Abokin rayuwa Complete by khadeeja candy - Chapter 56

Sai da suka kara bata minti talatin sannan suka yi ma Mama Baraka sallama daf da za su fita take tambayar yan'uwanta, Mama Baraka tace mata suna daki ita ta hana su fitowa saboda abubuwan da ta san za su faru. Emily ta shiga ta gaisa da su suna ta murnar ganinta har da rumgume ta sannan suka fito gaba dayansu suka rakota har gurin mota ta shiga. Da suka isa Aliyu ya bude mata mota ta fita ya saka hannayensa ya share mata hawayen dake mata zuba.

"Kukan nan ya isa haka Qalbina"

"Na tuna ɗana, da Vito ne taimake shi ba da Allah kadai ya san kalar wahalar da zai sake sha"

Ta fada jikin mijinta tana kuka, sai ya rumgumeta yana shafa bayanta.

"Indai zaki tuna rayuwar baya ne, zaki yi ta kuka da bakinciki ne, ki manta da komai dan Allah, bana son kukanki balle na ganki a damuwa"

Ya duka ya saka hannunsa biyu ya dauke taya nufi kofar falon, da zai saka key ya bude kofar falon sai ta raba kafafuwanta biyu ta makale masa yayi sama da ita ya saka key din ya bude sannan ya tura ya shiga da ita, a hankali ya zauna kan kujera tana lake a jikinsa kamar yadda yara suke yana shafa bayanta, hausawa suka ce macen da ake so yar gata ce a gurin mijinta. Haka Aliyu yayi ta rarrashin matarsa kayan dadin daya siya mata ma daya dauko daker ya samu ta sha ice-cream din da ya fara narkewa ya bude biscuit ya bata piece daya ta ci ta kawar da kai.

Ta kwana da tunanin abun da Khaleefa yayi mata da kuma London, hakan ya saka ta mafarkin ɗanta, Aliyu na zaune kusa da ita yana lasa waya ya ga hawaye na sauko mata, sai ya kai hannunsa ya share, a firgice ta farka sai da ya rike ta.

"Lafiya? I'm here no one can hurt you"

Ya dawo da ita jikinsa ya yi mata addu'a ya tofa mata ya shafe mata jikinta, sannan ya bude kur'ane wayarsa ya soma karantawa sautinsa na fita, har sai da bachi ya sake dauketa sannan ya aje ya lullube matarsa ta kashe wutar dakin ya rumgume sosai yadda ba zata ji tsoro ba. Ya san ta kwana da zazzabi saboda a kirjinsa ta kwana jiya, dan haka be bari ta shiga kitchen ba shi ya shirya musu komai na karya, da ya kawo kuma ta gagara cin komai. Ya taba jikinta

"Ki daure ki ci wani abu, sai mu tafi asibiti daman ina son muje tun last week, kawai ban miki maganar ba ne"

Ya kai kunnensa bakinta.

"Daure fada min, me kike so?"

Ta kwanto jikinsa.

"Kai nake so, Abokin Rayuwata my Soul mate"

"Abu mai sauki, a soye kike so na ko gashe?"

Dariya ta subuce mata ta daga kanta sama tana jin kaunar Aliyu, sai ya dawo da ita jikinsa yana murmushi.

"Fada min mana"

"A saka mai da yaji a bani na cinye kayana"

"Na nawa kuma? Ai tuni kika cinye kurwar gangan jikince kawai ta rage, na miki na mayu"

Ta saka dariya tana shafa fuskarsa, da dabara da waya da hira da janta da nishadi ya samu ta yi breakfast din da bata yi niya ba saboda ta farka jikin nata ma babu dadi bata ra'ayin cin komai. Kamin ya dauke ta zuwa asibiti sai da ya saka ka mata booking komai ta yadda da sun tafi ba sai sun wahala ba, haka kuwa aka yi suna zuwa ta hau layi gaba ta wuce ciki likita ta dubata ta yi mata tambayoyi sannan ta rubuta mata maganin da zata fara sha ta bata test din jini ta bata PT tace taje ta gwada idan sun koma gida, saboda Aliyu ya ki yarda ta yi fitsari a asibitin wai it's public place. Jinin kawai ya yarda aka bada sannan ya sauke ta gida ya tafi gurin aikinsa.

