Triplets book 3 complete By teema princess - Chapter 44

Tana zaune a wajen har ya fito, gently tamkar baya son motsa laɓɓansa ya furta ta kwashe kayan abincin ta fitar ta dawo ta gyara mishi gado da kuma ɗakin baki ɗaya, ɗan zaro idanu ta yi cike da mamaki, ita da ko yadda ake gyaran ma bata iya ba, ga komai na ɗakinsa sai an bisu daki daki, idan kayi mishi kuskure ɗaya ka shiga uku, amma ya zata yi ? Ai dole yau ta zo ta zage dantse ta yi mishi.

A hanzarce ta kwashi komai ta fitar, shi kuma saman sofa ya koma ya zauna tare da jawo laptop nasa, zarginsa ya tabbata gaskiya, tun daga irin kallon da ya ga Rimsha tana yi wa wannan mata, to wace ce wai? Mu dai kasance a tare zaku san koma wace ce. Bai taɓa ɗaga idanu ya karewa daddynta kallo ba, idan suna shirme shi da Aseef lokacin da Aseef ɗin yake Washington DC ma, sai dai ya kunna yana jinsu yana wani abin, ba zama yake yi yana karewa face nasu kallo ba, amma duk da haka ya fahimci wannan mata tana kama da daddyn Rimsha ɗin sosai, shiyasa ya yi wa Rimsha hakan dan ya tabbatar, dole daddyn Rimsha yana da relationship da wannan matar, cigaba da aikinsa ya yi, hoton daddyn Jelly ya fitar yana bincike a kansa, da kuma yaushe ne suka rabu da daddyn Rimsha ɗin, dan yanzu case ɗin daddyn Rimsha yake da waƴan da suka zauna da shi kafin ya rabu da family'nsa, dan yana son gane ainahin me ya rabasu har haka, kuma kun san daddyn Jelly ya zauna da daddyn Rimshan kafin daga baya su rabu.

Ita kuma bayan ta fitar da kayan abinci, dawowa ta yi dan ta yi aikin da ya sakata, gadonsa ta fara nufa, abin dariya abin tausayi, girman gadon ma ta fara tsayawa tana karewa kallo, yanzu ita ta yaya zata shinfiɗa wannan gadon? Ta tambayi kanta, zazzakar sexy voice nasa ne ya daki dodan kunnenta a in da yake ce mata ta ɗauko wani sabon bed sheet ɗin daga dressing room nasa, sai ta cire na saman gadon ta shinfiɗa sabon, okey ta amsa mishi da shi tare da nufar room ɗin,.

Ba karamar ƴar kallo ta zama ba lokacin da ta shiga cikin room ɗin, dan ma bata ga na Washington DC ba, wannan ai kaɗan ne, dama idan baku manta ba, shi ɗan gayu ne, ɗan son kwalliya ne, akwai kaya over, komai na shi a shirye suke datsan datsan gwanin ban sha'awa, ko mai wajen ajeyesu daban, set by set, agogon nan suna jere cikin wani tsadadden show glass mai bala'in kyau, babu kalar agogon da babu a wajen, haka takalma, kaya ne masu bala'in tsada shirye a wajen, kamar an ce ta ɗago kai, idanunta suka sauƙa a saman ɓangaren shot nasa, ita kanta ba zata iya kirga yawansu ba, ga fararen singlet a gefe da yawa, mafiya yawan kayan dake wajen farare ne, yau dai ta zama ƴar kauye a dressing room na shi na Nigeria, idan ta ga na Washington DC kuma ina ga kasa fita zata yi idan ta shiga.

Da kyar ta iya gano wajen sets na bed sheets ɗin, babu ƙaramin bed sheet ko ɗaya a wajen, dukka manya manya ne masu duvet, da kyar ta iya ciro wani kato launin milk color, yana cikin jakarsa mai bala'in kyau, ko da ta ciro shi ta kasa ɗauka, ya fi karfinta, yanzu a kalla ta ɗauki 20 mins a cikin dressing room nan tun daga shigowarta zuwa yanzu, ta rasa ta yadda zata ɗauki duv ɗin nan dan yafi karfinta, daga karshe dai ta yanke shawarar jan shi a kasa zuwa bakin gadon sai ta buɗe ta fito da su ɗai'ɗai, haka kuwa ta yi, yana zaune ya ganta sai faman jan abu take yi kamar mai jawo akuya, ko sannu bai ce mata ba, har bakin gadon ta kawo, sannan ta buɗe zip ɗin jakar ta fara ƙoƙarin fito da kananan irin su rigar pillow cases da sauransu, badan tana da tsowa ba, da Lion ya ce shekarunta 11 a duniya, ga rashin karfi, abin gwanin ban dariya yadda ta jawo bed sheet ɗin.

