Triplets book 2 complete - Chapter 23

Ahmad ya musu jagora har zuwa Room na shi. Bayan sun shiga ɗakin, banɗaki Iya ta wuce da Ayla, ita kuma Rimsha zama ta yi saman bedside drawer tana ta bin ɗakin da kallo, rabonta da ganin ɗaki mai kyan wannan tun gidan su na Abuja, shiru ta yi tana jin yadda sanyin Ac ke ratsa mata jikinta, nan take ta fara rawar sanyi, dama already da zazzaɓinta a jikinta.

Ganin haka yasa Ahmad ya kashe Ac sannan ya ce mata yana zuwa bari ya sayo abin da Iya ta ce ya sayo wato always, da kyar Rimsha ta gyaɗa masa kai, duk ta takure taki sakin jikinta.

Har ya kai bakin kofa zai fita, sai kuma ya juyo ya ce da ita, "Ki hau gadon ki kwanta mana? Kada ki damu yar uwarki zata samu lafiya" girgiza masa kai ta yi alamar bata son hawa gadon. Shiru ya mata bai sake magana ba, dan bai son takura musu.

Ya juya zai fita muryan Iya ta katse shi da cewa "Ahmad har da pant zaka sayo mata" sai lokacin ya gane me ke damun Ayla, shi kan shi kunya abin ya bashi, satar kallon Rimsha ya yi, ita ma ta sunkuyar da kai tana satar kallon shi dan ta ji iya ta ce pant, duk sai kunya ya kamata.

Ganin hakan yasa ya wuce da sauri ya fice daga ɗakin. Yana fita Rimsha ta sauƙe nauyayyar ajiyar zuciya sannan ta ajiye masa ledarsa da ya bata ajiya awaje.

Ta yi shiru tana tunanin rayuwa, daga wannan sai wannan kullun cikin jarabawa suke.

Iya baiwar Allah, da kanta ta yi wa Ayla wanka, sannan ta ɗauki towel dake cikin toilet ɗin ta naɗota a ciki suka fito waje, Alhadulillah yanzu ciwon cikin Ayla ɗin ya ɗan ragu, yanzu kaɗan kaɗan take jin ciwon nata.

Kusa da Rimsha tazo ta zauna, suka takure waje guda, yar dariya Iya ta yi kafin ta ce "Me yasa kuke takure jikin ku wajen guda? Ku da ɗakin yayan ku? Ko dan kun ganni ni bakuwa ce? Tom ku saki jikin ku, ni da yayan ku mun jima muna tare, kullun yazo garin nan a shagona yake sayayya, sai dai ban taɓa sani daga ina yake zuwa bane, ban san gidan da yake sauƙa ba sai yau". Cikin harshen yarabanci ta yi maganar, kasan cewar ba wani jin yaren suke yi sosai ba, sai basu gane zancen nata ba, dan haka sai basu kulata ba.

Gefen gadon tazo ta zauna suna jiran Ahmad.

A haka ya dawo ya same su, bakin sa ɗauke da sallama ya shigo cikin ɗakin, bakar ledar hannun sa ya miƙawa iya sannan ya fita wajen.

Riƙo hannun Ayla iya ta yi, suka koma cikin toilet ta nuna mata yadda ake amfani da komai, sannan ta fito ta musu sallama ta fice waje.

A waje ta isko Ahmad yana tsaye daga sama yana kallon garin da yadda yake.

"Ahmad it seems like wayan nan ba yan uwan ka bane" cikin sauri ya juyo yana faɗin "Like how Iya?" Yar murmushi ta yi kafin ta ce "The way na ga suna kame jikin su, basu saki jiki da ɗakin naka bane, sai wani ɓoɓɓoye kansu suke cikin jikin juna, kamar basu yarda da ɗakin ba".

Girgiza kai ya yi yana faɗin "No Iya kawai dan basu taɓa zuwa hotel bane shiyasa, amma yan uwana ne, kuma ai kema baki taba ganin na zo da su ba ko?" Gyaɗa masa kai ta yi alamar ne "To kin gani basu taɓa zuwa hotel bane, shiyasa suke tsoro, yanzu ma akwai dalilin da ya sanya na zo da su garin nan, amma idan ba haka ba, basa fita kullun suna gida".

