Triplets book 4 Complete - Chapter 5

To kawai ta amsa musu da shi, amma sam nasihar bai shiga kunnenta ba. Har ta koma bata haɗu da su Abba ba, kuma bata tambayi ina suke ba, a lokacin yes suna school basu dawo hutu ba, dan idan baku manta ba, dama hutu suka zo gida har wannan abin ya faru a tsakaninsu da daddyn Rimsha, to yanzu sun kowa makaranta.

Shi ma daddyn Anaya yana ta fama da school bai bi ta kan gwaggon ba, a takaice dai kowa yana fama da kansa, hakan ce tasa har ta koma ba su haɗu ba

GWAGGO

Tana dawowa daga hutu suka cigaba da gashi a ɓangaren soyayarsu ita da Dr William, sam bata hana shi ya juyata yanda yake so, ya yi wasa da ita, sai dai daga cibiyarta zuwa sama kawai ta bashi dama, ta hana shi kasan sam, dan tana mutuwar tsoron Dr Salman, saboda shi ma mutun ne mai tsananin zafin rai idan aka yi mishi ba daidai ba, to dan shi take rage wasu abubuwa, take kamewa.

Yanzu suna da almost shekara ɗaya da watanni a tare da Dr William, suna zuba soyayarsu, kullum tamkar ranar suka fara haɗuwa, a koda yaushe begen juna suke yi, wasa wasa har suka zama abin kwatance a cikin school ɗin nasu, kowa da su yake kwatance ta ɓangaren soyayya. Sai dai har lokacin fa Dr William dangerous boss ne, dan baya ɗaukar raini, ko kallon gwaggo mutun ya yi sai ya yi mashi hukunci, ba shi da sauki sam.

Yau babu school ta gama duk abin da zata yi a gida, ta yi wanka tana shirye cikin wando short zuwa gwiwa, da ƴar ƙaramar riga zuwa kugunta mai ƙaramin hannu. Tana kwance a saman bed nata tana aikin latsa waya, chatting suke yi da Dr William, dan idan ka ganta da waya a hannu, to da shi take magana, ko daddyn Rimsha da daddyn Anaya da suke ƴan lelenta ma, yanzu ta daina nemansu a waya, a baya sai ta kirasu fin awa uku suna hira, dan duk cikin ƴan uwan nata, ta fi kaunarsu sama da komai, dama idan baku manta ba, na gaya muku twins ɗin nan, Azharuddin da Nawazuddeen mugun shiga rai gare su, duk in da suka zauna, sai an kaunace su, aji ba'a son rabuwa da su, to ita ma Gwaggo haka ne, amma yanzu tana manne da Dr William, tama manta yaushe da rabon ta da ta kira gida, ko an kirata daga gidan kuma, sai ta ce musu tana karatun exams, ko dai tana yin wani abin, bata taɓa bawa kowa lokacinta idan ba karatu da kuma Dr William ba.

Sai dai abin jin daɗi a tarayyar tasu da Dr ɗaya ne, wato duk wannan soyayya da suke zubawa, sam basu wasa da karatu, suna dagewa sosai, idan Dr William ya zo first, gwaggo ce second, idan ta zo first shi ne second, ma'ana dai duk in da ɗaya ya saka kafa a karatu, to ɗayan ma yana biye da shi, kamar abin haɗin baki, amsoshinsu a Exams ma iri ɗaya ne, dan tare suke karatu, wani lokaci a gidanta yake kwana, su kwana karatu. Rashin wasa da karatunsu shi ne nasarar da suka cinma a soyayyar tasu, kuma shi ne kawai soyayyar tasu bai sa sun yi patali da shi ba.

A ɓangaren Dr William ma, iyayensa har sun gaji da tambayar a kan sauyawar da ya yi, yanzu sun zuba mashi idanu ne kawai suna kallon shi, sun yi, sun yi, su bibiyi abin da yake yi, amma yaki basu dama, hakan tasa dole suka hakura suna binshi da idanu kawai.

STORYN

Ta tada kai da pillow a saman bed nata daga ita sai wannan short ɗin wandon nata da kuma ƴar riga, ta rungumo pillow a kirjinta tana aikin chatting da shi. Sai zubawa Dr nata shagwaɓa take yi a kan ita tana kewarsa, sai biye mata yake yi yana bata hakuri.

Tamkar daga sama ta ga ya turo kofa ya shigo, dan yana da key a yanzu. Hakan na nufin duk chatting da suke yin nan ashe yana kan hanyar zuwa, kawai yaki gaya mata ne.

