Triplets book 3 complete By teema princess - Chapter 89

Ɗaukarta ya yi cancak suka nufi saman bed yana tambayarta menene ya sameta. "Yaya Saif to ba kai ne ba?". Tsareta ya yi da idanu ba tare da ya sake yin magana ba. "Na ce maka ni bana son Mark ya rinƙa kawo mana abinci, zan je in rinƙa ɗaukowa, amma shi ne ka bari yanzu ma ya shigo mana da abincin, kuma ka ce ya zo ya kwashe kayan abinci, shiyasa na yi fushi kuma ba zan ci abincin ba". A tsananin shagwaɓe ta yi maganar, yanda ta yi maganar kuma dole shi ne ya amsa mata da okey ba dan ya so ba, saboda ta saukar mishi da kasala, ta sanya shi shiga cikin yanayi, ta rikita mishi kwakwalwa da shagwaɓar tata, uwa uba da ta kai karshen maganar sai da ta sanya ɗan bakinta a saman kumatunsa ta ɗan ciza dan ta huce haushi, hakan da ta yi ba ƙaramin kara birkita mishi lissafin ƙwaƙwalwa ta yi ba.

Saman bed ɗin ya sauketa tare da nufar toilet yana faɗin, to ta je ta ci abinci, Mark ba zai sake shigowa ba, shi zai ɗauko abincin da kansa tun da haka take so. Sosai ta ji daɗi, shi dai Lion akwai tsananin kishi, ba zai iya barinta ta fita ta keta cikin sojojin nan ta shiga kitchen wajen Mark ta ɗauki abinci ba, gara mishi Mark ɗin ya kawo mishi abincin kofar bedroom nasu shi ya fita ya karɓar, e lallai Rimsha ta ciri tuta ko a iya haka, dalilinta ne yau zai rinƙa karɓo musu abinci da kansa?!! Abin da mamaki, kishi dai yau ta yi amfani.

Wanka ya yi ya shirya cikin kayan barci ya zo ya kwanta tare da jawo wayarsa yana tunanin me zai hana ya fara bincike a kan Josephine yanzu tun da baya aikin komai?. Ita kuma abincin ta ci ta gama, sannan ta wuce toilet ta yi wanka tare da yin shirin barci sannan ta hau saman sofa ta kwanta sai zuba kamshi take yi, ga kayan barcin nata ma wasu irin kaya ne wanda suke ƴan sharara sharara marasa nauyi, riga ce mai ƙaramar hannu kamar na vest, sai dogon wando har kasa.

Har ta kwnata ta sake miƙewa ta feshe musu cikin bedroom ɗin nasu da air freshener mai bala'in daɗin kamshi wanda Lion ya ɗauko musu, bayan ta kammala ta zo ta kwanta a saman sofa, shi kuma Brady yana wajen Mark, dama shi yawonsa yake tafiya sai lokacin da ya ga dama yake shigowa, yau kam ma da gangan Mark ɗin ya rike shi su yi hira tare, dan yau ba'a gida suke ba, babu su Tyrone, ba abokan hira, shi ne ya rike Bradyn dan ya rage mishi kewa.

Yana ƙoƙarin miƙewa ya ɗauko laptop nasa dan ya fara bincikar tsakanin daddynsa da Josephine wai waye ne mai gaskiya a cikinsu? Wannan abin ya fara damun shi sosai gaskiya, yana da bukatar sanin gaskiya a yanzu kam. Bai kai ga miƙewa ba Malika ta fito a siffar dodo ta tsorata Rimshar, tana tsaka da tunanin Lion ɗinta kawai taga abu ya fito kamar wani shaiɗani ga kawo ɗaya a tsakiyar kai, idanu kamar zasu zazzago waje, wani mahaukacin ihu ta kurma tare da mikewa a guje ta nufi saman gadon, ta san dai duk wani bala'in da ya ta so Lion ɗinta ne kawai zai iya tare mata, shiyasa shi kaɗai take nufa idan wani abin ya taso.