Shiru Iya ta ɗan yi kafin ta ce masa to shikenan ita ta wuce, godiya ya mata sannan ya ciro 10k ya bata, ta karɓa ta yi masa godiya, sai mamakin irin karyar daya zuba yake yi, shi ba ma'aboci karya bane, ya sha mamakin ya akayi ya zuba karya son ranshi yau, ya ma akayi ya iya tsara karyar haka.

Ya ɗan jima tsaye a wajen kafin ya koma cikin ɗakin, zaune ya same su saman drawer ɗaya sun takure jikinsu waje guda. Kallo ɗaya ya yi musu ya kawar da kansa gefe saboda Ayla bata da kaya a jikinta, towel kawai ta ɗaura, rigar tata duk ya ɓaci da jini.

Kasa magana ya yi sai ma juyawa ya yi ya fice daga ɗakin yana tunanin kyan Rimsha.

Kasa gaba ɗaya ya sauƙa, har ya sauka sai kuma ya sake haurowa sama ya koma cikin ɗakin, a gefen gadonsa ya ɗauko key ɗin mota mai bala'i kyau, sannan ya fito.

Kai tsaye wata dankareriyar mota ya nufa kirar *McLaren solus GT.* Launin baki, sai kyalli motar ke yi, ciki ya shiga ya kunna motar ya ja ya fice daga hotel ɗin. Yana fita kai tsaye cikin Ilorin ya nufa.

Su Rimsha kuwa, dukkan su sai kugi cikinsu ke yi musu, yinwa suke ji sosai, Rimsha ga zazzaɓi Ayla kuma ciwon mara.

Suna zaune a wajen, har bayan awa ɗaya basu tashi ba, haka ba wanda ya yi wa ɗan uwansa magana, haka Ahmad ya dawo ya same su, hannun sa riƙe da manya-manyan ledoji guda biyu, irin ledojin shopping ɗin nan.

Da sallama ɗauke a bakinsa ya shigo cikin ɗakin, Ayla ce ta amsa masa sallamar tasa, haka kawai Ahmad yake jin tamkar yana da wata alaka da su, shiyasa ya zage yake taimaka musu, yana jin kwanciyar hankali tarayyar sa da su.

Kusa da su ya ajiye ledojin sannan ya juya ya nufi waje yana faɗin "Kayan sawa ne a ciki, ku shirya ina zuwa".

Ayla ce ta miƙe bayan fitarsa ta buɗe ledojin, kayane masu kyau da tsada, abayas ne da hijabai.

Abaya ɗaya ta zara ta sanya a jikinta, ita ma Rimsha daga baya Miƙewa ta yi ta shige toilet, wanka ta yi sannan ta fito.

Itama abaya ɗaya ta ɗauko ta shirya cikin shi, ba karamin kyau ya mata ba, kayan sun karɓi jikinta sosai, ga shi Abayan launin sky blue ne, abin ba'a cewa komai.

Yafa mayafin abayar ta yi a kanta, sannan suka kwashe kayan da suka cire, suka zuba cikin ledar suka koma mazauninsu suka zauna.

Kasa kasa Ayla ta ce "Rumsha kin san me?" Girgiza kai Rimsha ta yi alamar bata sani ba.

"Wai haila na fara yi". Zaro ido Rimsha ta yi tana faɗin "Waye ya ce miki haila ce?"

Kara kasa da murya Ayla ta yi, sannan ta ce "Ba kin ce mensuration shine haila ba?" Gyaɗa mata kai Rimsha ta yi alamar eh. "To matar nan da tana mini wanka, shine take gaya mini da yarabanci, da na ce mata bana jin yarabanci, sai ta faɗa mini da turanci wai mensuration na fara yi sai na fara kula da kaina sosai".

Zaro ido sosai Rimsha ta yi tana tunanin dama haka haila take da bala'i zafi kamar mutun zai mutu, to ita kam gaskiya bata son hailar nan, ga shi kuma mum ta ce mata wata mace sati take yi, wata kuma kwana huɗu, kenan kullun idan jinin zai zuba sai an yi ciwo kamar a mutu, wayyo ta shiga uku.