Da gudu ta diro kasa daga saman bed ɗin ta nufe shi, buɗe mata hannu ya yi ta faɗa jikinsa tana dariya. Rungumeta sosai ya yi yana ɗan shafa bayanta. Laluɓar hannunta ya yi a in da ya sanya mata wani shegen diamond ring mai bala'in tsada, nan take hannun nata ya fara kyalli. Bai bari ta fara zuba mishi tsalle da murna ba kawai ya ɗauketa cancak sai saman bed ɗin, tamkar dama a kusa yake.

Romancing na juna suka fara yi kamar yanda suka saba, sai dai a yau dai Dr William ya zo har wuya, ya kasa jurewa ya danne sha'awarsa, dan yana tsananin sha'awarta over.

Hana shi ta yi a in da ta saka mashi kuka, dole ba dan ya so ba ya rabu da ita tare da barin jikinta ya koma gefe guda a saman bed ɗin ya zauna, ya haɗa kai da gwiwa yana sauke numfashi a hankali hankali.

Miƙewa ta yi jiki ba kwari ta dawo kusa da shi. Hannu ta kai tare da ɗago kan nasa tana ambatar sunansa.

Kasa amsa mata ya yi, saboda mawuyacin halin da yake ciki. Rungume shi ta yi a kirjinta tana bashi hakuri tare da saka mishi kuka, sam ba zata iya jurar ganin shi a cikin tashin hankali da damuwa ba, kun san zuciyar masoya! Ba abin da ba zasu iya yi wa junansu ba, in dai sun mace a wannan soyayyar tasu! To ita dai soyayyarsa ta yi mata mummunar kamu, makauniyar soyayya take yi mishi.

Haka shi ma a nashi ɓangaren, makauniyar soyayya yake yi mata! Ba zai iya ganinta cikin damuwa ba, duk yanda ya kai ga son abu, in dai bata so, to ko zai mutu! Haka yake hakura, sai dai ya yi ta fama da azabar raɗaɗi a cikin zuciyarsa, amma ba shakka zai hakura.

Ganin tabbas ya shiga tsakanin damuwa sosai na wuce misali ne yasa ta ce to ya zo ya biya bukatar tasa kawai, tana magana tana kuka.

Da kyar ya iya ɗago kallonsa izuwa gareta, hannu ya kai ya fara goge mata hawaye, muryarsa na rawa ya fara magana. "Ni da gaske nake sonki my beauty, ba nason abin da zai ɓata maki rai, ki bari kawai na hakura kin ji ko? Yanzu dai ki gaya mani, me zan yi na sameki? Ya zan yi ki zama matata mallakina, sai nayi yanda nake so dake babu wani sha'amaki?".

Cike da murna ta ce "Aure, aure ne kawai zai sanya na zama mallakinka ba wani shamaki, hakan kuma ba zai taɓa yiwu ba har sai ka zama musulmi, ba zai yiwu na aureka kana krista ba!". Cikin sauri ya ce mata "Na yarda, na yarda zan zama musulmi, ni dai kawai ki zama mallaki na!".

Sosai ta rungume shi tana murna tamkar ba gobe. Ganin tana murna ne yasa shi ma ya rungumeta sosai yana manna mata kiss a lips nata.

Haka suka kasance tsawon mintuna 20, sannan ya ce ta shirya bari suje gidansu sai ya gayawa mummynsa da daddynsa abin da ya yankewa kansa, a lokacin kuma TAG yana koyan tafiya.

Hakika ta yi tsananin murna, zata mallaki Dr ta. Cikin hanzari ta miƙe tare da faɗawa cikin toilet. Wanka ta yi cikin hanzari, yana zaune yana jiranta, amma shi kaɗai yasan halin da yake ciki na sha'awarta. A gabansa ta shafa Lotions nata kamar ko yaushe, sannan ta wuce zuwa dressing room.

Yau da yake ya ce gidan iyayensa za su je, sai ta mutunta su ta hanyar yin complete dressing mai kyau, wandon jeans ta sanya a ciki, tare da wani T-shirt da ya saya musu iri ɗaya da shi.

Bayan ta gama sai ta sanya after dress baka a saman kayan, dan ta ɗan suturta jikinta, still dai kanta babu ɗankwali ta fito.