Yana ƙoƙarin miƙewa ta haye jikinsa tana ihu, shi kuma bawan Allah bai ga komai ba, dan Malika wa iya Rimshar kawai ya fitowa, da yake tasan ba zasu ji ta ba, sai ta yi dariya tana faɗin "Ƴar kaniya kawai, zaki wani zo ki kwanta a saman sofa ki bar mana angon mu shi kaɗai a saman gado, wato baki ji nasihar Akila ba kenan? Mu samu da kyar mun tayaki yaki a kan soyayyar taki ne har kika samu nasara shi ne kike kokarin watsa mana kasa a idanu ki ruguje komai ta hanyar yin nesa da shi ko? To mu zuba da ni da ke ƴar nema". Ta kai karshen maganar tare da kwashewa da dariya sannan ta ɓace ɓat kamar wata walkiya.

Ita kuwa Rimsha ta kankame shi sosai tamkar zata koma cikin jikinsa, sai ihu take kurmawa kamar ba lafiya ba, su kansu sojojin Lion ɗin sai da suka yi mamakin irin ihun da take yi, yarinya kamar kanta akwai motsi, basu san cewa Malika ce ke yi mata tsiya wani lokacin ba, ta razanata tasa ana yi mata kallon mahaukaciya ko tana da matsala a kwakwalwa.

Ganin yanda jikinta yake kerma sosai ga kuma kuka da take yi ne yasa ya ɗago kai dan ya ga ko dai Brady ne ya tsoratata, bawan Allah shi bai ga komai ba, ɗago haɓarta ya yi dan ya rarrasheta ta yi shiru ta gaya mishi menene, amma ina ta ki yin shiru, dan fa ba karya ta tsorata iya tsorata, irin wannan halitta da daddare haka ya fito maka ba tare da ka shriya ba, dole kwakwalwa ta juye.

Sai ambatar sunanta Meesha yake yi, amma ina sam bata jin shi, sai ihu sosai take yi, hakan yasa ya haɗe bakinsa da nata dan ya sata ta yi shiru, kara kankame shi ta yi tana jan numfashi da kyar da kyar. Sai da ya tabbatar da ta sami natsuwa ta yi shiru sannan ya saketa yana mai ɗago haɓarta, ta runtse idanu gam hawaye na zuba daga idanun nata.

"Meesha why are you crying?" Cikin kuka murya a dashe ta fara magana da kyar da kyar "Yaya Saif dodo na gani fa". Sake ɗago idanu ya yi yana bin ɗakin da kallo, ganin ba komai ne yasa ya fara tofa mata addua'o'i kawai, dan a tunaninsa tsorata ta yi, dama ya san ta da shegen tsoro, ga shi kuma ta ga a cikin ruwa suke, kila ta fara barci ne ta yi mafarkin sun nitse cikin ruwa, shi ne ta farka take yi mishi ihu wai dodo ta gani, ko a ina taga dodon ƴar rigima kawai, haka yake ta tunani a ransa.

Yana tofa mata addu'a yana shafa bayanta a hankali hankali alamar ta yi barci to.

❤️🔥❤️🔥❤️🔥❤️🔥❤️🔥❤️🔥🔥❤️🔥❤️🔥❤️🔥❤️🔥❤️🔥❤️🔥❤️🔥❤️❤️🔥

KINDADE KINA NEMAN ABUN DA ZAI SANYAKI QIBA,QIBA MEKYAU KIYI DIMIMI DUK INDA KIKA SHIGA BABU RAINI KINYI TA SIYA KINA ASARAR KUDINKI🤔 ALBISHIRINKI NAZO MIKI DA ABUN DA ZAKISHA BA TARE DA KINYI ASARAR KIDINKI BA 💃 Yana da matiƙar kyau sosai ko'ina naki zai chiko ki xama abar sha'awa duk mai buƙata ta nemeni ta wannan number 09067614054, kada ki bari ayi babu ke, kayanmu tested and trusted ne, guarantee ne.