Ganin sai zazzare ido take yi yasa Ayla ta dafa ta tana faɗin "Rimsha lafiya? Me yake damun ki?" Kara zazzaro sleeping eyes nata da suka fara washewa zuwa asalin kalarsu wato farare tas ta yi, yanzu muryar ta ma ya fara komawa normal. Kasa kasa ta ce "Ayla wlh ni kam bana son hailar nan, ki taya ni da addu'a Allah yasa kada na yi, kuma na ji mum ta ce ko wace mace tana yi, wlh ni kam bana so".

Ayla ta rasa me zata ce mata, dan ita dama ba wani ilimi ke gareta a kan haila ba, tana dai da ilimin Alkur'ani mai girma wadda mamanta ta koya mata, sai kuma addua'o'i da ba'a rasa ba, amma bata wani karanci littattafan musulunci ba.

Rimsha zata sake yin magana, Ahmad ya shigo, bakin sa ɗauke da sallama, har suna haɗa baki wajem amsa masa, tun da ya shigo ya kasa kawar da kallonsa da ka kan Rimsha.

Saman bakin gado ya zauna tare da jawo ledar da ya bawa Rimsha ta riƙe masa ɗazun a waje.

Buɗe ledar ya yi ya fito da takeaway guda ɗaya sai shawarma shima ɗaya da coca colar ɗaya, da ruwan shabram.

"Ku sauƙo ku ci abinci kun ji? Dama abinci naje na sayo zan ci sai Allah ya haɗa mu, to ku sauƙa ku ci ni zan sayo wani".

Har suna haɗa baki wajen cewa sun koshi.

(Oh ka ji yara da gulma yanzu suka gama kukan yinwa fa🤔)

"A'a banyarda da kun koshiba, ku sauƙo ku ci, ina son ku saki jikin ku, ku sani Allah ne ya haɗa ni da ku, domin ni tun da nake zuwa garin nan ban taɓa fita ba tare da motata ba, ban taɓa hawa taxi ba sai yau, kuma sai yanzu na gane dalilin da ya sanya, Allah ya sa naji sha'awar fita ba tare da motata ba, dan na haɗu da kune shiyasa, kuma karin abin mamaki, wlh lungun nan da na biyo ban taɓa bi ba, kawai dai daga wajen balcony ɗaki nan ina hangen hanyar ne, shiyasa yau dana hau taxi ya sauƙe ni a bakin wancan titi sai ya biyo lungun dan na iso da wuri, kuma kunga a bakin hotel ɗin nan akwai titi, amma nace mai taxi ya sauke ni a can, to dan haka ku saki jiki ku ci abinci ku koshi sai ku gaya mini me ya kawo ku wannan gari". Ya kai karshen maganar yana tura musu abincin kusa da su.

Shiru suka yi ba wanda ya iya magana a cikin su, ita Rimsha tsoro take ji kada ya yi musu wani abin, dan kullun mum ɗin ta tana gaya mata a duniyar yanzu ɗan Adam ba abin yarda bane, ita kuma Ayla ganin Rimsha ta ki ci ne yasa bata ci ba, Rimsha ta kasance kamar madubin Ayla haka suke.

Sai lallaɓa su Ahmad ya ke yi, har da basu labarin abin dariya, duk dan suci abinci. Da kyar ya samu suka sauƙo kasa suka buɗe abincin, jolof rice ne da kirjin dankwaleliyar kaza, ga shi abincin ya ji kayan haɗa su green beans carrot da sauransu, sai kamshi ke tashi.

Shiru suka yi saboda spoon ɗaya ne a wajen, waye zai ɗauki spoon ɗin a cikin su.

Shi kuma Ahmad ya mance da cewa spoon ɗaya ne a cikin abinci, sai ce musu yake yi su ci mana, su kuma sun kasa gaya masa spoon kwara ɗaya ne, kuma suna kunyar tsunduma hannunsu a cikin abinci.

Cikin zolaya ya ɗauki spoon ɗin yana faɗin "Bari to na baku a baki wata kila zaku ci" ya kai karshen maganar yana miƙawa Rimsha spoon ɗin, karɓa ta yi sannan ya mai da hannun sa cikin ledar da niyar ya ɗaukowa Ayla spoon ɗin ita ma, sai ya ji wayan, ya mance abincin mutun ɗaya ya saya. Ɗan shafa kansa ya yi yana murmushi, a hankali ya ce "Sorry bari na duba wajen masu saida abinci a hotel ɗin na karɓo muku wani spoon ɗin, dan ni duk abincin da nake sayowa jefar da takeaway ɗin nake yi idan na gama, kuma bana sayen abincin hotel ɗin nan dan ba shi da daɗi ko kaɗan".