Cike da tsantsar so da kauna tare da kulawa ya fara yabon irin kyan da ta yi, murmushi ta yi kafin ta taho ta faɗa jikinsa. Yana ƙoƙarin fara kissing nata, ta dakatar da shi ta hanyar sanya hannu ta rufe mishi baki.

"Haba my Dr, wai kai baka gajiya da shan lips na ne?".

Lumshe shanyayyun idanuwansa da suka sauya launi ya yi, cikin sanyin murya ya bata amsa da cewa "My beauty, ya za'ayi na gaji da shan lips naki? Ai ba zan taɓa gajiya ba, ni dai yanzu Please ki bani ko kaɗan ne, kin ji ko my wife?".

Harara ta wurga mishi kafin ta ce "Ai ba'a ɗaura auren ba ko?".

Nisawa ya yi yana mai faɗin "To ai an kusa, kin ma tuna mini, tashi muje wajensu mummy da wuri, daga nan sai mu wuce a ɗaura aure ko?".

Zata yi magana ya sanya mata yatsa a saman lips nata yana faɗin ta tashi su tafi da wuri. Ba musu ta tashi suka fice daga gidan.

A motar nasu ma, basu hakura ba, sai da suka ɗan yi romancing junansu kafin ta kwantar da kanta a saman kafaɗarsa, shi kuma ya kunna motar suka bar gidan.

(Yanzu kun fara ganin daga in da TRIPLETS suka yi gadon nasu jarabar ko? Da uwa da uba dukka ba sauki😂 mu je dai zuwa.)

Yau dai Gwaggo ta zuba kauyanci na ganin gidansu Dr, bata taɓa tunanin daga wannan aljannar duniya ya fito ba, tana tunani dai irin normal masu kuɗin, ɗan dai'dai ɗin nan, bata san mahaukatan kuɗi karesu ba.

Sake baki ta yi kawai tana ta kallon gidan abinta. Sai da ya ja hannunta suka nufi ciki, lefter suka hau zuwa hawa na uku, dan ya san confirm su mummynsa suna wajen, dan sun fi yawan zama a wajen. Ita dai sai mamakin gidan take yi, dan gida ne irin high rise building ɗin nan, ga wani haɗaɗɗen lefter mai matuƙar kyau, abin ba'a cewa komai, dan ya wuce tunanin mai tunani, idan na ce zan tsaya zayyana muku gidan Jacob Roshan ba ƙaramin aiki bane, dan kuwa sai mu kare book nan kaf a kansa kawai, dan fa ya haɗa komai, babu abin more rayuwa da ɗan adam zai buƙata babu a cikin gidan.

Sai yanzu gwaggo ta sake yarda cewa so gudan jini ne, yanzu idan ban da so me Dr William zai yi da ita? Irin wannan duniyar da suke ciki, ga kuɗi, kyau, isa da takama, abin ba'a magana.

Tamkar yanda Dr ya faɗa na cewa iyayensa suna hawa na uku, a can ya samesu, suna zaune a palonsu tare da Uncle Herry, Josephine da TGA, sai zuba hira suke yi. Jacob Roshan yana shan green tea, ita kuma mummynsu tana faman cin wasu korayen ganyayyaki masu karawa jiki lafiya da jini, ga wani makeken Tv dake gefe guda ta gabas maso tsakiya yana magana.

Tun da suka shigo palon gwaggo take bin ko'ina da kallo, ta kasa nutsuwa waje guda, gani take yi tamkar Dr William zai cutar da ita ne a irin wannan gida, ta tsorata da ganin wannan uban daular more rayuwar.

Shi kuwa, riko hannunta ya yi suka nufi saman wata luntsumemiyar sofa mai matuƙar laushi da kyau, fara kal tamkar yanzu aka cirota daga kwalinta. Komai na cikin palon sai kyalli yake yi, yana ɗaukar idanu, gal gal da su, nera ta yi kuka ta kuma zauna da kyau a wajen.

Ko da suka shigo palon, sam iyayen Dr basu nuna mata komai ba, sai ma karramata da suka yi, da fara'a mummynsu ta tarbeta, shi ma daddyn nasu, fuska ba yabo ba fallasa ya tarbesu, dan gwaggo dai baturiya ce ba bakar fata ba, sak Naurat take!. Josephine ta fi kowa murnar ganin gwaggo, saboda dama yayan nata yana yawan korinta a kusa da shi, a tunaninta tun da yanzu ya fara son mata, zai dai'na abin da yake yi mata. Su Uncle Herry duk sun yi tsantsar murna ba kaɗan ba.