The following day shi ya tashe ta bachi kamar yadda ya saba, ya saka ta yi fitsarin ya saka abun awon domin shi ya san yadda ake amfani da shi, ita kam bata sani ba saboda bata taba gwajin ciki ba sai dai kawai ta ganta da shi. A bathroom ya bar abun be sake shiga ba sai da suka gama sallah yayi mata karatu ta koma ta kwanta sannan ya shiga bandakin ya dauki abun gabansa na faduwa ya duba. Ya dube kansa a mirror yayi murmushi mai kyau ya jinjina kai sannan ya fice rike da abun ya isa inda take kwance yayi bedsheet din da aka siya gurin Khadeeja Candy ya kalli fuskar matarsa yana ayyana yadda yaransa za su yi kyau idan suka biyota.

"Alhamdulillah... Alhamdulillah..."

Ya furta sannan ya sumbance ta, ya shafa fuskarta yana hura mata iska a fuska.

"Qalbina... Yi hakuri ki tashi... Ba zan iya barin ki ki yi wannan bachin ba"

Ta bude ido daker ta kalleshi sai ya tada ita zaune ya rumgume ta, da ya ji hakan be masa ba ya mike tsaye da ita ya kwantar da kanta a wuyansa kafafuwanta makale a jikinsa. Ita dai ta yi lamo domin bata san wainar da ake soyawa ba. Daga dakin ya fito falo da ita ya zaunar da ita kan kujera ta ya zube gaban guiyoyinsa ya kama hannayenta yana kallonta with so much emotional.

"Qalbina, ni zan miki albishir, kuma ni zan baki goro, fada min me kike so? Ko me kike so a duniyar fada min zan miki"

Ta zama confused.

"Me ya faru?"

"Komai ma ya faru, fada min"

Ta tsaya tunani mai zurfi.

"Ina son ma tafi makka"

"An gama, sai kuma me?"

"Ina son na tafi Europe"

"Bayan shi?"

"Ina son ka so ni har abada"

Ya matsa da fuskarsa ya hade da tata.

"Sonki har abada wajibina ne, kaunarki ciwo da ba zan taba warkewa ba, na gode Ayusher da kika ba ni damar zama mijinki, kin hada duk wani abun da nake so, kuma yanzu ta hanyarki Allah yayi min wata babba kyauta da ba zan taba iya biyanta ba har abada"

"Minene?"

"Babena you had my baby in your tummy... Daman na san haka zai bayyana tun da kika zo gidan nan ina kirgawa baki yi period ba"

Ta bude baki da dan mamaki, daman ita ma ta zargi haka.

"Ciki ne kawai, kake ta wannan abun?"

Ya zauna kusa da ita ya rike fuskarta kana ganin tasa fuskar kasan yana cikin farinciki marar misaltuwa.

"No... Jinina a jikinki Ayusher i got everything i wanted... Kin maida namijin da ya fi kowane gata da farinciki a duniyar nan, to ni yanzu me zan bukata kuma? My dream Girl"

Hawaye ya sauko mata.

"Wasu mazan ba su min haka ba"

"Wasu mazan kika ce, a yanzu kina auren namiji, ina kaunarki Ayusher ina kaunar abun da abun da yake cikinki fiye da tunaninki, hasken da ke haskaka duniyata, ke ce komai nawa, we're family now... Alhamdulillah"

Ya kwantar da ita kirjinsa a hankali ya rumgumeta kamkama kamar za a kwance masa, kuka sosai take tana jin wani yanayi da bata saba ba. [9/7, 7:58 AM] 𝗞𝗵𝗮𝗱𝗲𝗲𝗷𝗮 𝗖𝗮𝗻𝗱𝘆: https://chat.whatsapp.com/HGRV2NYIoaCF7SIvPOIv08?mode=ac_t

*🍒 ABOKIN RAYUWA 🍒*

*© Khadeeja Candy*

Page 7️⃣6️⃣

Kin dade kina sha'awar sayen kaya a wajen Khadeeja Candy amma ba ki samu dama ba? Kin shirya fara tanadin kayan Sallah ko na azumi tun yanzu? Ko kuma tanadin kayan auranki ko na 'yarki? To, ga sauƙi ya iso!

