Triplets book 4 Complete - Chapter 29

Sun ɗauki tsawon lokaci suna tofa mata addu'a, amma ko motsawa bata yi ba. Abin ya ɗan bawa daddynta mamaki, sai dai bai bayyana hakan ba, ya dai cigaba da yi mata topin kawai. Daga karshe Brr Naurat ta ce su barta kawai, zuwa gobe da safe In Sha Allah sai a kirawo su Imran a waya, su dawo gida a san abin yi.

Okey suka amsa mata, shi dai daddynta ya amsa ne kawai saboda mahaifiya ba wasa ba, basu ja da maganarta, amma ba dan haka ba, a daren nan ya so ya ɗauketa su je neman magani, dan abin ya ɗaga mashi hankali!!, Barema yanda ya ga fuskarta ta kara wani irin haske, ita da take chocolate color, to ta kusa kai Jehan haske a yau, ga face ɗin nata ya ɗan kunbura kaɗan, abin dai ba'a cewa komai, tana a cikin matsala ainun.

Da haka suka koma ɗakunansu, ita kuwa Brr Naurat ta gyarawa Rimshar kwanciya tare da rufa mata bargo, sannan ta ce gwaggo ta koma ɗakinsu Rimshar ta kwana da Jehan, su barta da Rimshar a nan.

Okey gwaggon ta amsa tare da cewa "Zan je ɗakin Saif na kwana kawai, kyale Jehan ɗin nan, ba zan iya rigimarta ba yau ɗin nan, dan sam yau bana jin daɗi". Ta kai karshen maganar tare da nufar kofar fita.

Kiranta Brr ɗin ta yi a kan ta dawo. Ba musu ta koma ta zauna, nasiha mai ratsa jiki Brr ɗin ta yi mata, dan tasan cewa ba wani rashin jin daɗin jikinta da take ji, kawai tunanin TRIPLETS nata ne ya sakata a gaba, ba dan Brr ɗin ma tana yi mata faɗa da nasiha a kullum ba, ai da abin sai ya fi haka. Sosai ta ji nasihar mahaifiyartata, ta kuma yi alkawarin In Sha Allah zata cire damuwar a ranta, za kuma ta kara tsananta masu addu'a sosai. Da haka suka yi sallama, ta wuce ɗakin Lion dan ta kwanta, ita kuma Brr Naurat ta gyara ta kwanta a kusa da Rimshar, baiwar Allah sai barci kawai take ta zubawa ba ci ba sha.

A ɓangaren Daular Mutuwa kuwa.

Sunci bakar wahala na kin karawa, sun azabtu kafin nan su kai wajen da Dr Salman ya ce masu hanyar take. Sai dai kuma ko da suka je wajen babu wata hanya a wajen, wayam wajen take.

Jugum jugum suka tsaya suna mayar da numfashi, ga kuma gine ginen gidan cigaba da rugujewa yake yi, idan har basu hanzarta nemo hanya ba, to har in da suke ma sai ya ruguje ya rufta da su.

Sauke Ayla daga bayansa Areef ya yi, sannan ya fara kewaye a wajen yana nema masu ko da akwai wata makama da zata nuna da alamar hanya ta sama ko ta kasa a wajen.

Ita kuwa Aylar, yana sauketa ta zube kasa a saman gwiwowinta, cikinta ne yake wani irin murɗa mata, tamkar cikin yana son fita daga jikinta ne, ta wahala ne aihun.

Sauke Akila shi ma Aseef ya yi, ita ma yana sauketa ta zuba kasa a saman gwiwowinta, tana mai da numfashi. Shi ma Dr Salman zama a wajen ya yi, saboda wajen tiles ne fari tas da shi, babu alamar kazanta a wajen.

Ganin hakan yasa duk sauran jama'ar da suka biyusu, suma sai suka zauna a kasa a wajen ɗin kawai.

