Triplets book 3 complete By teema princess - Chapter 57

Miƙewa ya yi tare da mannawa Lion ɗin sumbata a kumatu yana faɗin "Zamu je da Mark". Jinjina mishi kai ya yi tare da mai do mishi da martanin sumbata shi ma, kai TRIPLETS suna kaunar junansu na wuce misali wlh. Waje ya nufa, kafin ya fita sai da ya sake komawa ɗakin Rimsha dan ya sake rarrashinta, nan fa ta kafe mishi a kan lallai sai ta bishi sun tafi tare, ba yadda ya iya, in dai yana son farincikinta to dole ne ya tafi tare da ita.

Hannunta ya kama suka nufi palon kasa, a kitchen ya isko Mark, nan ya sanar da shi zai jasu zuwa police station mafi kusa, okey ya amsa cikin girmamawa yana risinar da kansa kasa. Kai tsaye police station na kusa da su suka nufa, ita da Areef a gidan baya suka zauna, sai kwantar mata da hankali yake yi yana karfafa mata gwiwa a kan kada ta damu lallai Jehan ɗinsu zata fito, ɗan kwantar da kanta a kafaɗarsa ta yi tana lumshe idanu tare da shaƙar daddaɗar kamshin perfume nasa, hannu yasa ya ɗan shafa lallausan kumatunta yana faɗin "Sarkin saurin kuka, ya kamata ki zama jaruma, ke da kike da ni, ai bai kamata ki shiga damuwa dan ƴan'sanda su kama sisterki ba, kin san dole zan tsaya mata tun da ƴar uncle ce, ni kuma ki ɗauke ni tamkar Lion, dan in na tsaya dole Lion ya hakura shi ma ya tsaya, dan ba zai iya ganina cikin damuwa ba, ni kuma ba zan iya ganinki a cikin damuwa ba". Da irin waƴan nan daɗaɗan kalamai ya yi ta amfani wajen kwantar mata da hankali har ta saki jikinta sosai da shi.

Ko da suka isa police station ɗin, ƴan'sandan suka sanar da su ba nan a ka kawo ta ba, tana sama da su, tambaya ya yi suka yi mishi kwatance ya kunna goggle map suka ɗauki hanya, sai dai kuma abin mamaki ko da suka je wajen sai aka ce musu bata nan an wuce da ita kai tsaye prison, dan ba ƙaramin laifi ta aikata ba, bai tsaya tambaya me ta aikata ba ya ce da Mark su je prison ɗin, wani ɗan'sandan ne ya sanar da shi ai ba za'a bar kowa ya ganta ba, ko kallon in da suke bai yi ba, dan bai ga uban da ya isa ya hana shi ganinta ba, waya ya yi wa Lion a kan yana son ganinta, ya taimaka ya shirya haɗuwarsu kafin su isa prison ɗin, da farko kamar ba zai yi ba, sai kuma tunanin kyautata musu da irin tsantsar kauna da daddyn Rimsha yake nunawa TRIPLETS nasa ta faɗo masa, ya kuma tuna irin Kaunar da TRIPLETS ɗin suke yi wa daddyn, hakan yasa ya amsa da okey tare da ciro waya kai tsaye ya kira president na Nigeria, dan yanzu Already sun san da yana cikin kasar, sun san shi ne ya zo, so mafiya yawan lokuta baya kiran His excellency a nan kawai yake shirya duk abin da yake so.

Ko da suka isa prison da aka kai ta, wani ganduroba ne ya yi musu jagora zuwa ciki, sai mamaki Rimsha take yi, wai ba da ance ba za su sami damar ganinta ba? To ya aka yi da kansu suke yi musu jagoranci zuwa ciki kuma? Sai tambayar kanta take yi, bata san cewa duk da ba kasarsu bace suna da daman yin abin da ya fi ɗan kasa, saboda sun fito daga babbar kasa, kuma ga His excellency ai dole ma a yi musu abin da ya fi na ɗan kasa, sun fi ƴan kasa samun ƴanci.

Office ɗin ogansu ya wuce suka zauna, idan ba dan su manya bane, yaushe za'ace yarinyar da ta kashe ɗan takarar shugaban kasa ace har wasu zasu iya samin damar ganinta, kai abin da abin mamaki.

