa ya cewa sorry, ya fi karfin bada hakuri ga koma waye, idan ya maka laifi to ya zamar maka dole ka yafe masa, idan kaki kace zaka yi wata magana, ko a siyasa kake, yana iya sanyaka ka yi dana sanin zuwarka duniya, abu na uku, baya taɓa neman wani abu wajen wani, a cewar sa ya fi karfin yin hakan, komai da izza da isa yake karɓa.

Sosai ya zubawa rubutun nan wayan nan dara-daran idon nasa, yana kokarin gane menene aka rubuta a wajen, yana daf da fahimtar wani abu daga cikin rubun ne kamar a mafarki ya ji kukan baby daga palon kasa, ga shi yaron da karfin yake tsala kukan nasa.

Ɗaure fuska ya yi sosai dan shi baya son yara ko kaɗan a rayuwar sa

(Oh ni Allah shi komai baya so, baya son a masa laifi a ba shi hakuri haka zalika suma yara baya son su, lalai akwai cakwakiya)

Dogon tsaki ya ja tare da sanya takardan a drawer bedside, sannan ya fito ya sauƙa palon kasa.

Daddy na riƙe da yaron Jay sai ihu yaron yake yana jin yinwa, ya kuma ki ya sha madara. Tga da John suna zaune saman sofa suna latse-latse a wayarsu, sun sha barcin wahala sun ko shi, shi kuma daddy sai zarya yake a palon ya ɗaura yaron a kafaɗarsa yana ɗan bubbuga masa baya, alamar ya yi shiru.

Daddy Bawan Allah ya iya reno sosai, ko da yake shi ya yi renon yan ukunsa ai, ba kuma wanda ya taya shi.

"Who is this?!!!" Wata gigitatchiyar tsawa Lion ya daga musu, yana tsaye daga saman bene.

A ɗari su Tga suka ɗago kansu tare da miƙewa tsaye suna bin Lion da kallo, shiru Lion ya yi bai sake magana ba, ya zuba musu ido yana sauraron amsa kawai.

Tga ne ya yi ta maza, ya amsa masa da cewa "Yaron Jay ne, shi ne wadda Michael ya harbi mamansa da gun kace su Major su kai ta asibiti...." Tga bai karisa maganar ba Lion ya sake daka musu tsawa a karo na biyu "Ni na ce su kai ta hospital? Suna da hankali kuwa? Uncle Herry kawai na ce su kai hospital ita kuma na ce su fitar min da ita daga gidan nan" . Tashin hankali Tsuru-tsuru da ido suka yi, dama kuma Tga ya yi mamaki da ya ji cewa Romeo ne ya ce a kai Jennifer asibiti, abin ya ba su mamaki, ashema shi cewa ya yi a je a jefar masa da ita, tab lallai kuwa.

Shiru suka yi, har shi kansa daddy ya kasa magana, dan shima kai Jennifer asibiti da a kayi ya ba shi mamaki.

"General take this boy out from this house" zaro ido daddy ya yi, me Lion ke nufi kenan? Yana nufin a je a jefar da yaron ko me. Yaro kuwa sai tsala kuka yake yana jin yinwa, shi kuma Romeo yana gama magana ya wuce ya koma part nasa, duk cikin su babu wanda ya yi gigin rokarsa ko ya nemawa yaron alfarma dan sun san Lion idan ya yi magana babu wanda ya isa ya sa shi ya canza, shi kaifi ɗaya ne, kamar dutse yake baya tankwaruwa.

Wucewa Tga ya yi, ya karɓi yaron daga hannun daddy ya fice daga palon, daddy kamar zai yi kuka, dan yana son yaron sosai, yana son jika, ga ƴaƴan nasa kuma babu tunanin auren a lamarinsu, duk cikin su ma ba wanda yake da lokacin magana da na miji ma ballantana kuma mace.

(Allah sarki daddy haka zaka ci gaba da hakuri, domin koma me suka yi kai ne mai laifi tun da kai ka renesu a kan hakan, kai ka ki yarda ka yafewa mum ɗin su tazo ta basu kulawa, da ita ta renesu ai da lamarinsu ya zo maka da sauƙi, amma renon namiji, ai a mazan zasu taso, uwa uba kuma ba addini hmmm abin ba'a magana)

Zama daddy ya yi saman kujera yana tunanin ya Jay zai ji a ransa, irin wannan abin ɗa guda. Shi kuma John ɗan ba ruwana ko a jikinsa, dan shi ko kashe yaron ma a kayi ba abin da zai ji, saboda shi sammakal ne, komai daidai ne irin Michael.