Wasa wasa cikin Ayla na kara tsananta mata ciwo, tun tana dannewa har ta fara ruwan hawaye, sam Areef ko Aseef babu wanda ya lura da halin da take a ciki, sun tafi dubawa ko za su ga hanya a wajen.

Da AKILA ta ga yanda ta dafe cikin nata tana murkusoso, sai ta daure ta matso kusa da ita, cike da kulawa ta rungumota, daman kunsan ita Akila akwaita da son ƴan uwanta da dangi, tana da tausayi sosai. Haka ta rungumo Aylar tana tambayarta meyake damunta take kuka.

Kasa yin magana ta yi, Dr Salman ma matsowa kusa da ita ya yi, sun zaci wahalar hanya ce, sai suka fara ƙoƙarin rarrashinta. Sai kuma me, jini suka fara gani ya fara bin kafafunta. Sosai Akila ta tsorata, hakan yasa ta zunduma ihu tana faɗin "Heartbeat jini, jini matar bappa Maik take zubarwa sosai". A tsananin rikice ta yi maganar, saboda bata taɓa ganin jini na fita dayawa daga jikin mace har haka ba, shi ne abin ya tsoratata.

A tare Aseef ɗin da Areef ɗin suka juyo da kallonsu a kansu, da yake shi Areef ya fi su tausayi, a dubu ɗari ya nufo in da suke, dan ya duba me matsalar. Sai dai kuma bai kai ga karisowa ba, a dai'dai tsakiyar wajen, filin ta ɓurma da shi ya zurma kasa. Tashin sense, shikenan Areef ya rufta!.

Kafin Aseef ɗin ya yi wani yunkuri, ilahirin wajen gabaɗaya ya fara wani irin jijjiga yana ƙoƙarin ruftawa da su.........

❤️🔥❤️🔥❤️🔥❤️🔥❤️🔥❤️🔥🔥❤️🔥❤️🔥❤️🔥❤️🔥❤️🔥❤️🔥❤️🔥❤️❤️🔥

*KINDADE KINA NEMAN ABUN DA ZAI SANYAKI QIBA,QIBA MEKYAU KIYI DIMIMI DUK INDA KIKA SHIGA BABU RAINI KINYI TA SIYA KINA ASARAR KUDINKI🤔 ALBISHIRINKI NAZO MIKI DA ABUN DA ZAKISHA BA TARE DA KINYI ASARAR KIDINKI BA 💃 Yana da matiƙar kyau sosai ko'ina naki zai chiko ki xama abar sha'awa duk mai buƙata ta nemeni ta wannan number 09067614054, kada ki bari ayi babu ke, kayanmu tested and trusted ne, guarantee ne*.

*KINDADE KINA NEMAN ABUNDA ZAI SANYA KISAMU XAMAN LFY TARE DA KWANCHIYAR HANKALI? TO BABYN HABIBI KIXO UMMU AFFAN TAXO MIKI DA SHAHARARRUN KUMA INGANTATTUN MAGUNGUNAN MATA, KAMA TUNDAGA KAN HUMRA, TURAREN WUTA, INFECTION KILLER, COLACCA, SAI KAYAN GYARA PAGE. KACA KACA. YALLAGWADA. JIGIDA. RUWA RUWA. BANI BANI. WOMEN JELL BATA BATA. DAFIN KAXA. TANTABARA. XABUWA. CICCIƁI. AND EXCLUSIVE, XUMA TASTED AND TRUSTED INA FARIN CHIKIN SANAR DA KU MUN FARA RAMADAN PROMO GAME BUQATA XA A IYA TUNTUBA NA TA WANNAN NUMBER 09067614054 JIGAWA STATE MUNA AIKAWA KO'INA CIKIN AMINCI DA YARDAR ALLAH, BABYN HABIBI KARKIMANTA DA KAYANMU FIRST CLASS NE, DAGA KANSA AN RUFE KOFA, YANA DA INGANCI NA WUCE TUNANINKI*.

❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥

https://whatsapp.com/channel/0029VaMOfZZI7BeKXPU9gK2S

❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥❤️🔥

TSARAWA DA RUBUTAWA......✍️

❤️FATEEMA ZAHRA MUSA (💫PRINCESS TEEMA💋)

*Domin samun damar karanta littafin nan daga farko har karshe zaki iya nemana ta wannan number 08161390581*

E16

Date: 26/4/2024

Kafin Aseef ɗin ya yi wani yunkuri, ilahirin wajen gabaɗaya ya fara wani irin jijjiga yana ƙoƙarin ruftawa da su.

Da Aseef ɗin ya ga haka, sai ya yi amfani da nasa tunanin, cikin ƙanƙanin lokaci ya binciko ƴar hanyar da take a wajen, a hanzarce yasa karfi ya buɗe kofar hanyar, ta cikin kasa take. Ya sha bakar wahala kafin ya buɗe masu, sannan ya ce su zo su fita ta wajen.

Ayla ba zata iya miƙewa ba, dan haka sai ya kamata ita da Akila da Dr Salman, ya ce da sauran mutane kuma su bi ta hanyar su tafi.

Da sauri suka fara dira a hanyar, shi kuma sam bai ji kyamar jinin dake jikin Ayla ɗin ba, ya ɗauketa cak, ya goyata a bayansa, da kyar ta iya ruke wuyarsa, saboda tsananin azabar da take ji. Haka ya riko hannun Heartbeat tasa, sannan ya ce da Dr Salman ma ruke ɗayar hannun Heartbeat, komai zai faru kada su yarda su sake hannun juna.

To suka amsa mashi da shi. Da ɗan ɗaga murya ya ce duk su rufe idanunsu, dan yasan halin AKILA sarai, yanzu idan taga ta in da zasu faɗa, to haukace masu zata yi, ga shi ba damar ya goyata, saboda Ayla tafita bugatar taimako a halin yanzu.

Suna rufe idanunsu, ya jasu da karfi, gabaɗaya suka tafi suka faɗa ta in da Areef ya faɗa. Suna faɗawa bai fi da minti biyu ba, gabaɗaya ginin dake wajen ya ruguje ruguzum.

Suna faɗawa basu sauka a ko'ina ba sai a ainahin cikin fadar Queen da suka kwashe tsawon kwanaki suna ne ma, ashe su suna a sama da fadar ne ma, fadar tata tana a cikin kasa.

Suna dira a tsakiyar fadar, cikin hanzari ya sauke Ayla dan su dubata, su ceci rayuwarta, bai ma lura da cewa a fadar Queen suke ba. Sai bayan ya sauke Ayla ɗin ne ya ɗago kansa da nufin ya ce da Akila ta bashi ɗankwalin kanta.

Yana ɗago idanu suka yi ido huɗu da Lion da yake zaune a saman kujerar mulkin Queen ɗin. A dubu ɗari ya ɗago kan nasa da kyau, dan ya kalli shin abin da yake gani gaskiya ce.

Ba shakka Lion ɗin ne yake zaune kamar yanda ya gani tun farko, gabaɗaya jikinsa duk jini, da alama ya sha gwagwarmaya ba kaɗan ba, ya jingina kansa da jikin head na sofar, sai sauke numfashi yake yi a hankali hankali, yana wani irin nishi, alamar ya gaji over, daga hannunsa, kirjinsa, fuskarsa wajen kumatu, dukka jini ne ya ɓata shi, babu riga a jikinsa, ainahin kakkarfa kuma kyakkyawan surar jikinsa na cikakkun jaruman maza a bayyane, sai binsu da blue eyes nasa kawai yake yi abinsa.