Har cikin office ɗin Mark ya bisu, dan hakki ne a wuyarsa da ya kula da Areef kada ya bari wani abin ya taɓa shi, saman doguwar kujerar dake cikin office ɗin Areef da Rimsha suka zauna, shi kuma Mark yana tsaye tamkar wani robot.

Ba'a ɓata musu lokaci wajen fito da ita ba, da gudu Rimsha ta miƙe zata je wajenta, cikin sauri Areef ya riƙeta yana girgiza mata kai, shi tun daga farkon case ɗin ma ya fahimci akwai zalinci a ciki, na farko a kallon da ya yi wa jenan bata kai shakarun da za'ayi mata irin wannan hukuncin ba, na biyu yadda suka zuba mata tsaro kamar wata kungurumiyar ƴar ta'adda, na uku yadda suka wuce da ita prison kai tsaye tamkar dama jira suke yi su kamata, akwai wasu kananan dalili dai, amma waƴan nan sune manya, yadda case ɗin nata ya tafi ma sam ba tsari, dan sun yi abin ne a yunwacen suna son kamata, sai kuma suka fitowa da duniya hakan, mai basira tsab zai iya gane ina suka dosa, sai dai fa Areef bai damu sosai ba, dan yana ganin kamar mu kuma dokokin kasar mu ce a hakan kenan, shiyasa bai damu ba, ya fi son ya ji magana daga bakinta, dan ya yi imanin gabaɗaya jikin Nawazudden ba zasu yi karya ba, ya yarda da su, ya yi wa Uncle nashi kyakkyawar yarda.

Kasan carpet dake wajen ta zauna, hannunta na sanye cikin sarka wadda ya tafi har kafarta, shiru Areef ya ɗan zubawa sarkar idanu yana kallonsu, shi dai ya san gunguma gunguman ƴan ta'addan kasa da kasa suke ɗaurewa da irin wannan sarka, amma an tashi an lafkawa ƴar yarinyar da bata wuce goyo ba a cewarsa.

Wani ganduroba ɗaya daga cikin waƴan da suka fito da ita ne ya ce "Sir kuna da only 10 mins". Bai bi ta kansu ba, dan bai ga uban da ya isa ya saka mishi time a rayuwarsa ba, idan suka yi wasa ma sai ya ce ba zai bar nan ba sai da ita ya ga karshen iskanci, idan ya ce lalllai ba zai tafi ba sai da ita, ai dole Lion ya zo, kuma dole His excellency ya saka baki, dan sufa kasar American tsuntsuwar kasarsu ma ranta na da muguwar daraja bare kuma mutun ɗan cikin kasarsu, mutun ɗin ma jika ga His excellency ai dole ma su tursasa kasar Nigeria a bawa Areef Jehan dan ya bar wajen kada wani abin ya same shi, amma ba zai yi hakan ba, dan yasan doka kuma ba zai taka ba, saboda suke faɗa kullum abi doka, suke kama masu karya doka su hukunta, to idan su basu bi ba, waye zai bi kenan? Ai kowa ma take dokar zai yi, idan ba doka kuma ai ba al'umma.

Cikin sanyin murya ya tambayeta ya sunanta, kin magana ta yi, tamkar bata ji shi ba, sai kallon kasa take yi abinta, kallon Rimsha ya yi yana faɗin "Our Queen bata magana ne?" "Wlh tana magana yaya Areef, bari ka ji na tambayeta". Sauƙowa kasan ta yi kusa da ita, tana hawaye ta fara magana tare da riƙo hannunsu cikin na juna "Jehan dan Allah ki yi mishi magana, ki gaya mishi gaskiyar abin da ya faru, wlh zai taimaka miki, kinga shi ya taimaka mini ya kuma taimakawa daddy, nasan kema ba zai barki ba". Jin ta ambaci daddy yasa Jehan ɗin ɗago dara daran idanunta da suke farare tas babu ko alamar ɗigon hawaye, suna bushe garau kamar bata san me ake tuhumarta da shi ba, har wani haske idanun nata ma suka kara, shi kansa Areef ya sha ruwan mamaki dakiya irin nata, gata yarinya karama, ga ta a prison, sannan jikinta duk ya sha sarkuna a ɗaure kafa da hannu, amma a haka ko a jikinta, bugu da kari gata mace, abin dole a jinjina mata, kuma ayi mamaki, idan da wata mace ce ai ta rinƙa ihu kenan ganinta a hannun hukuma.