Sam Dr William bai ɓata lokacin wajen sanar da iyayensa wace ce gwaggo a wajensa ba. A nan ne tsananin farincikinsu ya kara bayyana, sun ji daɗi sosai da ɗansu ya kawo macen da zai aura, nan take mum nasu ta ce gwaggo ta dawo kusa da ita ta zauna, tamkar za su cinyeta saboda so, sai tambayarta suke yi me take so ci a kawo mata?!.

Kan ka ce me an cike mata gabanta da lodin kayan cima kala kala, masu aiki sun fara zarya a cikin palon, suna kai kawo na kayan cima. Yau dai Gwaggo taga abin mamaki, abincin ma a baki suke ƙoƙarin tura mata, saboda so, kuma duk aikin mum ce, sai wani ririta take yi.

Ta ɗebo abinci a cikin spoon zata kaiwa gwaggon a baki kenan, cikin hanzari Dr ya ce "Mum kada ki bata, dan ita bata cin irin abincin mu, ba komai take ci ba!".

Ɗan zaro blue eyes nata mum ɗin ta yi kafin ta ce "Why?". Ko a jikinsa ya amsa mata da cewa "Be cause she is a Muslim, so ba komai take ci ba, akwai abin da ya zamana haramun a cikin addininsu su ci, haka idan muka je restaurant cin abinci ma, sai ta faɗi abin da za'a bata, bata cin irin nawa!". BABBAR MAGANA.

A tsananin razane mum da dad ɗin dukka suka mike tsaye, tamkar sun ga wani abin tsoro. Nan take kuma suka canza fuska tamkar ba su ne suke dariya a yanzu ba, sun wani uban ɗaure fuska tamkar hadari, shi daddy ma har da wani zaro idanu. Cikin tsawa mum ɗin ta ce "To musulmar zaka aura ne?!".

Sosai gwaggo ta yi wani mahaukacin razana!, Ta tsorata na ganin canjin da suka yi lokaci guda, tamkar ba su ba.

Shi kuwa Dr, ko a jikinsa ya amsa musu da "Yeah mum, ita nake so, ita zan aura, kuma yanzu ma da muka zo, na zo ne na gaya muku zan musulta nima, be cause we're prepared to get a marriage together, so shi ne abin da ya kawo ni!". TASHIN SENSE!!!

Wani uban tsawa dad ya daka musu wanda ya sanya gwaggon mikewa da sauri. Shi ma Dr William mikewa ya yi tare da yi mata alama da hannunsa a kan ta zo. Da sauri ta tafi izuwa wajensa, jikinta sai kerma yake yi. Dr kuwa ko a jikinsa ya rumgumeta yana ɗan shafa bayanta, alamar ta kwantar da hankalinta.

Mum ce ta katsesu da cewa ya sake wannan yarinya ko kuma wlh yanzu ransa ya ɓaci. A zahirin gaskiya tun da yake da iyayensa basu taɓa ɗaga mashi murya a magana bama bare har a kai ga tsawa, lalaɓa shi suke yi sosai kullum. Hakan tasa ya ji wlh yana kaunar shiga musulci, dan shi duk abin da ba'a so, to fa shi yake so. (Idan baku manta ba a baya dama Dr William ɗin ya faɗa, wannan kalma ta abin da ba'a so, shi Lion yake so, a wajensa ya gaji kalma, to hakan take!.)

"Mum why are you shouting like that? You already know that idan na ce zan yi abu fa, to sai na yi, so don't west your time to say something about that issue, be cause confirm sai na musulta, dan ina son A'isha, she is my life, my everything!!". BABBAR MAGANA!! YAU AKE YINTA!!

"William are you out of your sense?!" Cewar mum ɗin. Dad ne ya karɓi maganar da cewa "In dai har ka ce zaka musulta, to confirm zaka bar mani gidana! Kuma sai dai ka mance da mu a matsayin iyaye, ka nemi wasu!!".

A takaice ya ce "That's good daddy, i chose A'isha and Muslim religion, wai daddy ka manta abin da ba'a so shi nake so ne? To ko dan nunawa da kuka yi baku so, confirm sai na yi!!".