ADASHE NE NA GATA! Ki zuba kuɗi, ki ɗauki abin da kike so daga:

Sutura da zannuwan gado

Kayan kitchen

Kayan electronics (fridge, freezer, washing machine, gas cooker, da sauransu)

Talkami da jaka

Zanen gado

Frames (flowers decoration ko standing ones)

Console mirror

Boxes na Lefe ko na traveling.

Warmers iri-iri

Food flask iri daban-daban

Jugs da flask. Kai abin fa sai wanda rai ya so!

Sauƙi ya zo, za ki mallaki duk abin da kike so a wajen Khadeeja Candy cikin aminci da kwanciyar hankali, babu cuta babu cutarwa.

📌 Tsarin: Zubi ne wata-wata da kuma sati-sati. 📌 Akwai sharudda da ka'idoji.

Domin ƙarin bayani, ki/ka tuntube ni ta wannan lamba: 08036126660 Ko ta hanyar WhatsApp 👉 Danna nan https://wa.me/message/2Y7RIJEODZO2K1

Ko kuma ku yi join WhatsApp Group https://chat.whatsapp.com/HGRV2NYIoaCF7SIvPOIv08?mode=ac_t

Thank you 😍 🙏

"Kasan jiya da muka je Asibiti"

"Uhm"

"Likitan tace kowa ta fadawa mijinta idan ta koma gida"

"Mee"

"Wai akwai wani sabon Technology da ya shigoo"

Tana fada tana cin gauta. Shi kuma hankalinsa yana kan system din da yake tabawa.

"Tace wai akwai allurar da ake yi ma mace bayan kwana biyu sai ta dawo a debi jininta sai a sakawa mijinta"

"Tooo saboda me?"

"Wai saboda idan lokacin haihuwa yayi sai shi yayi nakudar ba sai ta yi ba, shi zai ji zafin"

Sai a lokacin ya kalleta yana dariya.

"Saboda ba ni da gata?"

"Aa ita ce tace kowa ya fada idan miji zai iya sai yayi"

"Yanzu dai ba dan kin raina capacity na ba ta ina za a saka min nakuda dan Allah? Shi kenan ni ban da gurin kai kara idan an taba ni?"

Ta kyalkyale da dariya.

"New Technology ne fa"

"To ba za a fara da ni ba, ina namiji ina nakuda abun ai ba zai bada kala ba, amman kuma da kin ga jarumta kamin ki motsa ido na haihu"

Ya aje system din yana dariya itama dariyar take. Ya nufo inda take zaune ya dauke ragowar gautan da ta ci ya kwashe hancin ya zuba a plate ya kakkabe mata jikinta ya dauke plate din ya sumbanceta.

"Allah ya sauke ke ki lafiya"

"Ameen"

Ya nufi kitchen ya aje plate din ya dauko mata ruwa da cup biyu ya zuba mata daya daya ya zubawa kansa.

"Qalbin kin matsawa riguna lamba"

Ya fada yana kallom t-shirt dinsa dake jikinta, domin tun da cikinta ya girma kullum kayansa take sakawa. Ta sha ruwan ta mika masa cup.

"To ya zaka yi? Laifin waye?"

"Na wa"

Ya fada yana lankwafe kai kamar wani maraya. Ya aje cup din sannan ya koma ya cigaba da aikin da yake da system dinsa yana mata hira sama sama saboda baya son ta ji kamar ya kyaleta duk kuwa da aikin dake gabansa. Hannu ta kai ta shafa katon cikinta a hankali tana kallonsa, a yanzu kuma me zata roka? Me ye Allah be bata ba? Miye ta raba ba a maye mata gurbinsa da shi ba? Ita ce yau ake yi ma lele ake taraiyarta kamar yar Gold. Wannan ne cikin farko da ta raineshi da soyayya ubansa da kulawa kamar dan da daga shi ba za a sake haihuwa ba a duniya.

Aliyu ya bata kulawa, ta soyayya ta kauna, ta tararaiya ta tausayi, ta kyautatawa, ya dauke mata nauyin komai, idan zata yi ma sai ya hana sai idan be gani ba, domin ta saba wahala da ciki sai ya zama aiki be mata illa bata jin nauyin aiki da ciki, amman Aliyu ya sauya kalar jikinta ta zama wata shagwababbiya kamar ba ita ba. Zama da tashi duk rikata yake idan zata yi, motsi kadan sai yace me take ji? Me take so? Bata san ta yi kwadayi da zaben abinci ba sai da ta auri Abokin Rayuwarta.