Shi ma dai sauƙowa ya yi dan ya kama Rimsha ta dai'na kuka, mamaki ne ya kama Mark yadda Areef yake bala'in kaunar su Rimsha, ko a mafarki bai taɓa tunanin ɗaya daga cikin TRIPLETS zai yi hakan ba, ya sauƙo ya zauna a saman carpet sabida Rimsha, abin dole ga wadda ya sansu a baya ya yi mamaki over.

"Jehan wlh daddy ya yarda da shi sosai, ki yi mishi magana kin ji". Cewar Rimsha, kuma da harshen Hausa ta yi maganar nata, jinjina mata kai Jehan ɗin ta yi alamar to. "My name is Jehan Nawazudden Salman Sultan". Ta bashi amsa, nauyayyar ajiyar zuciya ya sauke dan kuwa har voice nata sak na daddynta ne, babu in da ta baro shi, hannun Rimsha ya kama suka koma saman sofa suka zauna, baya son ganinta tana kuka.

"Okey Jehan zaki iya gaya mini a kan wani laifi suke tuhumarki da kuma gaskiyar abin da ya faru". Ba musu ta gaya mishi a kan laifin kisan kai suke tuhumarta da shi, ba ƙaramin tsorata Rimsha ta yi ba, shi dai Mark ya zuba musu idanu ne yana kallon ikon Allah, Jehan na magana kamar wata babbar jarumar soja, babu tsoro ko ɗarɗar a muryarta, kai tsaye ta ce kisan kai lallai.

"Okey to da gaske kece kika yi kisan ne?" Jinjina mishi kai ta yi alamar e ita ta yi, Rimsha bata san lokacin da ta kurma ihu ba, da karfi ta ce "Wlh karya ne, ni nasan wacece ƴar uwata, tana da faɗa sosai, amma wlh ko kaza ba zata iya kashewa ba, karya ne". Rungumota Areef ya yi yana ƙoƙarin miƙewa dan komai ya lalace tun da Jehan ta amsa da bakinta ita ta yi kisan, shikenan kuma. Har zai miƙe sai kuma ya koma ya zauna yana karewa Jehan ɗin kallo, yarinyar nan ko a jikinta wai an yakushi kakkausa.

Mark ne ya yi gyaran murya cikin girmamawa ya ce "Sir am sorry to say amma wannan yarinyar ba ita ta yi kisan nan ba, ko da ita tayi to akwai dalili mai karfi ko kuma by mistake ne". Jinjina mishi kai ya yi alamar ya gamsu, shi ma ya yi tunanin hakan shiyasa ya fasa tafiya ya dawo ya zauna, cikin sanyin murya ya sake tambayarta ko zata gaya musu ya akayi ta yi kisan, nan ne kuma Rimsha ta yi shiru ta nitsu tana son jin ta ya akayi hakan ta faru.

Ba musu ta gaya musu tsab, sai dai bata gaya musu daga ina ya ɗauko ta ba, ta dai ce musu ya ɗaukota ne da nufin ya yi mata fyaɗe ya kai ta gidan shi, shi ne ita kuma ta yanke bananarsa, dai'dai lokacin da ta furta ta yanke bananan nan, gabaɗaya gandurobobi uku dake wajen sai da suka sanya hannu a gabansu dan su ji nasu yana nan kam ko, harta shi kan shi Mark sai da ya sanya hannu a saitin gabansa yana mamakin karfin hali irin na yarinyar nan, har zata iya kallon gaban babban namiji ta saka wuƙa ta yanke?, Wannan da horon sojoji ta samu ba karamar soja mara imani za'ayi ba a duniya, sai ta kafa tarihi a duniyar hukuma, wai ta yanke, ko a jikinta ta faɗa kai tsaye, Areef bai taɓa shan ruwan mamaki irin na yau ba, suna hukunta masu yin fyaɗe ta wannan hanya na yanke musu gaba, amma ita fa mace ce kuma yarinya karama, abin ya bashi mamaki sosai, bare ma yadda ta faɗi komai dallah dallah a nitse cikin kwanciyar hankali, ita kam Rimsha tsit ta nasu ta ji abin da ya goge mata lissafin ƙwaƙwalwa yau, lallai jenan ta wuce tunanin mai tunani.