Tga kuma yana fita palon ya wuce wajen da ya ɗaure Jay, Allah sarki Jay idan ka gan shi sai ka rantse da Allah baya numfashin ya mutu, saboda yadda numfashin nasa yake fita a hankali-hankali dan wahala, duk wannan hukunci da Lion ya masa, su Tga ba su ga laifin Lion ba, domin a wannan gaɓar a kan gaskiya yake hukunta Jay, dan bai shiga hakkinsu ba, ya ce musu idan suna son mace to su yi aure, kada su kusanci mace ba tare da aure ba, amma Jay ya yi fatali da maganar, dole ya karɓi hukunci.

Kusa da shi Tga yazo ya tsaya, Allah sarki jin kukan yaronsa yasa ya ɗan waro wahalallun idanun sa, da suka ji uban jiki, "Jay ina ne family House na su Jennifer?" Ciki ciki Jay ya ke magana, ba ka jin komai sai iska dake fitowa daga bakinsa, matso da kunnensa Tga ya yi daf da bakin Jay ɗin, da kyar ya iya samun damar jin abin da jay ke faɗa na kwatancen in da gidan su Jennifer ya ke.

Wucewa ya yi zuwa parking space bayan ya gama jin kwatancen Jay, motarsa ya je ya shiga da yaron, kai tsaye ya hau titin zuwa babban gate. Ko da ya isa gate na farko sai da ya tsaya wannan na'ura tayi scanning na motarsa tsab sannan ta buɗe masa kofa ya fita izuwa babban gate da zata sada shi da wajen. Kai tsaye gidan su Jennifer ya wuce, ya je ya kai musu yaron, yana miƙa musu ya fice, sai tambayar sa suke, ina Jennifer, shiru ya musu bai kula su ba ya wuce abinsa dan ba shi da amasar da zai ba su.

Lion kuma yana komawa part nasa ya kwanta saman bed nasa ya mance ma da wata takarda da yake bincika, ransa ya ɓaci, a kan me zasu kai Jennifer asibiti, ya zama dole ya musu hukunci mai tsanani, dan nan gaba su rinƙa tsayawa suna sauraron abin da yake basu umarnin a kai da kyau.

To bari mu koma Nigeria dan muga wani lamari ne ke gudana

💓💓KATSINA STATE 💓💓

Bayan tafiyar Yarima shima Nawid ya wuce ɗakin ɗaya da ya sauka a cikin Hotel ɗin.

Da shigarsa ɗakin bai yi minti 20 ba ya kira Ibraheem a waya a kan ya turo masa Jehan yana da aiki da zai bata, cikin hanzari Ibraheem ya yi maza ya isar mata da saƙon Nawid, da farko ta ce ba zata je ba, amma daga baya da ta tuna cewa Nawid ya mata rana yau, ya ceceta daga hannun yarima, sai ta hakura ta nufi ɗakin nasa.

Jehan mutunce wadda bata manta alkhari komai kankantarsa, in dai ka taɓa mata wlh ba zata taɓa mancewa da kai ba, ko da ka mata sharri daga bayan wannan Alkhari, to zata rinƙa ganin kane da wannan Alkharin, haka zalika bata manta sharrin idan ka mata, komai Alkharin da za ka mata bayan wannan sharri tofa in dai sharrin ka fara yi mata shi zata riƙe.

A bakin kofar ɗakin nasa ta tsaya ta kwankwatsa masa, kamar jiranta yake yi dama, cikin sauri ya buɗe kofar. Fuskar sa ɗauke da kayatatcen murmushi ya ce "Sannu ki" ɗaure fuska sosai ta yi kamar wadda aka aikowa da mutuwa, wani irin faɗuwar gaba Nawid ya ji lokacin da ya ga yadda ta ɗaure fuskar tata.

"An ce kana nema na lafiya?" Shine abin da ta ce masa, wani wahalallen yawu ya haɗiye kafin ya ce "To malama da farko dai sunana Nawid kuma Ni..." Bata bari ya kai karshen maganar ba ta ɗaga masa hannu alamar bata son jin maganar tasa, shiru ya yi ya zuba mata ido.

A yatsene ta ce "An ce kana nema na me kake buƙata, oder me zaka bada?" Ta yi maganar a nitse cikin kwanciyar hankali, da kallo ɗaya zaka mata kasan izza ya samu mazauni a tattare da ita, gata kuma kaifi ɗaya ce, bata magana ta sauya ko me za a yi mata, idan tana magana ɗai ɗai take yin shi, kuma a nitse take, ba ta haɗa ɗaya da ɗaya.