Tun cikin na wata uku Aliyu yake lelenta da abun ciki har cikin ya tsufa, ta bangaren Ummi ma duk bayan kwana biyu sai ta kira, da Emily ta gane amfanin haka sai ta rika rikata da kanta ta gaishe ta. Idan tana kwadayin wani abun na dabam Mama Baraka zata aiko mata. Duk wani motsi nata yana kam idon Aliyu, a yanzu ta san ta yi aure, a yanzu ta san me ake nufi da aka aure mai sonka fiye da wanda kai kake so, a yanzu ta san ribar hak'uri tana da yawa, ta san amfanin wanda yayi hakuri sakamakonsa mai kyau ne.

Cikinta na wata takwas aka yi auren Misra da Kameela da mahaifinsu ya hade, banbancin kawai na Event ne, domin Kameela bata yi komai ba bayan henna day, Misra kuma ta yi duk wani event daya kamata budurwa ta yi. Haka Emily ta sake jiki aka rika komai da ita a nan ta kara sanin dadin yan'uwa da kuma muhimmancisu, kusan komai za'ayi sai an nemi shawararta sai an sakata a ciki. Each and every minute sai Aliyu ya kira ya tambayi lafiyarta wanda kusan shi ne abun da ya fi kowane yi mata dadi, tana son kulawa kuma ta samu a gurin Abokin Rayuwa na har abada.

Auren Kameela da wata daya Emily ta haifo kyakkyawan yaronta, bayan kwashe awani tana nakuda, ta yi sa'a cikin be so mata da wani laulayi sosai ba, wata kila saboda ta saba da wahala ne, wata kila kuma wannan daga jinin ubansa ne. Amman gurin nakuda bata sha da sauki ba, sai dai daga karshe ta haihu lafiya aka fito da yaron fari kyakkyawa kamar ita. Sau daya Aliyu ya karbi yaron ya duba ya mikawa Mama Baraka ne sake bi ta kansa ba sai da aka fito da Emily daga dakin haihuwa sannan hankalinsa ya kwana.

Daki daya aka ware mata saboda ta samu hutu kamin a sallame su. Aliyu ne farkon mutumen da ya shigo dakin ya nufo inda take kwance ya shafa kanta cike da tausayi kamar zai zubar mata da hawaye.

"Sannu... Allah ya miki albarka, ya raya abun da ya ba mu, ya ba mu ikon masa tarbiya da daukar nauyinsa, ya baki lafiya i love you so much"

Ya sumbance ta sai shafa kanta yake kamar zai cinyeta. Idonta ya cika da hawayen farinciki, ta haihuwa lafiya kuma zagaye da yan'uwa da mijin dake ta daukin zuwan ɗansa duniya. Shi ne namiji na farko da ya nuna mata tsantsar kulawa da soyayya ya tsaya a kanta har ta haihu kuma ya rika yaronsa yayi mata godiya.

"Na gode da ka kasance a rayuwata"

Ya share mata hawayen sai sake mata kiss Mama Baraka da sisters dinta da yan'uwansa suka turo dakin sai ya daga ya janye hannunsa daga jikinsa. Mama Baraka ta mika masa yaron ya karba ya ciro wayarsa ya kira Ummi video call. Tsabar farinciki Ummi ta ji kamar ta baro Abuja a ranar ta zo Kd dama tana son yara tana son zuri'a balle kuma ta Aliyun da yake kamar abokin shawararta. Rabonta da ganinsu tun cikin Emily na wata shida lokacin da suka zo wani meeting na siyasa ita da mijinta.

The following day aka sallami Emily daga asibitin bayan sun yi mata dinki saboda ta samu kari. A gidanta aka dawo da ita, saboda Aliyu yayi yarjejeniya da Mama Baraka tun kamin ta haihuwa cewar a bar masa matarsa a gidansa ba zai yarda akaita gidan Mama Baraka ba. A dole ya amince domin mai son naka shi ma naka ne. Aka dawo da Emily gidan Aliyu, yan'uwansa da suke cikin garin Kaduna na bangaren Daddynsa da na Ummi suka yi ta zuwa barka suna kawo masa alheri daman wacan haihuwa abun be zo da rai ba, ba a yi masa kyauta ko biki ba sai a yanzu.