Gyaran murya ya yi, lokacin guda kaunarta ya shiga ransa, yana bala'in son mutun jarumi mai dakiya, son gaskiya, adalici da taurin zuciya, mai ƙoƙarin kare kansa a koma ina ne, shi abin da Jehan ta yi, ta yi mishi dai'dai, hakan kuma yasa ya ji sonta a cikin zuciyarsa, ta burge shi ba kaɗan ba.

"Lokacin da abin ya faru, waye da waye ne a cikin gidan?" Nan ma ba musu ta bashi amsa tare da ɗaura mishi da cewa ai ƴan'sandan ne suka biyota shi da Aseef suka bugeta da mota, sai yanzu ya gama fahimtar case ɗin ma, ashe da bakin hukuma mutumin yake lallata ƴaƴan mutane, a dole dama su yi wa Jehan irin wannan sharri, dan idan gaskiya ta fito, har su kansu hukumar sun shiga uku, dan sune masu tsaron mutumin ai.

"Okey tom ba damuwa zan sake dawowa zuwa anjima or gobe dan in yi miki wasu tambayoyi". Ya bata amsa tare da miƙewa ya riƙo hannun Rimsha, binsu da ido ta yi, har ya ɗan yi gaba sai kuma ya dawo ya tsugunna a gabanta tare da riƙo haɓarta ya ɗan ɗago suna fuskantar juna, "Kyakkyawa mai kama da uncle na, ki kula sosai dan nikam na samu jarumar sister". Ya faɗa tare da miƙewa, kun san shi dama da wasa da dariya idan ya yi niya, harara ta wurga mishi, kashe mata ido ɗaya ya yi yana ɗan murmushi, jawo hannun Rimsha ya yi yana faɗin "Muje hai sister, wannan mai kama da uncle ɗin mafaɗaciya ce sosai". Rufa musu baya Mark ya yi, ita kuma Jehan suka mayar da ita cikin prison ɗin.

Suna tsaka da tafiya Mark ya ce "Sir is seeing like this girl bata kai 19 years da suka faɗa ba, amma how comes suka ce she is 19 years old?" Shiru ya ɗan yi kafin ya amsa da cewa "Dukka maganganu ma da suka faɗa ai ba gaskiya ba ce, i really trust my uncle, ni nasan family'nsa ba zasu yi karya ba, na fi yin aiki da kawa zucina fiye da abin da naji kuma na gani, wani lokaci zaka ji karya kuma ka ga karya, amma shi kawa zuci gaskiya yake zayyano maka, duk abin da Jehan ta faɗa shi ne gaskiya, kawai sun juya maganar ne saboda wani dalili nasu da ban yi tunani a kan shi ba, sai dai kuma ina tunanin sun ce she is 19 years old ne dan idan an je court su yanke mata hukuncin kisa, or something like this, dole ma akwai makarkashiya a wannan case ɗin, dole shirya kasheta aka yi, da yuwuwar dama an jima ana farautarta, abune wadda yake a bayyane ga mai ƙwaƙwalwa, zai iya gane ina aka dosa, amma zan yi ƙoƙarin wajen ganin na duba case ɗin, sai dai fa zasu yi saurin kaita court, dan idan ka lura komai da suke yi, suna yin shi ne best on they are on choice, ba wai doka suke bi ba, so zasu kaita court da wuri dan a yanke mata hukunci, kuma ka zuba ido ka gani, ita kanta court ɗin zata yi saurin kula da case ɗin, za kuma ta yi saurin yanke mata hukunci, saboda an shirya hakan, a nawa ganin kamar uncle yana ɗaya daga cikin dalilin da ya sanya aka kullah mata wannan sharrin, amma bari mu koma zan yi binciken wai shin da waye da waye ne ma uncle ya tsaya takara a lokacin da yake neman mulki, dole da sa hannun manya, akwai dai wani abin gaskiya".