Sai da ta fitar da su pillow cases ɗin kuma, sai ta tuna ashe bata cire bed sheet ɗin dake saman gadon ba, mayar da su cikin jakar ta yi tare da fara ƙoƙarin cire wannan katon bargonsa dake saman gadon, irin waƴan nan bargon ne wadda idan mutun ya shige ciki ma ba za'a taɓa zaton yana ciki ba, saboda girma da tudun bargon, ga shi kuma jikin bargon mai irin jikin magen nan ne, bala'in laushi gare shi kamar me.

Dukka iya karfinta ta sa zata ja bargon kasa, ai kuwa sai gata a saman gadon baki ɗayanta, dan kuwa bargon yaki jawuwa, yana da girma over ga bala'in nauyi, sautin dariya ta ji daga bayanta, ko bata ɗago ba tasan Aseef ne, shi kuwa Lion tamkar babu shi a ɗakin, aikinsa kawai yake yi. Ba ƙaramin dariya ta bawa Aseef ba, bare ma yadda bargon ya rinjayeta ta faɗa saman gadon, Rimsha ba karfi sam, karisowa wajenta ya yi yana dariya, cikin zolaya ya ce "Ki zo na ara miki karfina ƴar piritu". Da kyar ta iya miƙewa, a shagwaɓe ta ce "Allah yaya Aseef bana so, ai ina da karfi, bari kuma ka gani sai na cire bargon nan yau"

Sake da karkarewa ta yi wajen jawo bargon dan ta sauke shi kasa, a karo na biyu ma sai gata a saman gadon ta faɗa, bushewa da dariyar zolaya ya yi har sai da ya sanya Lion ɗagowa ya kallesu, wayarsa ya ciro yana faɗin "Oya sake gwada ɗagawa bari nayi miki video, zan ajiye tarihi ne, idan kin yi aure kin haihu zan nunawa yaranki, in ce musu mummynsu raguwa ce ta karshe, babansu kuma jarumi ne na karshe, sannan uncle nasu Aseef ma jarumi ne". Ya kai karshen maganar yana dariya, kumbura kumatu ta yi a shagwaɓe "Yaya Aseef na ce maka bana so ko?" Ta yi maganar tamkar zata saka mishi kuka.

"Oh, oh, oh our Queen ba sai kin yi mini kuka ba, bari na sauke miki kin ji ko ƴar sistotonmu?". Ya kai karshen maganar tare da sanya hannunsa dukka biyu na ɗauki bargon, bin shi da kallo ta yi tana mamakin wannan uban nauyin dukka ya ɗauka, saman sofa kusa da Lion ɗin ya ajiye bargon tare da dawowa ya tayata cire bed sheet ya kuma fito mata da wadda ta ɗako daga cikin jakar ya ɗaura mata a saman bed ɗin yana faɗin "Tom na gama aikina ko?". Murmushi ta sakar mishi tana faɗin "Yaya Aseef nima fa zan fara koyan training dan nayi karfi kamar kai". Nufar Lion ya yi yana faɗin "Tom shikenan, nan ba da jimawa ba zaki fara koya". Okey ta amsa mishi da shi tare da juyawa ta fara ƙoƙarin warware ƙaramin bed sheet ɗin dan ta shinfiɗa.

Abin dariya abin tausayi, sai haɗa zufa take yi ta kasa shinfiɗa gadon da kyau, sai ta jawo nan ta ga can ya ɓaci, tamkar zata saka ihu, shi kuma Aseef ya koma kusa da Lion ya zauna, hankalinsa na a kan wayarsa yana chatting da Heartbeat, baya kallonta bare ya zo ya taimaka mata, ta zagaye gadon nan yafi sau goma ta kasa shin fiɗa bed sheet ɗin, daga karshe dai, ta saman gadon ta fara bi dan kafafunta sun gaji da zagayawa ta nan ta kuma zagayowa, ga gadon da uban girma.