Kakalo murmushin dole ya yi, dan harga Allah bai ji daɗin yadda ta tarbe shi ba, duk da cewa izzarta yasa ya kamu da son ta, amma da ta yi masa shi, bai ji daɗi ba.

"Malama ki bari mana na faɗa miki sunana tukunnan ko?" Kawar da kanta gefe ta yi kafin ta ce "Sunan ka baya cikin jadawalin tsarin aikina, so please ina ganin girmanka, ka kama kanka, just tell me what you want direct kawai dan ina da abin yi" Ta yi maganar tata cikin harshen turanci, dan har yanzu hausa bai zauna a bakin ta ba,

Sosai ya yi mamakin jin yadda take rero turancin nan kamar dan bakin ta a ka yi yaren.

Wow ya furta a ransa, a fili kuma daurewa ya yi ya ce "To shikenan tun da baki bukatar jin sunana bari na gaya miki me yasa na kiraki" kara ɗaure fuska ta yi ba tare da ta yi magana ba, kuma bata kalli in da yake ba.

"A gaskiya malama ba zan ɓoye miki na cuci kai na ba, ke ɗin kyakyawa ce ajin farko, kuma na kamu da matukar kaunar ki da kallo farko" ko aji kin ta, bata yi wani alama da zai nuna cewa ta ji wani abu ko wani mamaki da jin zancen sa ba.

"Malam ba mu sayar da kyau da kuma Kauna a wannan restaurant ɗin nan, daga shinkafa da miyar steew, sai jolof da su tuwon semo, pepper chicken, pizza, burger, shawarma, da dai sauran kananan kayan cima, amma gaba ɗaya cikin jadawalin girke-girken mu babu me ma kace sunan abin cin? Yauwa kyau da kuma Kauna ko? To su dai babu su".

Tofa, Babbar magana me Jehan ke nufi kenan?🤔

Mutuwar tsaye Nawid ya yi tare da kara zaro idonsa yana kallon ta da kyau.

"A iya sani na ko yan kauye sun san menene so da kuma Kauna, sun san menene kyau, in fact sun san menene aure, amma yarinya santaleliya kamar Jehan gata kalar wayayyu yan gayu, ga iya zuba turanci, amma ta ce ba ta san soyayya ba, anya ba raina min wayo ta yi ba kuwa?" Sai zancen zuci yake.

Zazzakar muryar ta ne ta katse masa zancen zuci nasa da cewa "In kawo maka shinkafa irin ta ɗazun ne? Ko dai na yi tafiya ta?" Kara mamaki ya yi sosai

"Wai shin da gaske Jehan ta ke yi ba ta san menene soyayya ba ne?" Ya sake tambayar kansa da kansa, tambayar kuma da ba shi da amsarta, domin Jehan ita kaɗai keda amsar, kuma bai ga ala'mar fuskar da zai samu damar tambayarta ba.

Ya yi nisa cikin tunani, sai ganinta ya yi ta sa kai zata wuce ta bar wajen, cikin sauri ya fito daga ɗakin, ya sha gaban ta yana faɗin

"Haba Malama, ya isa haka zolayar mana please" karo na farko da ta ɗaura idon ta cikin na shi, taɓe baki ta yi, alamar mamaki ma ya bata,

"let me pass" shine abin da ta ce masa,

Kin matsa mata ya yi, sai ma kara matsowa kusa da ita da ya yi, ya kara kashe murya kasa kasa, irin salon jan hankalin nan ya ce

"Haba Malama, ni nasan ba halinki bane saboda ba ki yi kalar wulakanta mutane ba, sannan kuma daga ganinki kin san me nake nufi, kuma kin fahimci ina na dosa, wlh ba son wasa na ke miki ba, har ga Allah nake son ki, kuma aurenki zan yi, ba da wasa nazo ba"

tamkar da dutse yake magana haka Jehan ta masa shiru kamar bata a wajen, sai surutu yake zubawa ko uppan bata sake ce mi shi ba, kuma idan baku mance ba Jehan bata da yawan magana bata shiga harkar kowa.

Sun jima tsaye a wajen, bata sake magana ba. Da ta ga ji da jin surutan shi sai ta ce

"Malam ina son wucewa"

mamaki ne ya kama shi kenan yanzu duk wayan nan kalaman soyayya da ya zuba mata bata san su bane ko menene.

A zahirin gaskiya Jehan bata gane kalamansa ba, ta dai san soyayya da kaunar bayan haka duk kalaman da ya mata ba abin da ta fahimta, domin da hausa ya yi su, ita kuma kunsan ba jin hausa sosai take ba,.