Yayansa kusan kullum sai ya kawo matarsa ta wuni a gidan sai dare ya dauke ta su koma, saboda tana da kyakkyawar fahimta da Emily ba kamar Kameela ba. Abinci mai kyau Emily take babu ruwanta da yaro sai idan za ta ba shi nono, wata yar danginsu Aliyu ce masu karancin rufin asiri aka bar mata tana goyon yaron, mai masa wanka dabam ta shirya shi, ta gasa mata cibiya. A yanzu ne Emily ta san wasu al'adu na jego da haihuwa, domin a baya ita kadai take haihuwarta cikin wahala a yanzu kuma tari da yan'uwa da mijinta a kusa da ita.

Ana sauran kwana biyu ayi suna Ummi ta dira a Kaduna a gidanta, abun ka da yan siyasa har abun da be kai ya kawo na yi ake, sai barka ta koma gurin Ummi ana hadawa da abubuwan alheri, daman kuma wani abun biki ne dole ita ma zata rama musu. Kusan ita ta tsara yadda komai zai guna na cikin saboda Emily bata da kawaye, sai sababin makota da kuma yan'uwan miji da yan'uwanta da suka zame mata kawaye.

Ranar suna yaro ya ci sunan mahaifin Aliyu Mudallab aka yi masa alkunya da Abulkhary. A ranar Emily ta ga biki ba ji ba, ta san miyen dadin yan'uwa miye yan'uwa da kuma abokan arzikin, ta san dadin haihuwa a cikin dangi ba a gurin bare ba. Ta samu alheri sosai kusan duk abun da aka bawa Ummi na biki tun daga tufafi da kayan jarirai sai da ta kawo mata su, bayan ta yi mata nata kayan barka irin wanda take yi ma matar yayan Aliyu a duk lokacin da ta haihu. Mama Baraka ma ta yi mata nata domin Abulkhary ne jikanta na farko gashi kuma tana kokarin kyautatawa Emily.

Dr A-B ma be yarda an barshi a baya ba, duk kuwa da kasancewar be samu zuwa ba saboda shi ma yana ta shirye shiryen nasa auren ne, amman ya saka wata online vendor ta shirya ma Emily kayan barka daga Kano aka aika mata Kada. Uban yaro kam daman tun kamin a haihu yayi booking kayan barka gurin wata cousin dinsa dake siyar da kayan yara, da sharadin idan mace ce ga budget dinsa da zai biya haka ma namiji yayi payment tuntuni ana haihuwarta da kwana uku aka kawo kayan har sai da Emily ta rasa bakin yi ma Aliyu godiya.

A haihuwar Abulkhary Emily ta san ta ci naman sunan ɗanta, ta san a aje mata nama mai uban yawa ace nata ne ita kadai bayan an bawa mutane, duk abubuwan da aka yi babu wanda ya fi burge ta kamar taron suna, saboda ta ga mutane sosai wasu ma bata san su ba sai a lokacin, wasu kuma sai a lokacin suka san Aliyu ya sake mata ba Kameela ba, kuma ya sauya gida. Ammy bata zo mata barka ba, amman ta aiko mata da Fatima an yi komai da ita kamar yadda aka yi na aurenta.

TURHAN POV.

Saboda hankalin Emily dana mahaifiyarsa ya kwanta ya yarda ya bar Fatima a gurin Ammy, ba dan baya son zamanta a kusa da shi ba, ga kuma karatunta da baya son ya rabu biyu idan bata zauna gu daya ba. Yakan ziyarce ta a duk karshen wata, wani lokacin ma ba'ayin wata idan yayi marmarin ganinta zai zo ya ganta. Yana yawan zuwa ne saboda yana tsammanin jin kyakkyawan labari daga rayuwar Aliyu da Emily, tun a wacan ranar da yar'uwar Ammy taje daukar Fatima ta fada masa ta ga Emily na kuka da alama sun samu matsala da Aliyu ne ko sun fara samu.

Sai zuciyarsa ta masa dadi yana jin kamar amanar sa da Aliyu ya ci zata fita, yana jiran ranar da Emily zata fito ta dawo masa. Be taba yarda ya tambayi yarsa labarin Emily ba saboda be son ta yi subutar baki ta fadawa Emily cewar Turhan yana tambayarta. Haka kuma yana tsoron ya tambaya ya ji wani labarin da ba haka ba. Be tana tsinkewa ba sai da Fatima take fada masa momynta tana da ciki, a waya suka yi maganar da Fatima amman a ranar be iya kwana ba, sai juyi yake yana tunanin yadda abokinsa zai zauna da matarsa har ta samu ciki.