Satar kallon sa Rimsha ta yi ta kasar ido, a ranta tana faɗin "Ko akwai wanda ya tambaye shi abincin hotel ɗin da daɗi ne ko babu, sai shegen surutu".

Muƙewa ya yi ya fito dan ya je ya karɓa musu spoon.

Yana fita Ayla ta dumbuza shinkafar ta danna a bakinta, ta cika baki taf, dariya Rimsha ta kwanshe da shi tana faɗin "Allah yasa akwai camera a cikin ɗakin nan, idan ya dawo ya ga kalar abin da kika yi".

Baki cike da abinci Ayla ta ce "Ba sai ya gani ba, hauka nake zan tsaya har sai ya kawo spoon, kin san yinwar da nake ji kuwa? Ni spoon ɗin ma sun mun kanana ne".

Kara faɗaɗa murmushita ta Rimsha ta yi tana faɗin "Eye lallai Ayla yanzu na gasgata zancen Kausar da take cewa muna cinye musu abincin gida, ashe dai ke ce mai cinyewa".

Yago fatar saman namar kirjin Ayla ta yi ta sunkuma a bakin ta tana faɗin "Ai da kika ce masa mun koshi da abincin nan, ji nayi kamar na shake ki dan haushi, ashe shima ɗan Albarka ne, ya yi kyan kai da ya matsa sai munci". Banda dari ba abinda Rimsha take yi, bayin Allah sun samu natsuwa yanzu kam.

Jin alamar motsin shi yasa Ayla ta yi maza ta goge bakin ta da bayan hannun ta, ta sunkuyar da kanta kasa tana ɓoye fuska, bata gama tauna abincin ba ta haɗiye ji kake gwat, ita dai Rimsha ta kasa daina murmushi, dariyar ma da kyar ta tsagaita shi.

Ahmad na shigowa bai san lokacin da spoon ɗin hannun sa ta suɓuce ta faɗi kasa ba, saboda bala'i kyau da ya gani, Rimsha na murmushi ga dimple na lotsawa, ga open teeth wow Masha Allah ya faɗa a ranshi.

(Niko nace dan ma bakaga lokacin da take cikin jin daɗi tana tare da daddy bane, yanzu ai duk ta rame ta kara duhu saboda wuya, ba ta samun lotion masu kyau da kayan kyaran jiki, fatar ta ya fara canzawa)

Sai da Rimsha ta ɗago sleeping eyes nata ta kalle shi sannan ya farga, cikin sauri ya duka ya ɗauki spoon ɗin ya kariso cikin ɗakin.

Tun bai zauna ba yake faɗin "Zan iya sanin me ya sanya wannan tauraruwar gimbiyar wannan murmushi mai kayatarwa haka?". Jin haka yasa Rimsha ta yi saurin kame kanta, ta dakatar da murmushi da take yi.

A ɗan ruɗe ya ce "Haba gimbiya menene abin ɓata rai kuma? To shikenan ki yi hakuri yanzu dai ku ci abinci kun ji? Ni bari na je wajen wani abokina, sai karfe huɗu idan nayi sallar la'asar zan dawo, idan na dawo sai ku faɗa mini me ya kawo ku nan, kada ku fita ko'ina fa, dan kunga nan hotel ne akwai mutane kala-kala na banza dana kirki, dan haka ku kula" yana kai karshen maganar ya miƙa wa Ayla spoon ɗin sannan ya ɗauki key ɗin motarsa ya fice daga ɗakin ya ja musu kofat ya rufe, amma bai sa key ba.

Yana fita suka fara ɗura abinci, hannu baka hannu kwarya, Ayla kam tana ci tana korawa da coca colar, ita kuma Rimsha ruwar shabram dake wajen take korawa da shi.

Tas suka cinye abinci har da lashe takeaway ɗin, kamar basu koshi ba, a ɓangaren nama kuwa har da kashin suka taune abinsu.

Bayan sun gama a tare suka tattare wajen, sannan suka kwanta a kasa, sun ki yarda su kwanta a gadon, sai ajiyar zuciya suke sauƙewa.