KINDADE KINA NEMAN ABUNDA ZAI SANYA KISAMU XAMAN LFY TARE DA KWANCHIYAR HANKALI? TO BABYN HABIBI KIXO UMMU AFFAN TAXO MIKI DA SHAHARARRUN KUMA INGANTATTUN MAGUNGUNAN MATA, KAMA TUNDAGA KAN HUMRA, TURAREN WUTA, INFECTION KILLER, COLACCA, SAI KAYAN GYARA PAGE. KACA KACA. YALLAGWADA. JIGIDA. RUWA RUWA. BANI BANI. WOMEN JELL BATA BATA. DAFIN KAXA. TANTABARA. XABUWA. CICCIƁI. AND EXCLUSIVE, XUMA TASTED AND TRUSTED INA FARIN CHIKIN SANAR DA KU MUN FARA RAMADAN PROMO GAME BUQATA XA A IYA TUNTUBA NA TA WANNAN NUMBER 09067614054 JIGAWA STATE MUNA AIKAWA KO'INA CIKIN AMINCI DA YARDAR ALLAH, BABYN HABIBI KARKIMANTA DA KAYANMU FIRST CLASS NE, DAGA KANSA AN RUFE KOFA, YANA DA INGANCI NA WUCE TUNANINKI.

❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥

❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥

TSARAWA DA RUBUTAWA......✍️

👊FATEEMA ZAHRA MUSA (PRINCESS TEEMA OR STAR LADY)✊ 71-72

*Domin samun karanta littafin nan daga farko har karshe zaki iya nemana ta wannan number 09162620621*

Zuba musu idanu gabaɗayansu Lion ya yi yana karantar face ɗin kowa, dukkansu babu wanda alamar rashin gaskiya yake a tattare da shi, wani irin azababben tari da Akilar ta fara yi ne ya sanya Lion ɗin dawo da kallonsa a kanta, gabaɗaya hankalin kowa ya dawo kanta, dukkansu sun yi shiru suna sauraron su ji me Lion zai ce kuma, shi dai daddy ya yi iya yinsa a matsayinsa na likita shiru, shi ma Areef ya jarraba, amma poison ɗin ma karuwa yake yi sosai.

Almost 2 mins Lion yana kare mata kallo kafin calmly ya ce "Areef kwance mata chain ɗin nan da yake wuyarta ka saka mini shi a cikin ruwa". Miƙawa daddyn Rimsha wayar tasa ya yi a kan ya rike mishi da kyau ta yanda Lion ɗin zai ji daɗin ganin abin da suke yi, matsowa kusa da ita sosai ya yi tare da sanya hannunsa ya ɗan ɗago kanta yana furta Bismillahirrahmanin a cikin zuciyarsa, gabaɗaya sun zaro idanu suna ganin ikon Allah. "John help me with water inside bowl". Cewar Areef ɗin, ya yi maganar yana cire mata chain ɗin.

A sukwane John ya nufi hanyar fita, dakatar da shi Lion ya yi tare da cewa Aseef ya tashi ya kawo ruwan ba John ba, da mamaki su daddyn Rimsha suke kallonsa, me Lion yake shirin aikatawa kenan? Menene yake faruwa? Tambayoyin da suke yi wa kansu kenan.

Shi ma Areef ya ɗan yi mamaki, amma sanin halin ɗan uwan nasa yasa bai wani damu ba, yasan komai sai da dalilin Lion yake yin shi, kuma tun da ya ji haka to fa akwai matsala kenan.

Kallon daddyn Rimsha Areef ɗin ya yi tun bai yi magana ba daddyn ya fara ƙoƙarin tashin Aseef ɗin a kan ya tashi ya kawo ruwa, kasa tashi ya yi dan gabakiɗaya ilahirin jikinsa ya mutu, sai kerma kamar mai zazzaɓi jikin nasa yake yi, ko motsi ba zai iya yi ba, shi kaɗai yasan me yake ji bawan Allah, tabbas idan Akila ta mutu Aseef zai bita, domin kuwa son da yake yi mata ya wuce gaban misali.