Bawan Allah ya zage sai zuba kalamai yake yi ashe duk a banza ya yi su. Kuma sanin soyayya da Jehan ta yi bawai ta san yadda ake yi bane, a'a kawai dai sunan ta sani, dan ita bata kallon finafinai ma bare a ce zata kalli soyayya a wajen, bugu da kari bata da kawaye ko makamancin su, ba wani abin da ta sani game da soyayya bayan sunan shi soyayya.

Ganin Nawid ya yi mutuwar tsaye yana tunani ne yasa ta raɓa gefensa zata wuce, cikin sauri ya riƙo hannunta yana faɗin

"Haba malama kada ki min haka, wlh soyayyarki zata iya yi mini illar ki tausaya min, sosai kika mamaye zuciyata, ta ko ina, har ina ji a jikina ba zan iya rayuwa ba sai da ke, kada ki ce ba zaki karɓeni ba..."

Ji kake tass ta wake masa fuska da wani gigitacen mari ba tare da ya gama kalameta da yake yi ba, a fusace ta kwace hannun ta daga riƙon da ya mata, rai a matukar ɓace ta bar wajen ta bare da ta yi magana ba.

Shiru ya dafe kumatunsa, ya kasa yi mata magana, kuma ya kasa dakatar da ita har ta tafi, ko kaɗan bai ji zafin marin da ta masa ba, sai ma son ta da ya karu masa sosai a zuciyar.

(Umm giyar soyayya ba🤣)

A gaskiya zuciyarsa ma kara yaba mata yake yi ta yi namijin kokarin, hakan kuma ya kara burgeshi, yanzu ya dace ya kara ɗaura ɗamarar neman aurenta, a cewar sa, domin ita ce matar aure, mace mai kare mutumcin kanta wadda ko hannunta bata yarda wani namijin ya taɓa ba. Sosai Nawid ya sa a ransa dole ya nemi auren Jehan kuma ya zama masa dole ya nemi soyayyarta, ita ta dace da rayuwarsa.

(Tirkashi aikuwa ka haɗa hanya da wahala)

Jiki ba kwari, tunani cike fal a ransa, ya wuce ya koma cikin ɗakinsa. Yana shiga ya tsaya a gaban mirror ɗakin tare da shafo in da ta maresa da hannunsa ya mannawa hannun nasa kiss, har da wani lumshe ido, shi a dole izzar Jehan da kuma kamewarta sun tafi da imaninsa. Shi ga shi ɗan soyayya.

( Soyayya manya.)

Ya ɗan jima tsaye a wajen, kafin ya fara haɗa kayansa dan ya koma Kaduna ya sanar da Ummi abin da ke ransa.

Ita kuma Jehan tana koma, kai tsaye cikin office ɗin Ibraheem ta nufa, yana ganin ta tun daga nesa ya zuba mata ido yana jiran ya ji wani bala'i zata sauƙe masa kuma.

(Ibraheem na cikin gararin da bala'i Jehan🤣 bawan Allah)

"Ibraheem!! Ibraheem!! Ibraheem!! Sau nawa na kira sunan ka?" Shine abin da Jehan ta faɗa lokacin da ta iso wajen, shiru ya zuba mata ido yana kallon ta.

Rai a matukar ɓace ta ce "Na ce ka kiramin ogan ka a waya ya zo nan ina son yin magana da shi"

"Ki yi hakuri zai zo ranar Jumma'a sai ku yi magana" Ibraheem na gama kai karshen maganar ta wuce ta koma bakin aiki ta, tana tunanin idan ogan su ya zo, ya zama mata dole ta faɗa masa, ba ɗakin kato da zata sake zuwa, domin ita ba yar iska ba ce.

Shi dai Ibraheem ido kawai ya bita da shi, dan yanzu shi burinsa ya lallaɓata ta samu ta yi aiki ta biya shi kuɗin sa, shiyasa baya wani biye mata, dan in ta ce ba za ta yi aikin ba, waye zai biya shi kuɗin sa, dan dai yasan gidan su Jehan ba ta in da za'a fitar da dubu ɗari biyar, kuma ko ƙararta ya kai ba ta in da za su iya biyan kuɗin, sai dai ma shi ya sake kashe wa su kuɗaɗen wajen biyan yan sanda da sauransu..