Yar hiran duniya suka fara yi, tun Ayla na amsawa kasa-kasa har barci ya ɗauke ta, ita kuwa Rimsha ta jima kaɗan kafin ita ma barci ɓarawo ya ɗauke ta.

(Ni kuma na kwashe kayana zuwa wajen James)

💖💖💖💖💖💖💖💖💖💖💖💖💖

Wani irin gida ne wadda da ka ganshi kasan maɓoya ne ko na yan ta'adda ko kuma na matsafa, dan gidan bana tunanin a saman kasa yake, na fi tunanin a cikin kasa yake, sannan ginin gidan an yi masa wani irin tsari wadda ya fita daban da gidan zaman mutane, ba sai na tsaya zayyana muku yadda maɓoyan yan ta'adda yake ba, kun san dai yadda suke yin abinsu.

Wani katon mutumi ne ya fito daga wata ɗaki hannun sa riƙe da bokiti mai ɗauke da ruwa sanyi, gaba ɗaya jikin mutumin nan a rufe, ya sanya long coat zuwa gwiwarsa da wando dogo na jeans, launin baki, daga ta ciki riga mai godon hannu ne launin baki, kafarsa na sanye da irin takalmar waterproof ɗin nan shima baki, ya sanya hand gloves baki, fuskar sa akwai mask shima baki, a takaice dai baka iya ganin komai na daga jikinsa, ga shi kuma yana da tsawo da kuma ƙiba ba kaɗan ba.

Kai tsaye wani ɗaki mai girman gaske ya shiga, ɗaki ne mai filli wadda babu komai a cikin ta, sai wani bawan Allah da suka ɗaure a saman chair a tsakiyar ɗakin, daga gefe kuma wasu mutane masu dressing irin na wannan mutumin ne ke ta faman aiki a desktop computer dake gaban su, da alama wani binciken suke yi, ɗakin akwai manya-manyan Windows na glasai a cikin shi, wadda akalla Windows nan za su kai goma, duk kuma Windows ɗin a buɗe suke.

A tsakiyar ɗakin ya ajiye bukitin hannunsa sannan ya karisa wajen wayan nan mutane masu dressing irin na shi wadda baka iya ganin komai na su.

Cikin harshen turanci ya ce musu "Kun samu damar kutse cikin wayar? Kun iya gane wani kungiya ne suka turo shi?" Girgiza masa kai suka yi, cikin harshen turanci suma suka ce "No sir ba mu samu komai ba, da alama wayar nan tasa komai nata a datse yake, duk yadda akayi babbar kungiya masu amfani da kimiya yake yi wa aiki, domin ba zaka iya shiga komai a cikin wayar nan tasa ba, idan ma muka matsa sai mun shiga, wayar kashe kanta da kanta take yi, idan muka sake kunnata kuma sai ta ɗauki tsawon awa tana bamu hawala kafin mu samu ta buɗu"

Wani hucu wannan mutumi ya fara tare da juyawa ya koma wajen bokitin da ya ajiye, ɗaukar bokitin ya yi ya nufi wajen da suka ɗaure James, da karfi ya kwara masa ruwan cikin bukitin, daga kansa har zuwa kasansa, wani dogon numfashi James ya ja tare da sauƙewa a hankali, da kyar ya iya ɗago kansa, duk sun fasa masa fuska, sun masa dukan mutuwa, a takaice James bai san in da kansa yake ba, dan dukar da suka yi mashi ya fita hayyacinsa.

Damko dark brown curly hairsa wannan mutumin ya yi yana faɗin "Zaka sanar mana waye ya turoka ka kashe mu ne ko dai sai mu mun kashe ka?" Kada ku manta da turanci suke yin maganar.

Banda numfashi wahala mai sauti da James ke fitarwa ba abinda za ka ji yana ta shi a wajen, baya iya magana, bakin sa duk ciwoka, wani ciwon ma har ya fara bushewa, alamar sun kwana biyu da jimasa ciwon, wajen idanuwansa nan duk sun kunbura, da alama ma kunburin yasa baya iya buɗe idanuwansa, ba zaka taɓa cewa James bane saboda gaba ɗaya fuskarsa ta canza, har jikinsa ya kumbura ba iya fuska kawai ba.