"Lion Aseef fa ba zai iya kiƙewa ba". Areef ya faɗa yana ƙoƙarin sauka daga gadon hannunsa rike da chain ɗin da ya kwance daga wuyar tata. Shiru Lion ɗin ya ɗan yi na tsawon 3 mins kafin ya ce "Okey keep the chain behind this your uncle, then ka je ka ɗebo ruwan because da kai da Aseef all abu ɗaya ne". Okey ya amsa mishi da shi tare da ajiye chain ɗin a bayan daddyn Rimsha saman bedside drawer kenan, da yake daddyn yana ta gaban bedside drawer ne saman sofar dake kusa da gadon.

Ruwa ya je ya ɗebo a bowl tare da dawowa cikin ɗakin, kafin ya dawo Lion ya ce da daddynsa ya fara treating na Akilar yanzu za su iya shawo kan matsalar, ana cire mata chain ɗin ta sume a wajen har lokacin kuma bakinta na fitar da kumfa mai haɗe da jini, ba ɓata lokaci daddy ya fara ƙoƙarin ceto rayuwarta, shi kuma Areef ya zo ya sanya chain ɗin a cikin ruwan da ya kawo, kafin ya sanya sai da ya furta Bismillahirrahmanin rahim a cikin ziciyarsa sannan ya saka chain ɗin, da wuya Areef ya yi abu ba tare da sunan Allah a bakinsa ba bawan Allah, komai zai yi sai ya ambaci mahaliccinmu.

Wani irin ajijiya ruwan robar ya yi tare da fallatsuwa sama tamkar an watsa shi, sannan ya koma cikin robar babu ko ɗaya da ya ɗiga a kasa duk irin tashi sama da ya yi, duk cikin ɗakin sun yi matukar tsorata ban da daddyn Rimsha da yake dake yana furta sunan Allah, shi kansa Lion da yake kallonsu sunan Allah ya furta a cikin zuciyarsa, dan kuwa wannan abin sai Allah ne kawai zai iya kare bawansa daga sharrinsu.

Suratul Aaraf Areef ya fara karantawa a cikin ziciyarsa yana mai cigaba da kallon ruwan yanda yake wani irin juyawa da karfi karfi yana fitar da kumfa tamkar mutum ya ci guba, tsit ɗakin ya yi daddy yana ta ƙoƙarin ceto rayuwar Akila, ya ɗan tsaga wutarta kaɗan dan ya samu aikinsa ta yi mishi cikin ƙanƙanin lokaci, idan ba haka ba tana iya mutuwa nan take.

Areef bai matsa daga wajen ba, yana dake yana kiran sunan Allah har sai da ruwan nan ta gama ajijiyarta bakiɗaya ta koma ta natsu tsin, chain ɗin ya kwanta a kasar ruwan, juyowa ya yi yana kallon Lion da ya zuba musu idanu yana kallonsu.

"Waye ya bata wannan chain ɗin?!". Cewar Lion ɗin, ya faɗa a tsawace, ya yi maganar kuma yana mayar da kallonsa a kan Brady da ya shigo yanzu yana ƙoƙarin haukata Rimsha, ya kawo mata wayar Mark ne, ya je ya sami Mark ɗin yana kallon hoton Anaya, shi ne ya kwace wayar ya kawo mata ta gani, dan yasan a wayarta kawai ya taɓa kallon hoton Anaya ɗin, ita kaɗai ya taɓa gani tana kallon hoton, to yau kuma sai ya ga Mark yana kallo, shi ne ya kwace wayar ya kawo mata, ita kuma ta yi muguwar tsorata na hawa jikinta da ya yi yana miƙa mata wayar ta ɗauka cizonta zai yi.