A dubu Aseef ɗin ya miƙe tsaye yana kallonsa da kyau, a hankali ya fara bin cikin fadar da kallo. Can ya hango ƴar Queen ɗin a ɗaure da sarka, Lion ya yi mata ɗaurin goro, ita kuma Queen ɗin tana kwance flat a tsakiyar fadar, tamkar gawa, ko motsawa bata yi, da alama rai ya yi halinsa ne, ga kuma hannunta ɗaya babu shi, da alama Lion ya sare mata hannu ɗaya ne, alamu sun nuna ba karamar faɗa suka gwabza a tsakaninsu ba, dan kuwa sun ruguje komai na cikin fadar, babu abin da ya rage mai amfani a cikin fadar.

A hanzarce ya nufi Lion ɗin, tsabar a galabaice Lion ɗin yake ya kasa tambayarsa meya kawo shi nan? Ya aka yi kuma ya zo? Ya sha mamakin ganinsa sosai, sai dai ba zai iya yin wani magana ba.

Bai kai ga karisawa wajen Lion ɗin ba, sai ga Areef ya fito daga wata ɗaki dake a cikin fadar, hannunsa na ruke da wasu kyallaye farare guda biyu. Wajen Lion ɗin ya kariso yana faɗin "Saif bari na ɗaure maka hannun nan naka dake zubar da jini da wannan tsummar, sai na ɗaukeka mu fita daga wajen nan, idan ba haka ba, duk zamu mutu, kasan dai gabaɗaya gidan nan rugujewa zai yi ko? Tun da dama mafiya yawan ɓangarorin gidan ba ginasu aka yi ba, da tsafi aka yi su, to yanzu mai tsafin ma ta mutu, kaga suma dole ne su mutu, dan haka ka yi sauri muje". Ya kai karshen maganar yana karisowa kusa da Lion ɗin sosai.

Ɗaga mashi hannu Lion ɗin ya yi, alamar baya da bukatar a ɗaure mashi hannun nasa, ya bar mashi abinsa. Bai yi ja in ja da shi ba, sai ya bar mashi, dan yasan ba zai ce a bar mashi hannunsa jininsa na zuba haka kawai a banza ba.

Da kyar Lion ɗin ya yunkura ya miƙe, wani irin jiri yake kallo, yau tsawon kwanaki bai ci komai ba, sai gwabza yaki yake yi da mukarraban Queen har ya iso gareta, shi ne yasa ya galabaita sosai, kuma ko da ya iso gareta, ba ƙaramin yaki suka yi da ita ba, ta wahala shi ma ya wahala kafin ya samu ya kasheta.

Na san zaku so jin ya akayi hakan ta faru, to ku saurara. Shi Lion already ko da ya shaki kamshin turaren da Queen ɗin ta shaka masu a gidanta, to shi bai suma ba, saboda askar na safe da ya yi, askar na safe idan ka nutsu ka yi shi, Ubangiji ya yi alkawarin Mala'iku ne zasu kula da kai, babu abin cutarwa da zai sameka har izuwa maraice, idan ka yi na maraice, to Mala'ikun zasu sake kulawa da kai har izuwa gobe da asuba, wannan faɗar Allah da manzonsa ne, kuma ya yi karatun Alkur'ani mai girma sosai kafin ya baro gida, sannan ya yi adduo'i ba kaɗan ba, dan yanda yaga Rimsha ta rikice, sai ya ɗauki abin serious, shi kuma Areef da yake bai san ya Daular Mutuwa take ba, tun da Rimsha ba matarsa bace, bai san halinta ba, sai bai ɗauki abin serious ba, bai yi wani addu'a ba, shi dai ya saɓi jaka kawai, ya lodi kaya kamar wanda zai je honey moon da matarsa, to a takaice dai shi Lion ko da ya shaki kamshin turaren, bata yi mashi komai ba, ya kwanta ne shiru kawai tamkar ya suma, dan yana son shigowa cikin Daular Mutuwar ta kowace hali, a tunanin Queen, ita ce ta yi wasa da kwakwalwarsu, ta kuma kafa masu tarko, ta yi nasara suka faɗa, bata san cewa ita ta faɗa tarkon ba, ba ita ta kamasu kamar yadda take tunani ba, Lion ne ya kamata a cikin tarkon nata da ta kafa masu da kanta, wasa da tunaninta sosai ya buga, bata taɓa tunanin hakan zai faru ba.