Duk kuma wannan duka da suke yi masa, James bai taɓa gigin buɗe bakinsa ya yi magana ba, in fact ko muryarsa ba su taɓa ji ba, dan yaki basu haɗin kai, ya amsa musu magana. Dun kule hannu wannan katon mutumin ya yi ya kai mashi duka a fuska daidai saitin dogon hancinsa.

Wannan naushi da ya kai mashi hakan ya yi daidai da farkawar Romeo da kuma Michael daga barci. A razane Romeo ya miƙe zaune a tsakiyar bed nasa, duk da sanyin Ac dake cikin ɗakin shi zufa yake haɗawa, gaba ɗaya idanuwansa sun sauya zuwa ja sosai, alamar barci yake ji, amma bai isa ya kwanta ba, da ya kwanta zai rinƙa jin azaban zafi a jikinsa tamkar shi ake mawa azaba ba james ba, gaba ɗaya dark black curly hairsa ya watse, ya bazu masa har saman kyakkyawar fuskarsa, bin ɗakin nasa ya yi da kallo, ya rasa meke yi masa daɗi a duniyar nan, a takaice Lion ya fi James shiga tashin hankali da azabtuwa na zuciya.

A wannan hali Michael ya shigo ɗakin ya same shi, dama shi Micheal barcin wahala ya yi bawan Allah, ya sha gwarel da su Tga na rufe su a ɗaki da Lion ya yi, ya kuma sha kuka, da kyar ya samu ya yi barci bayan Lion ya buɗe su kenan.

Saman gadon ya hau yana hawaye ya ce "Lion please and please tell me where is James, ina ɗan uwana yake? Duk lokacin da na tuna shi ina jin zuciyata tana bugawa da karfi, zafi zuciyata take yi mini tamkar zata fashe ta fito waje, Lion zan iya mutuwa in dai James bai dawo ba, jikina na mini ciwo kamar ana dukana da wani karfe haka". Yana magana yana hawaye. Gwanin ban tausayi

Dafe kai Lion ya yi dan shima kan sa sara masa yake yi, kuma duk abin da Michael ya faɗa yana ji a jikinsa, hakan shima yake ji, ya kara tabbatarwa kansa James baya lafiya, domin tun suna yara haka suke, idan ɗaya bai da lafiya a cikinsu, to tamkar dukkansu ne basu da lafiya.

Sosai Michael ya kara sautin kukan nasa ganin Lion ya ki kula shi, jin kukan Michael na kara masa azaba a cikin zuciyarsa dan haka sai ya ce "Get out Michael". Zaro idanuwansa waje Michael ya yi yana mamaki, cak ya tsaya da kukan nasa, dan yasan Lion bai taɓa ce masa ya fita masa a ɗaki ba sai yau.

Sanin halin Lion baya magana biyu, yasa ya sauƙo daga gadon tare da cigaba da hawayen da yake yi ya fice daga ɗakin, shi kan shi Lion ji yake kamar ya yi hawayen ko zai samu sauƙin abinda yake ji a ransa, shi zafin ma ya masa yawa, ga daddy a gefe, ga Michael sannan ga bala'i da suke ciki na rashin sanin ina James yake, abubuwan sun taru masa, amma idan ka gan shi bazaka taɓa gane hakan ba, dan shi already dama a hakan yake, fuska a ɗaure kullun, ba'a gane murna bare bakin cikinsa.

A hankali ya mai da bayansa ya jingina da gikin kayin gadon yana tunanin menene A.E.A ke nufi, idan ya gane su zai iya gane in da James yake, sannan yana bukatar kutse cikin tsaron da a ka sanyawa wayar James, me yasa wayar ta kasance haka, wannan ma abin tambaya ce.