Da gudun gaske ta miƙe daga saman table ɗin ta haye saman bed ɗin wajen Lion tana kuka kasa kasa. Sam bai ji komai ba ko a jikinsa su daddy su Jehan duk suna kallon shi ta cikin camera ya runhumeta yana ɗan bubbuga bayanta, jin kukanta yasa dukka suka ɗago suka zubawa wayar idanu, harta Jehan ɗagowa ta yi cikin sauri dan ta kalli me ya sami ƴar uwar tata take kurma ihu haka, shi ma daddynta ɗagowa ya yi yana kallon wayar da yake Areef ya karɓi wayar dan ya nunawa Lion ɗin yanda chain ɗin ta koma.

Ganin ta haye jikinsa tana kuka ne yasa suka saki baki har su John suna ganin ikon Allah, shi ma daddynta dai mamaki ya yi, har da kara waro idanu yana kallon shin wai da gaske ne Rimsha ce ta haye jikin Lion har haka? To me ya tsoratata da ta hau jikinsa haka? Shi ne abin da daddynta yake tambaya, haurowar Brady saman gadon ne yasa suka fahimci dalilin yin ihun nata da kuma kukan da take yi yanzu.

"Areef i said waye ya bata chain ɗin nan?". Yana magana yana cigaba da bubbuga bayan Meeshar tasa dan ta yi shiru, ya kara ɗaure fuska sosai, sam babu alamar wasa a tattare da shi, nan take kowa dake kallonsa ya sha jinin jikinsa, duk suna tunanin waye ya bata chain ɗin, dan kuwa wannan kara ɗaure fusataccen fuskar nan nasa da Lion ya yi da alama za su ji ne a jikinsu.

"Lion i don't know, ita kaɗai ce zata bamu wannan amsar". Cikin rawar murya John ya amsa da "Ni na bawa Aseef ya bata". Tashin hankali, ya zaɓi ya bada masa ta gaskiya ce, dan kuwa yasan Lion dai ba'a yi mishi karya kuma baka isa ya ɓoye mishi abu ba, idan ma kayi kuskuren yin hakan to ka kwana da shirin tabbas zai gamo koma me ka ɓoye, idan kuma ya gano da kansa to fa zai ninninka maka hukuncin ne a kan wanda ya yi niyar yi maka a baya.

A razane gabaɗaya ɗakin suka mai da kallonsu a kan John ɗin, cikin tsawa tare da ɓacin rai Areef ya ce "Kai ne kenan kake son kashe mini my pleasure? Dan ba matarsa zaka kashe ba, shi zaka kashe, saboda idan ta mutu shi ma ba zai rayu ba!!". Ya kai karshen maganar tare da nufar John ɗin gadan gadan, da karfin gaske ya damko wuyarsa ya shaƙe shi yana faɗin "Before ka kashe shi ni bari na kasheka!!".

Tsawa Lion ya daka mishi yana faɗin ya sake shi, da mamaki ya juyo da ash eyes nasa da suka rikiɗe suka yi jawur Saboda tsantsar ɓacin rai. "Lion cewa fa ka yi na sake shi? Heartbeat namu fa ya yi ƙoƙarin hallakawa, a haka zan kyale shi?".

"Areef i said ka sake shi, calm down mana, ya kamata a ko da yaushe ka yi aiki tamkar jami'i ba mutun kamar kowa ba!". Ciza laɓɓansa ya yi da karfi tare da furzar da iska mai tsananin zafi daga bakinsa, ba haka ya so ba, ya so ne yau ya kashe John da hannunsa, amma tun da Lion ya ce ya sake shi yasan akwai dalili, dan haka sai ya sake shi ɗin yana wani huci tamkar shi ma John ɗin ba ɗan uwansa bane, su dai su ukun nan sune kawai ƴan uwa, a kan junansu zasu iya kisan kai!.