Lokacin da ta rufe shi a ɗakin duhu, ta kuma daure shi, duk yana jinsu, yana a cikin hayyacinsa, ya yi masu abin da zaki yake yi idan zai farauci abinci ne, kwanciyar ɗaukar rai ya yi masu, abin da basu taɓa zata ba. Waɗan nan sarkokin da suka ɗaure shi dai, already kun san sarkokin tsafi ne, dan haka yana karanta masu Alqur'ani mai girma, duk suka ruguje, suka zama gari, sai dai ya sha bakar wahala sosai kafin ya fita daga cikin ɗakin duhun.

Yana fita kuma bai nemi kowa ba, sai ita Queen ɗin, sam bai nemi ina su Areef suke ba, dan yasan idan ya kamata to tamkar ya gano dukkan in da ƴan uwansa suke ne, saɓanin shi Areef da ya tashi sai ya fara neman Lion ɗin, da yake kowa da irin kaifin kwakwalwarsa da tunaninsa, kuma babba kam ko da minti ɗaya ya fika, to ko yaya babba ne, ya fika, shi ne yasa Lion ɗin ya fisu hangen nesa, dan ya fisu a komai.

Yasha bakar wahala sosai a wajen neman Queen ɗin, ya yi faɗa da mukarrabanta sosai. Tsawon kwanaki yana nemanta, a hanyarsa na neman nata ne ya kashe su barbushi, ya yi nasarar kashesu ne da taimakon Allah.

Haka ya yi ta fama har ya gano in da shegiyar fadar tata take.

Time da ya shigo fadar, babu kowa a ciki sai ita da ƴarta, duk ta tura mukarrabanta domin su kamo mata su Areef, bata san shi ma Lion ɗin ya fito ba, da taimakon sunan Allah ya ɓacewa idanuwan tsafinta, hakan tasa bata ga fitowarsa ba.

Tana ganinsa ta miƙe, da tsafinta ta yi ƙoƙarin damko wuyarsa ta janyo shi, dan ta hallaka shi.

Already kafin ya shigo cikin fadar tata da bismillah ɗauke a bakinsa ya shigo, dan haka sai ta kasa kama shi ɗin, ta yi ta faman gwadawa, amma ina takasa. Shi kuma yana tsaye gam, kamar wani jarumin sadaukin yaki.

Ganin ta kasa saka hannunta a jikinsa ne yasa ta fara ƙoƙarin tura mashi kayan tsafe tsafenta, dan su illatar da shi, to a nan ne aka samu wannan fashe fashen kaya da suka rinƙa yi a cikin fadar, sai da ta fasa komai nata da kanta.

Da ƴarta ta ga haka, sai ta yi ƙoƙarin tayata yakin, shi kuma Lion ya ɗauko wani wuka dake a wajen ajiye wukakensu, wuka ce mai tsananin kaifin gaske, ya yi amfani da ita ya sarewa Queen ɗin hannunta na dama ba tare da ta ankara ba, ya cire mata hannun tun daga sama wajen shoulder ta.

Yana datse hannun nata ya kai hannunsa ya cire zobben dake a jikin babbar yatsarta, wannan zobbe ba komai bane face karfin tsafinta, shi ne karfinta da komai nata, idan babu shi, to ita ba koman komai bace, already dama yasan da irin wannan zobbe, duk wasu cikakkun matsafa suna amfani da wannan zobbe, duk matsafan da basu da shi, to da sauransu, har yanzu basu kai shegu ba, akwai wata kungiyar matsafa da ya taɓa tarwatsawa a New York, suma haka ya datsewa shugabansu hannu, ya ɗauki wannan zobbe ya jefata a cikin wuta, daga nan alkadarin tsafin ta karye.