Ya kai karshen maganar tare da juyawa tare da gwaggon a jikinsa. "William don't go anywhere, come back and say sorry to your dad!". Cewar mum, ta yi maganar tamkar zata fashe da kuka, idanuwanta duk sun cika taf da kwallah, Allah ya gani a duk cikin ƴaƴanta, ta fi son Dr William, kuma ta san halinsa sosai, tun da ya ce sai ya musulunta, to fa babu chanji sai ya yi ne, sai dai duk abin da zai faru ya faru. TIRKA SHI.

A ɓangaren shi ma daddyn, kirjinsa sai dukan uku uku yake yi, dan shi ma, ya fi son Dr William sama da kowa a cikin ƴaƴansa, ba zai iya rabuwa da shi ba, ba kuma zai iya ganinsa a cikin addinin musulunci ba, dan su irin kristocin nan ne masu tsauri a kan addininsu, ba za su iya yafe ɗansu ya musulunta ba! Gara su kashe shi da su barshi ya musulta.

Hakan tasa daddyn zuciya ta ɗebe shi ya yi yunkurin kashe gwaggo da wukar da mum take yanka ganyayyakin da take ci. Cikin ɓacin rai Dr William ya tare daddyn nasa, tare da kwace wukar, har ya ɗaga a zuciye zai cakawa daddyn nasu a ciki, gwaggon ta rike shi tana kuka tare da girgiza mashi kai a kan kada ya yi hakan, kada ya kashe daddynsa.

Wurgi ya yi da wukar tare da rungumeta suka nufi waje. Dafe saitin zuciyarsa dad ɗin ya yi, kan su yi wani yunkuri ya zube kasa sumamme, abin ya taɓa mishi zuciya over, kuma dama dole ya taɓa shi over, ace ɗa mafi soyuwa a gareka, ka fifita shi fiye da kowa, ka shagwaɓa shi, rana tsaka wata mace ta shiga tsakaninku, har yaron ya yi yunkurin kashe ka, saboda mace, ba dan macen da yake son ɗin ta rike shi ba, da tsab zai iya kashe ka saboda zuciya ta ɗebe shi, dole wannan abin ya taɓasu over, dan zuciyar iyaye ya wuci tunanin mutun, in ma musulmi ko Kristen, duk wanda aka ce shi ya haifi mutun, to wlh ya wuce abin wasa, zai so ɗan nan ne fiye da tunanin mai tunani, koda kuwa ba zai nunawa kowa ba, ba zai taɓa yuwuwa ace iyayen da suka haifeka ba su sonka ba, sai dai idan ba zasu nuna maka son ba, amma zuciyar iyaye daban yake da kowa, suna iya sadaukar da duk abin da suka mallaka saboda ƴaƴansu, ba'a banza da Allah ya ce bayan Allah da Manzonsa sai iyaye ne kawai za'ayi wa biyayya a shiga aljanna kai tsaye ba, so iyaye sun wuci wasa koma ya ya suke!! Fatanmu dai Allah Ubangijin ya bamu ikon bin umarninsu tare da kyautata musu!!.

Ko kaɗan Dr William bai juyo ba, duk da yana jin zafin rabuwarsa da iyayen nasa, amma hakan bai hana shi dagewa dan cika burkinsa ba. Ficewa ya yi daga gidan abinsa.

Shi kuma dad su Uncle Herry suka yi ƙoƙari tare da taimakon ma'aikatan gidan, suka nufi hospital da shi.

Ko awa ɗaya bai yi a asibiti ba rai ya yi halinsa, dama already yana da hawan jini, sara ce ta zo a kan gaɓa. Mutuwarsa ta sanya mum nasu shiga tsananin tashin hankali, wanda har sai da ya jawo mata bugawar zuciya, ita ma ba'afi awa uku da mutuwar dad ba rai ya yi halinsa, ta bi daddyn.

Hakika familyn Roshan su ga tashin hankali a wannan rana, harta yayyun daddyn da suke rike da mulki, a wannan rana sun sha kuka, an yi musu hotuna da videos suna kuka da hawayensu na rashin kaninsu da matarsa tamkar wasu yara ba adadi.

Sam Uncle Herry da Josephine sun ki gayawa jama'a gaskiyar abin da ya kashe Jacob da mum nasu, sun ɓoye ne saboda suna tsananin son Dr William, kuma suma sun ji suna son su musulta, sun san cewa idan har suka sanar da jama'a gaskiya, to ba shakka yayan daddy da yake kan mulki zai sanya a kashe Dr William, dan su basu yafe jininsu, ko yaya ka taɓosu sai sun rama, koda kuwa a cikinsu kake.