A wannan hali Areef ya shigo ya same ta, ba ƙaramin dariya ta bashi ba, sai uban haɗa zuba take yi baiwar Allah, dawo da kallonsa kan su Lion ya yi, aikin gabansu kawai suke yi tamkar basu san da ita a cikin ɗakin ba, karisowa ya yi yazo ya sanya hannu suka fara yi bibbiyu, sai murmushi yake yi mata, duk ta firgice kamar wadda ta wuni tana tikar aikin wahala.

Bayan sun shin faɗa ƙaramin bed sheet ɗin, sai ya ɗauko mata duvet ɗin ya gyara shi da kyau kafin ya shinfiɗa, dan yasan ba zata iya shin fiɗawa ba, ya yi mata girma, ba ƙaramin kyau gadon nan ya yi ba, ba'a taɓa shinfiɗa wa gadon bed sheet milk color ba sai yau, kullum daga fari sai sky blue mai haske, banbancinsa da farin kaɗan ne, ita ta jera mishi kananan pillows dake zuwa da bed sheet ɗin, su kam ta iya jerasu ba kaɗan ba, ta ɗauki wannan mai design of heart ɗin ta sanya a gaba tsakiyar masu four corner, sai ta ɗauko dogon kuma ta sanya a bayan masu four cornern, mai Heart ɗin dai ya zamana shi ne a gaba, shi kuma Areef wucewa ya yi ya cicciɓo wannan uban bargon, a tsakiyar ɗakin ya tsaya ya maɗe bargon gida huɗu, sannan ya ɗaura saman gadon kusa da pillows ɗin daga ɗan gefe, wani uban tudu bargon ya yi naɗe shi da aka yi, shi ma Areef ɗin da kyar ya naɗe saboda ciwonsa, dan ma ɗazun ya sha magani ya kuma shafa magani a wajen, shi ne ya ji wasau ta ɗan sake shi, ba laifi kuma ciwon tana warkewa sosai ba karya.

Bayan sun kammala ya koma kusa da ƴan uwan nasa dake ta faman aikin gabansu ya zauna, Lion yana fama da laptop shi kuma Aseef waya, tamkar babu su a cikin ɗakin, ita kuma kayan shara da mopping ta ɗauko, yadda kasan ta iya aiki sosai, sai wani zagewa take yi, shara ta fara yi, har ta gama bata ga datti ko ɗaya da ta sharo ba, mamaki ma take yi, wai a hakan kuma kullum sai an share ɗakin har sau uku, ko me suke sharewa oho, mutun ne sai shegen bala'in kyamar datti kamar me, sai zancen zuci take yi har ta fara mopping ɗin, shi ma dai ka tulluka, dan babu wani abin da ta goge, ko'ina tsab yake, amma dan bala'i da shegen son tsabta wai sai an share an yi mishi mopping, kai wannan Saif ɗin akwai kusfa da kakale kakale.

Da ta kammala har zata fita waje, sai kuma ta tuna ai bata sanya musu turare air freshener ba, ta san halinsa sarai yanzu duk kamshin dake karaɗe da ko'ina a cikin ɗakin nan, zai iya cewa bai yi mishi ba sai an kara, wannan ba dan ta gan shi da kafufunsa yana taka kasa ba, da sai ta ce baya taka kasa kuma bai taɓa takawa ba, dan abin nasa ne sai shi ɗin, dama mai yin aiki a karkashinsa ai sai ya shirya ba kaɗan ba, sai ya kai zuciya nesa can kololuwa, kayi kuskure kaɗan kasha bakar wahala, dan ma dai yanzu ba aikin take yi a karkashin sa ba, akwai dalilin na zuwanta ɗakin, ya fi karfin ya tambayi Musharraf abu shi ne yake amfani da ita.

Dressing room ɗin nasa ta koma bayan ta mayar da kayan sharar, turarruka kala kala ta samu, wasu ma da alama bai san ya kamshinsu yake ba, ya dai sa an sayo mashi ya zube su a wajen, kuma kullum air freshener ɗaya yake amfani da shi, dan yafi son kamshin sa, bai taɓa gwada sauran ya ji ya suke ba, tun da wancan ta yi mishi ai shikenan kuma.

Dubawa ta fara yi, dan ita bata ma san da wanne yake amfani ba, ɗaya baya ɗaya ta rinƙa ɗauka tana buɗewa ta ji kamshin ya yake, dukkansu suna da bala'in daɗi, har da mai kamshin mangoro a cikinsu, nitsuwa ta yi ta zaɓa mishi dai'dai da ra'ayinta, wadda ya kwanta mata a rai ta kuma ji daɗin kamshinsa ba kaɗan ba, cikin zumuɗi ta ɗauke shi ta fito cikin ɗaki, lungu da saƙo ta fara bi tana fesawa.