To ita ma Queen haka ya yi mata, yana cire zobben ya zura a aljihunsa, da ta ga haka, sai ta fara ƙoƙarin yin faɗar hannu da shi da hannu ɗaya, ga bakar azaba tana ji a hannun nata, amma saboda karfin hali, sai bata karaya ba, ta fara faɗa da shi, dan ta kwaci zobben.

Bugu ɗaya ya yi mata a bayan kunne ta wajen wuyarta, daga haka bai kara na biyu ba rai ya yi halinsa, dama kunsan ta tsufa, ta kai shekaru 45 zuwa 50 a duniya, to bugu ɗaya mai lafiya Lion ya yi mata, shikenan ta ce ga duniyarku. Already dama shi Lion kun sani, zaratan maza ma ya suka kare da shi? Da duka ɗaya yake kai mutun in da zai yi danasani har ƙarshen rayuwarsa, bare kuma ita Queen da take mace, macen ma tsohuwa, ai dukansa ɗaya ma ya yi mata yawa.

Ita kuma ƴarta Lion ɗin ya kamata ya ɗaureta, a cewarsa, bai yi tunanin irin hukuncin da yakamata ya yi mata bama tukun nan.

Yana kashe Queen ɗin kuma wasu zaratan maza suka shigo cikin fadar, matasan igbo ne, kyawawa da su majiya karfi, su goma sha biyu cif. Ganin abin da yake faruwa ne yasa suka fara ƙoƙarin kashe Lion ɗin, to da sune ya yi faɗar nan da suka ji mashi ciwo, jikinsa duk jini, sun ji mashi ciwon ne kuma ta hanyar dogayen faratunan yatsun hannunsu da suke da shi, kun san soft skin nasa kuma, tana da laushi tamkar fatar jariri, ya ji hutu ya ƙoshi, to shi ne idan suka yagushe shi sai wajen ta yi jini, hakan yasa suka sami kalaba ta ji mashi ciwo sosai a jiki. A garin dukansu kuma ya yanke da wuka sosai a hannu, shi ne wajen da Areef ya ce zai ɗaure mashi yaki yarda. Wannan shi ne a takaice abin da ya faru, abin da yasa gine ginen wajen kuma suke ruguzowa da kansu, saboda already da tsafi aka yi su, to kuma tsafin dake a cikin gidan a halin yanzu ya karye, komai ya lalace, dole gidan ta ruguje.......... To kun ji yadda aka yi, har kullum PRINCESS TEEMA ce taku ta amana mai abin ban mamaki🤙.

STORY.

Cikin wata iriyar kasalalliyar murya, can kasa kasa Lion ɗin ya ce "Areef ka ɗauko Mark mu tafi, ya sami karaya a kafa, he can't walk by himself".

Zaro idanu sosai Areef ɗin ya yi yana faɗin "Lion what are you saying? Mark fa ka ce?".

Jinjina mashi kai kawai ya yi ba tare da ya sake yin magana ba, saboda idan ma ba dan yana da taurin zuciya ba, Allah ko mikewa ba zai iya yi ba, dan tsananin yunwa, kuma dama already kun san shi baya da jumuriyar yunwa sosai, Areef ya fishi jure yunwa, amma shi da Aseef, sam basu shiri da zancen yunwa sam sam, sai dai kuma, basu cin abinci dayawa, idan sun ci kaɗan Alhamdulillah sun ƙoshi.

"I think Mark he already dead?". Ya faɗa fuskarsa ɗauke da mamaki ƙarara a bayyane.

Ko sannu Lion ɗin bai sake ce masu ba.

"Where is he?". Cewar Areef ɗin. Da kyar Lion ɗin ya iya nuna mashi wata hanya da take a cikin fadar.

Da sauri ya nufi hanyar, shi kuma Lion ɗin ya fara takowa a hankali yana nufo su Aseef.

Ganin yanda yake tafiya da kyar da kyar ne yasa Aseef ɗin ya kariso wajensa da sauri. Yana zuwa ya taimaka mashi suka karisa wajen da su Dr Salman suke tsaye.