Tofa Jehan yau ake yin ta, ni na haɗa kayana nayi gaba sai mun haɗu da ku a gidan su Aafia gobe idan mai dukka ya kai mu [11/17, 12:27 PM] +234 906 579 6460: 💞💞TRIPLET'S💞💞

🌹🌹Episode 23-24🌹

GIDAN ABBI💖

A yau a ka dawo da Aunty gida, ba laifi jikin nata ya ɗan yi kyau, amma bata iya tafiya saboda aiki da a ka mata, ba ta iya miƙewa tsaye sosai kamar yadda kowa zai miƙa, dan ma ita ta matsa zata dawo gida shiyasa Irfan ya karɓa mata sallama, baiwar Allah ta damu ne sosai a kan me ya sanya Abbi baya zuwa asibiti sosai, kuma a zahirin gaskiya ba'a faɗa mata me ya faru da ita ba, ba wanda ya gaya mata, ko mamanta da tazo ta yi jinyar ta, ita ma bata san meke damun yar tata ba. Sosai abin ke damun Aunty a ranta, me ta yi wa Abbi ya ke shareta haka.

Kusan komai Irfan ya ɗauki nauyin Aunty, ko wani abin take so shi ake kira, ko shi ko kuma Akil ko Imran, Abbi kam ko sun kira shi baya ɗaukar wayar, idan ya kirasu sau ɗaya da safe to sai kuma gobe da safe, Aunty ta yi kuka sosai sannan ta faɗa wa mamanta cewa tana ganin kamar Abbi na fushi da ita, sosai mamanta ta mata faɗa tare da shawari masu kyau a kan ta rinƙa yi wa mijinta uzuri wata kila wani aikin ne ya sha masa kai, hakan yasa Aunty ta matsa kawai su dawo gida, Allah sarki bata san me zata zo ta tarar a gidan ba.

A motar Irfan suka dawo, kuma shi ya ɗauko su, ita da mamanta, ita kam Aafia tun da taga Aunty ta farfaɗo ba ta mutu ba shikenan sai ta kama shabgar gabanta abin ta, ta koma ruwa, ta je suna kulla wani abin ita da Rufee.

Ko da su Aunty suka shiga cikin gida Abbi baya nan, haka shima daddy'n Jelly baya nan yana part nasu, a palo suka ba je.

Ganin sai zufa Aunty ke haɗawa ne ya sanya Irfan kunna musu Ac sanna ya wuce part na shi, shi da Imran, dan suna tare ko ina za su shiga.

Allah sarki Imran bawan Allah ya rame sosai sai manya-manyan idanun nan nasa irin na Jelly nan suka kara firfitowa saboda rama, gaba ɗaya fuskar sa ta sauya kamar ba shi ba.

Karfe biyu na rana daidai, motar Aafia ya danno hanci cikin gidan, har lokacin Aunty suna falo sai dai su Irfan sun fita basu a gidan, sun sake komawa neman Jelly, bayin Allah, kullun suna zarya tsakanin Kano da Kaduna.

Kusan a tare Aafia ita da Rufee su ka fito daga cikin motar, sai wani yauƙi da rangwaɗa Rufee ke yi, ta ci uwar kwalliya kamar wata aljana, ta labka wani uban eyeliner a ido, ga wani purple color jambaki da ta damɓara a bakinta, ko kyan gani babu, kamar mutun ya yi amai. Sanye take da wasu shegun riga da wando sun matseta sosai, wandon jeans ne da kuma riga top ta ɗaura wani jacket mai ɗan girma a saman kayan, wadda yazo mata iya cinyarta, ta zuba attachment a kanta, kamar wata yar kafurai.

Sai wani taunan chewing gum take yi tana baza baki. "Aafia anya Auntyn kun nan ta dawo kuwa? Kada na yi zuwan banza ne" ta faɗa tana hura chewing gum da ta ke ci, Aafia tana kokarin rufe kofar motar ta ce

"Eh ta dawo mana, kafin ma su baro asibitin yaya Irfan ya ƙirani, ba kin ji ma lokacin da yake cemin na baro gidanku na wuce na same su a gida za su dawo da Aunty ba"

Wani nauyayyar ajiyar zuciya Rufee ta sauke, irin ta ji daɗin nan, kai da ganin Rufee kasan ba zuwar Allah da annabi ta yi ba, akwai wata manufa da ya kawo ta, ba duba jikin Aunty tazo ba, ko daga yanayin shigarta zai tabbatar maka da cewa ba dubiya ta zo ba, akwai dai wani abin.

Jerawa suka yi zuwa cikin falo. Aafia ce ta kwaɗa sallama, Aunty na kwance saman sofa idon ta cike tab da kwalla abin tausayi, ita kuma maman Aunty ta shiga kitchen dan yi musu girki.