Kusan a tare dukkansu TRIPLETS ɗin suka ɗago kansu jin daddaɗar kamshin da ya daki kofofin hancinsu, Aseef, Areef kallonta suke yi, shi kuma Lion kallon air freshener hannunta yake yi, kamshin ya kayatar da su ba kaɗan ba, har wani lumshe idanu Lion ya yi.

Tsab ta gama fesa musu tare da mayarwa, ta fito zata nufi waje, Areef ya kirata a kan tazo ta zauna su yi hira, okey ta amsa mishi da shi tare da dawowa ta zauna kusa da shi, cikin zolaya ya ce "Sister yau kin canzawa ɗakin mu kalar kamshinsa". Zata yi magana Brady ya shigo yana wani haushi, da ga gani wani abin ya je ya aikata, a guje ya nufi jikin Lion, hayewa ya yi tare da sauke bindinsa a saman laptop ɗin da yake aiki, ɗan matsar da laptop ɗin gefe ya yi tare da rungume Brady ɗin da kyau, kasa kasa ya ce mishi ina ya je tun ɗazun, haushi ya yi tamkar mai bada amsar in da ya je ɗin, baki ta saki tana kallon ikon Allah, Lion baya magana amma kuma har da tambayar Brady ina ya je tun ɗazun, ba karamin burgeta kuma suka yi ba, hakan ya tabbatar mata da ba son wasa Lion yake yi wa karen nan nasa ba.

Ƴar kara laptop nasa ta yi alamar shigowar saƙo, a tare gabaɗayansu suka kai kallonsu kan laptop ɗin, a zafafe ta miƙe tsaye tana ambatar sunan mummynta, dan kuwa hoton mummynta ne ya bayyana a kan screen ɗin laptop ɗin, da alama browsing yake yi Brady ya shigo, bata gama buɗuwa ba ya kawar da laptop ɗin ya rungumi Brady ɗin, shi ne yanzu ta buɗe yasa laptop ɗin kara alamar ya gama.

Binta da kallo dukkansu suka yi banda Lion, dan shi tamkar bai san da ita a wajen ba, shi ma Brady har da wani juyowa da sauri yana kallonta dan tsabar gulma, "Is she your mum?". Cewar Areef, gyaɗa mishi kai ta yi alamar e, hannu ya kai ya ɗauko laptop ɗin tare da matso mata da shi gabanta da kyau dan ta gani, tabbas mummynta ne, sanye take da lace milk color, ta sha kyau sosai, tana zaune a cikin palonsu na gidansu dake Abuja, ko a ina ya samo hoton oho mishi, ga shi dai a gidansu na Abuja ne nan, kai Lion kamar wani aljani haka yake.

Miƙa musu hannu Lion ya yi akan su ba shi laptop na shi, ba musu suka miƙa mishi, can kasa kasa ya yi wa Brady magana a kan ya sauƙa mishi a jiki bari ya cigaba da aikin da yake yi, kin sauƙa ya yi tamkar bai ji ba, fita harkarsa ya yi ya cigaba da aikinsa, dan ba shi da lokacin biye mishi, haka suka zauna, ita da Areef suna hira kasa kasa, Lion yana aiki, Aseef yana latsa waya har aka kira sallar mangariba. Kusan a tare su ukun suka miƙe, ita kuma bata tashi ba, tana jiransu su fita tukunnan, dan kada ta yi ta karo da su. Har cikin ransa Lion ya ji daɗin ganin yadda gadonsa ya yi tsantsar kyau da bed sheet milk color, sai dai bai nuna a filli ba, toilet ya wuce ya ɗauro alwala ya fito, tsalle Brady ya fara yi a kan lallai sai ya bishi, bai musa ba ya ɗauke shi, da mamaki su Areef suke kallon shi ta ya za'ayi ya tafi da kare masallaci? Sai dai basu yi mishi magana ba.