Be kara tsanar Aliyu ba sai da yayi waya da Ammy ta fada masa Fatima na gurin Mamanta saboda ta haihu. A ranar ji yayi kamar ace Aliyu yana kusa da shi ya daba masa wuka ya mutu, domin ya fahimci Aliyu ba shi da niyar sakin Emily ko da yake ai yayi wuri yanzu, ya ba su lokaci zuwa gaba mana idan ta canja.

KAMEELA POV.

"Kin san fa yau ba girkinki ba ne, ki bari sai girkinki ya juyo sai mu tafi tare, saboda yanzu dare yayi kar mu shiga hakkin madam"

Ta dauke hannunta daga jikin angon nata tana murmushin karfin hali.

"Shikenan Allah ya tsare"

"Ameen"

Ya juya ba tare da ya damu da ya sumbance ba kamar yadda Aliyu yake ya shiga motarsa ya daga mata hannu ta daga masa ya fice. Falonta ta dawo ta zauna tana hawaye, wai yau ita ce take son fita wani Namiji ya kalli kwayar idonta ya fada mata yau ba kwananta ba ne, ita take sharing miji da wata a yau, ita take raba girki da kwana da kwana da wata, a yanzu su biyu ne a zuciyar mijinta ba ita kadai ba. Lallai mace yar gaba da baya ce, hakika ta yi aure amman ba ga wadda take so ba, ba ga wanda zuciyarta ta natsu da shi ba, ta yi ne kawai saboda yan'uwanta da kawaye da kuma zuciyata suna zugata ta manta da Aliyu, kuma ta auri wanda ya fishi kudi kamar yadda aka so da farko.

Ta yi auren, amman ta rasa soyayya da kulawa da kauna irin wanda Aliyu yake nuna mata, a nan ta san banbancin ba ko wane mai kudi ba ne yake da lokacin iyalinsa lallai irin Aliyu daya ne cikin dari, ya bata dama ta san shi ciki da waje, ta dauki wayarsa ta bincika duk abun da take ra'ayi, wannan kuma ko kusa da wayarsa be yarda taje ba, ga shi yana masifar tsoron uwargidansa fiye da ita. Gaba daya irin zaman da ta yi da Aliyu ya sha banban da wannan da take aure. Sosai da sosai take marmarin mijinta take kewarsa da rayuwarsu, take nadamar abun da ta aika a baya, wata kila ta bata biye zugar zuciya data yan'uwa ba ta tsaya jira wata kila Aliyu zai iya sake zama da ita a matsayin mata ta biyu har ma ya saki Emily tun da ta san yana kaunarta.

Ganin kamar zaman ba zai mata dadi ba, tsarin rayuwata be dace da nashi ba ya saka ta fara shirye shiryen barin gidan ko ta halin yaya domin komawa tsohon mijinta, kwatsam sai ga ciki ya bayyana a dole ta zubar da makamanta ta maida hankalin gurin rainon cikinta ta kuma kai zuciya nesa akan kishiryarta if not zata iya mutuwa lokacin be yi ba. Ba laifi da ta haihu ya nuna mata kulawa sosai domin kusan wannan ce haihuwar farko a gurinta saboda wacan ɗan be rayu ba, da yanzu ita ma tana da jini da Aliyu. A yanzu kuma idan ta tuna wata ce ta haihu da shi ba ita ba sai ta ji kamar zata mutu, ga shi ta bangaren mijinta ma ba ita ta fara tara masa yara ba.

Tsoron kar ta fita gidan mijin ta sake afkawa wani wanda ya fi shi munin hali, gashi bata da tabbacin ko Aliyu be zai maida ita, ko kuma aa ya saka ta hakura ta zauna gidan sabon mijinta ta rumgume yarta data haifa to her it's not an easy thing ta bar gidan ta bar yarta, bayan kuma bata fuskantar wata matsala a gurin mijinta sai kishiya, sai kuma rashin kulawa kamar Aliyu da yake nuna mata, dadin dadawa kuma tana zargin kamar wani auren yake son karawa su zama su uku, kuma bata isa ta hana ba, domin ba ita ce ta farko ba. Daman hausawa sun ce idan baka yi sharar masallaci ba sai ka yi ta kasuwa ko gidan giya.