Ba wanda ya isa ya yi kutse cikin wayar James har ya yi bincike sai wanda ya kasan ce makura wajen basira da sanin kimiya na hanyar sadarwa. Haka shima wayar Lion take, ba zaka iya bin diddgin wayar ba, haka ba zaka iya datsar layin sa ba, sai dai wayar James, an ɓoye layin ne a karkashin wata tsaro na musamman, kuma a wannan tafiya da ya yi ne hakan ta faru. Maganar gaskiya kuma mutanen da suka kama shi ne suka ɓoye layin nasa a karkashin tsaro domin kada a bibiyi in da suke, saboda basa son kashe wayar suna son yin bincike a kanta, kuma sun san idan basu kasheta ba za'a iya bin diddigin su har a kama su, wannan dalilin yasa suka saka mata matakan tsaro ta yadda ba za a iya bin diddigin su ba

Ya jima a haka sannan ya jawo system nasa ya fara bincike a kan menene A.E.A a cewar sa idan ya gano ma'anar su sai ya fara kutse cikin wayar James dan sanin a wani location ɗaya yake.

(Toh fa aiki ya ganku, sai mun haɗu da ku a gidan Abbo gobe idan mai dukka ya kai mu) [11/17, 12:27 PM] +234 906 579 6460: 💞💞TRIPLET'S💞💞

Ya jima a haka sannan ya jawo system nasa ya fara bincike a kan menene A.E.A a cewar sa idan ya gano ma'anar su sai ya fara kutse cikin wayar James dan sanin a wani location ɗaya yake.

A ɓangaren Michael kuwa, yana fita part nasa ya koma. Yana shiga ya isko Musharraf yana Sallah saman Chinese carpet dake gaban katafaren bed nasa, saman gado ya haye ya ɗan kishingiɗa yana hawaye yana kallon yadda Musharraf ke sallah. Allah sarki Michael saboda son da yake yi wa Musharraf ya sa ya ce Musharraf ya baro word room ya dawo part nasa su zauna tare, kuma duk hakan ya samo asaline saboda son da James yake yi wa Musharraf ɗin.

Sai hawaye yake yi har Musharraf ya idar da sallah, hannu sama ya ɗaga ya jima yana addu'a sai kallonsa Michael ke yi, har ya dai na zubar da hawayen da yake yi ba tare da ya sani ba, ganin Musharraf na ibada yana sanya shi samun nitsuwa da kuma farinciki.

Bayan ya kammala addu'ar ne, ya miƙe ta hawo saman gadon yana faɗin "Michael what is wrong with you? Why are you crying?" Ya kai karshen maganar yana zama kusa da Michael ɗin, amma kafin ya hau gadon sai da ya yi bismillahi.

Shiru Michael ya ɗan yi mashi kafin ya ce "Uncle ɗin James me yasa idan zaka zauna kake yawan faɗin wannan kalmar da ka faɗa yanzu". Murmushi Musharraf ya yi yana faɗin "Wai bismillahi kake nufi?" Gyaɗa masa kai ya yi alamar e. Shafa kansa Musharraf ɗin ya fara yi yana faɗin "Ina koran sheɗan ne" miƙe wa daga kishingiɗar da ya yi ya yi, ya zubawa Musharraf brown eyes ɗin nan nasa, na ɗan lokacin kafin ya ce "Waye shi shaiɗan ɗin?"

"Sheɗan makiyi ne ga duk wani ɗan adam, baya son mutane, ya kuma yi alkawarin sai ya kai mutane dayawa wuta, sai wanda Allah ya tsarene kawai ba zai je wuta ba" Musharraf ya ba shi amsa. Shiru ya yi yana maimaita kalmar wuta, Allah, sheɗan da kuma makiyi.

Ganin ya yi shiru ne yasa Musharraf ya ce "Kai ma idan zaka zauna karinƙa faɗin bismillahi, dan ka kori shaiɗan daga kusa da kai, kuma ba iya shaiɗan kawai bismillahi ke kora ba, yana sanya Mala'ikun su kasance kusa da kai, sannan kuma idan aka maka wani sharri a wajen, Allah zai kareka ta sanadiyar wannan bismillar da ka yi".

Cikin sauri ya ce "To zan rinƙa yi". Wani daɗi Musharraf ya ji ya ziyarce shi lokaci guda. "Baka faɗa mini me ya same ka kake kuka ba?"

Tambayar Musharraf ta fama masa ciwon dake damun shi, nan take ya fara hawaye, "Subhanallah a'a Michael idan har baka son faɗa mini abin da ke damun kane ne ba sai ka sake yin kuka ba ka ji? Ka yi shiru ni na fasa ji ma" kwantar da kansa saman cinyar Musharraf ɗin ya yi, cikin kuka ya fara gaya masa halin da yake ci dan gane da James.