Ita kuma Rimsha jin maganar Areef ne yasa ta ɗago kai daga saman kirjin nasa tana kallon wayar hannunsa, ganin su daddynta bakiɗaya a wajen ne yasa ta yunkura ta gyara kwanciyarta da kyau a saman kirjin nasa tana kallon daddyn nata, shi ma ita yake kallo tamkar ya sa hannu ya jawota ya rungume, tana son ta yi musu magana, amma ba hali domin Lion yana magana da Areef, ba su isa su saka musu baki or su yi wata magana ba har sai sun kammala, ɗagawa daddyn nata hannu kawai ta yi tana sakin kayatatcen murmushi.

Sam daddy bai murmusa ba, dan suna cikin tashin hankali, ta yi mamakin ganin daddyn nata bai yi murmushi ba, Baiwar Allah bata san me yake faruwa ba.

"John who give you this chain?". Cewar Lion, Bawan Allah ya ji shakar manya, tuni ya jiyo kamshin mutuwa, har wani jawur idanunsa suka yi yana fitar da kwallah.

Da kyar ya iya buɗe baki ya ce "Jo....sep....hine ne ta bani su guda uku a kan na bawa matar Michael da kuma wannan da take kusa da kai sai wannan ɗayar." Ya kai karshen maganar tare da nuna Jehan, da kyar ya iya furta sunan Josephine ɗin saboda wani irin azababben shake mishi wuya da aka yi, ji ya yi tamkar ana zare mishi jijiyoyin wuyar nasa, wannan ma dan Allah yasa suna tare da Musulmai ne a cikin ɗakin, da su kaɗai ne kila kashe John ɗin za'ayi. BABBAR MAGANA WANNAN SHI NE TASHIN HANKALI, JOSEPHINE KUMA? TO A INA TA SAN SU AKILA? WAYE YA GAYA MATA ƳAƳAN NATA SUN YI AURE? ME HAKAN YAKE NUFI? WANNAN SHI NE CAKWAKIYA, SHI WAI A TSAKANIN JOSEPHINE DA WILLIAM WAYE MAI GASKIYA NE? MU DAI JE ZUWA.

"Areef ku bashi ruwa ya sha". Cewar Lion, da sauri Jay ya ɗauko ruwan daga cikin fridge ya kawo musu, a cikin zuciya Areef ɗin ya yi bismillahi tare da yin tamkar zai sha ruwan ya tofa ayoyi biyar na farkon suratul baƙara ba tare da sun ankara ba, sannan ya bawa John ɗin dan ya sha, abin da yasa ya yi hakan saboda kowa da yake cikin ɗakin ya lura da irin mawuyacin halin da John ɗin ya shiga na shake shi da aka yi lokaci guda, so shi ne ya taimaka mishi dan su sami abin da suke so.

Kowa da yake wajen ya shiga tashin hankali jin cewa daga wajen Josephine sarkar ta fito, shi kuwa Lion ko a jikinsa, kallon Areef ya yi yana faɗin "Why kake magana da ita a ɓoye ba tare da na sani ba? Kana tunanin na zan gane ba ko?". Ya yi mishi magana ta sigar da ba wanda zai gane nufinsa, dan ya yi maganar ne a matsayinsu na jami'ai wanda ko daddynsu bai gane me ya ce ba, saboda ba baki da baki ya faɗa ba, da laɓɓansa kawai ya motsa suka yi ƴar kurma, da yake Areef ɗin yana kallonsa.

Shi kuwa daddynsu jin John ya ce Josephine ce ta bada chain ɗin ba ƙaramin razana ya yi ba, saukowa kasa daga saman gadon ya yi yana mai kara tambayar John ɗin wace Josephine? Kuma a ina ya ga Josephine ɗin?. Katsesu Lion ya yi da cewa "Its okey dad, komai ya wuce, ni zan yi bincike a kai, dan haka kada ku sake tambayar John, kada wanda ya sake tayar da maganar nan, Areef go out let's talk".