Sai da suka fito palon kasa ya ce da Brady ɗin ya zauna yana zuwa, da kyar ya yarda ya zauna, su kuma suka nufi masallaci, suna fita ita ma ta miƙe ta fice zuwa nata ɗakin. A palon sama ta haɗu da Imran, "Yauwa Rimsha wajen ki zan je dama, zan je gida ni da Jelly, da naso mu tafi da ke, amma Areef ya ce a'a, dan haka ki kula da kanki sosai sai mun dawo". Okey ta amsa mishi da shi tare da yi mishi addu'ar Allah ya kaisu lafiya ya kuma dawo da su lafiya, Amin ya amsa da shi, ta wuce bedroom nata shi kuma ya juya ya koma kasa, har lokacin Jelly tana zazzaɓi, idan ta sha magani ya sauƙa, anjima kaɗan kuma ya sake dawowa, amma dole haka zai ɗauketa ba dan ya so ba, sai dan ya je ya amsa kiran iyayensa.

A ɓangaren su Lion kuwa, bayan sun yi sallar mangariba da issha, tsayuwa Lion ya yi a waje ɗan nesa da gidan nasu yana waya da Tga a kan idan ya sami sauƙi ya taho mishi da daddyn Rimsha nan Nigeria, shi kuma Aseef cikin gida ya je ya ɗauko mota ya fita, Areef kuma ya koma cikin gidan dan suje su ci abinci da Rimsha, ya ga kwana biyun nan tana barci da wuri, dan sabida school.

Yana shigowa gida Brady ya fara yi mishi haushin ina Lion, buɗe mishi gate ya yi tare da yi mishi nuni da hanyar in da Lion ɗin yake, da yake ya san su kamshi suke bi, tsab zai iya gano Lion ɗin, sai bai damu ba ya sake shi, da gudu ya fice abinsa, shi kuma Areef ya koma wajen Rimsha.

Yana zuwa ya haye jikin Lion ɗin yana wani kuka kasa kasa, shafa lallausan gashin jikinsa Lion ɗin ya fara yi yana cigaba da wayarsa, fita shi ma yake son ya yi, shiyasa bai koma cikin gidan ba, kuma ba da motar gida yake son fita ba, ya sanya a kawo mishi sabuwar mota, akwai abin da zai je dubawa ne da ya shafi aikinsa, sai dai fa da Rimsha yake son fitar, dan ita ce ta san abin da yake nema ɗin wadda bai bayyana shi ba, ko ina zasu je,? Shi ya barwa kansa sani.

Kamar daga sama ya ji an fisge wayar nasa, gently ya ɗago idanu, tuni ɓarawon ya watsa a guje abinsa, su biyu ne matasa, irin gayun nan ne masu yawo wando kugu a sake, da alama kuma suna ɗan taɓa shaye shaye, wani irin mahaukacin dirowa kasa Brady ya yi yana wani girgiza ya rufa musu baya, shi kam Lion gyara tsayuwarsa ya yi yana mamaki tare da tunanin wannan rayuwa, wai ace matasa yara masu jini a jika ba zasu je su nemi aikin yi ba sai su zauna sata?, Zuciya duk ta mutu, gaskiya wannan abin yana ƙona mishi rai, ya tsani ya ga mai matatciyar zuciya, ya fi son yaga kowa ya zama jarumi, ya tsayawa kansa har ma da wasu.

Brady kuwa haukata su ya yi, ko ban faɗa ba na san kunsan Brady mugu ne mafaɗaci, wannan wandon nasu da suke tafiya ƙugu a sake sai da ya zamo zuwa kafafunsu, dan kuwa duk da sun yasar da wayar Brady ɗin ya ɗauka, yaki barin binsu, sai haukata su yake yi ga wayar Lion ɗin a bakinsa ya riƙe gam, duk ya ruɗa jama'ar da suka biyo hanyar, ga shi bashi da tsoro ko kaɗan, baka isa ka razana shi ya gudu ba, sai dai ya kara haukata kai mai razana shi ɗin........

❤️❤️TRIPLETS❤️❤️

*Duk wace ta karanta mini littafina ba tare da ta biyani hakkina ba Allah ya isa ban yafe ba, sai Allah ya tsayar da mu ranar da bata da abin da zata biyani face ladarta*

Dedicated to A'isha Baita Jiddah💋

E37-38💋

A takaice dai sai dai Brady ya hautasu, har sai da suka bar layin baki ɗaya, ɗaya daga cikinsu ma har cikin kwata sai da ya faɗa, ga wando na faɗuwa, abin gwanin ban tausayi gwanin ban dariya, basu san cewa Brady ɗin ba zai cijesu ba, saboda akwai waya a bakin nasa, kawai bala'i ne irin nasa yasa ya wahalar da su ya ki kyalesu har sai da ya tabbatar da numfashi ma da kyar suke iya fitar da shi, sannan ya kyalesu ya dawo wajen Lion.