EMILY POV.

"Yace idan an yi hutun karshen shekarar nan zai tafi, daga nan ya nuna masa matarsa"

Ta fada tana kwance kan ciyarsa yana wasa da gashin girarta.

"Ba za ki bari sai Abulkhary yayi wayo ba?"

"Wayo na nawa kuma? Wannan yaron ko kai ya tsofeka"

"Eh tun da kakana ya haife shi ba"

Ta yi dariya.

"Amman za mu je tare da kai ko?"

"I don't know kin san yayanki nan ba wani, yi na yake ba, ya kusan sakawa na rasa ki fa, kuma na lura kamar baya son ina shigar masa lamurra tun da yake kira be taba cewa a ba ni mu gaisa ba"

Emily ta bude ido.

"Kai kasan shi fa rayuwar turawa ce da shi ba wani damuwa yake da mutane ba, shi ne kawai, auren nan ma ban dauka zai yi ba, shi kansa yace be dauka zai yi aure ba sai gashi ya hadu da wanda ta yi masa"

"Dan ta kife ne wannan yayan naki, Allah ya so ni aka gano dan'uwanki ne da na sha wuya a hannunsa"

Emily ta sake bushewa da dariya har da kyalkyatawa Aliyu sai kallonta yake with affection yana murmushi.

"Wallahi ba shi da matsala, ka ga ko bikin nan da aka yi, shi yayi ta gabatar da ni a gurin mutane a komai baya bari a bar ni baya, na jidadin yadda ya nuna min kulawa, shiyasa ban wani damu da yadda mahaifiyarsa ta nuna min bata son ganina ba, saboda naje saboda Dr A-B ne da kuma zaton mahaifinsa zai zo bikin sai gashi be samu zuwa ba"

Ya ja mata kunne.

"Mahaifinsa ke ba da ke ba?"

"I don't know ko ya karbe ni ko be karbe ni ba yet"

"Mun gaisa, na gan shi ta system din Dr A-B ya gabatar masa da ni, ya karɓi numberta amman ai har yau be kira ni ba"

"Amman da ya ji cewar ke yarsa yayi mamaki?"

"Eh Dr A-B yace yayi mamaki sosai, yace shi be yarda ba, da farko har yayi denying cewar ya taba zama da Mama Baraka sai da Dr ya gabatar masa da hujoji sannan ya yarda, amman da muka gaiwa na ga dai kamar damuwa a fuskarsa sosai, amman har yanzu be kira ni wata kila baya so na"

"Aa ko dai yana jin kunya ne ba, ko kuma be san yadda zai kalli abun ba, amman yanzu idan muka je zamu gani ai, kawai abun da nake so da ke duk wani abu da zai biyo baya na rashin dadi ba za ki damu ba ki min alkawari"

Ta dago ido ta kalleshi a shagwabe.

"Ina da kai a yanzu Aliyu me zai saka na damu"

Ya kama bakinta ya matse.

"Aliyu ko?"

"Nooo My Soul Mate"

Ya saki bakin ya kai mata rankwashi a kai. Ta da ga jikinsa.

"Ka yi na kudinka"

Ya san me take nufi dan haka ya kalleta da sauri.

"Yi hakuri, zo ki rama"

Ya kai hannu zai rikota ta matsa da sauri ta tashi a guje ta bar masa gurin tana dariya. Murmushi ya mike tsaye ya bi bayanta. Before time din da Dr A-B ya tsara yayi, Aliyu yayi nasa tsare tsaren ta yadda zai samu damar raka matarsa, sai kuma aka yi sa'a a lokacin ana hutun karshen sabuwar shekara ne. Ana gobe za su tafi Abuja, Aliyu ya kaita da ɗanta gurin Mama Baraka gurin mata bakwana, ta zaren labari yayi tsawo Emily ta bayyana mata fargabarta na tafiya tana ganin kamar ba zai karbe ta ba.

"A gurin Bature haihuwa babu aure ba illa ba ce, kusan ma sun fi yin haka, ina da yakinin zai karbe ki"

"Idan ya tambayi labarinki fa?"