"Amma sir if that is the case, i think za su yi kokarin kasheta a prison ɗin ma, because na lura yarinyar bata da tsoro ko kaɗan, idan suke je court zata iya faɗar gaskiya, kuma da alama ba zata ji tsoron barazana ba idan aka yi mata". Jinjina kai ya yi yana faɗin "Yes ba zata ji tsoron barazana ba, and then ba zata yi magana a court ba, saboda bata da hujja, kuma kasan abin an shirya mata gadar zare ne, duk ta yanda zasu yi suga bata yi magana a court ba, za su dan su rufe bakinta, kuma dai ita ma ba zata yi ba, tana da ilimi, she knew what she is doing, tasan ba'a magana a court matikar babu hujja, batun kasheta a prison kuma, ba za su yi hakan ba, saboda yin hakan da za su yi, zai iya tona musu asiri, ina da yakinin akwai abin da suke son cinmawa ne, akwai abin da suke son nunawa duniya game da uncle da kuma family'nsa, amma koma me ne zan duba na gani, ai idan sun san wata basu san wata ba, daga ta sama zan biyo musu, bari dai na bincika na tabbatar da gaskiyar ta duk da bana shayi a kan nata, amma zan duba". Shiru suka yi, Mark ya nitsa cikin nazari da tunani a kan case ɗin, shi kuma Areef yana tunani a kan kyakkyawar fuskarta mai kama da daddynta, dan shi wannan case ɗin ko kaɗan bata dame shi ba, yasan cewa dole ma sai sun saketa dan ubansu, ko suna so ko basu so, amma yana son ya bi komai ne bisa doka, baya son taka doka, ba dan haka ba ai da tuni ya karɓata.

A ɓangaren Aseef kuwa, kai tsaye cikin gida ya shiga da motarsa, dan heartbeat ta ce ya shigo, tana tsaye a window ɗakinta tana kallon shi, waya ya ɗauko ya kirata a kan ya shigo, cikin zolaya ta ce ya kalli sama, da sauri ya ɗago kai yana kallonta, cool murmushi suka sakarwa junansu kafin ta ce mishi tana zuwa, sai kuma ta katse kiran ta nufi kasa.

A palo da isko Ammie, cike da murna ta sanar mata da Heartbeat ya iso, okey ta amsa mata tare da ce mata to ya shigo mana, sai murmushi take yi ta nufi wajen nasa. Tun da ta fito ya tsareta da idanu yana kare mata kallo, sai yanzu yake ganin tsantsar kamanta da Jehan da ya baro a gida, dan shi bai san an kamata ba, Areef bai gaya mishi ba, ya ce mishi dai zai je gida ne kawai, ganin kamanninsu yasa ya kara yardanwa kansa da lallai Jehan ƴar uwar uncle ce, duk yadda aka yi akwai alaƙa ta jini, to kunsan fa kowa da yadda yake kallon mutun, shi dai Aseef ya ga kamannin Jehan da AKila, amma ba lallai ya zamana suna kama sosai kamar yadda ya gani ba, jini ne kawai da ko'ina baya ɓuya.

Sai da ta kariso kusa da motar kafin nan ya fito yana sakar mata kayatatcen murmushi, "Good morning my shagwaɓati". Ta faɗa tana Murmushi, tsareta ya yi da idanu bai yi magana ba, tana sanye da abaya mai bala'in kyau launin maroon color, ta yafa mayafin nata a kanta, kafarta na sanye da plat shoe kalar kayan nata, simple make up ta yi, ta yi kyau over.

"To me kuma kake ta wani kallona?" Ta yi maganar a shagwaɓe tana turo baki.

Nisawa ya yi kafin ya ce "Sarkin rigima, to ɗago ki kalleni" Make mishi kafaɗa ta yi tana wasa da ƴan ƴatsun hannunta, "Ba zaki ɗago ba?" Kai ta gyaɗa mishi alamar e, hannu yasa ya ɗago haɓarta suna fuskantar juna, runtse idanunta ta yi tana mai jin kirjinta na bugawa da sauri sauri kamar ya ce zai yi mata wani abin.

"Shi ne kika rufe ido?" Gera ta ɗaga mishi alamar e, hannunta ya riƙo cikin nasa ba tare da ya saki haɓar tata ba "Me yasa ne kika ciki rigima?" Turo baki ta yi tana faɗin "Me yasa kai kuma ka cika shagwaɓa ne?" Ɗan rankwafowa kaɗan ya yi a kanta, kasa kasa ya ce "Wai bana ce ki dai'na turo mini ɗan bakin nan ba? Ko so kike yi na sha kaya na ne?". Cikin sauri ta waro idanunta waje sai cikin nasa, murmushi ya saki yana faɗin "To ba ga shi yanzu na sanya kin buɗe idanun ba, sarkin rigima kawai". Ya kai karshen maganar tare da sakin haɓar tata yana murmushi, wani irin harara ta masoya ta wurga mishi tare da kwace hannunta daga cikin nashi tana ƙoƙarin juyawa ta bar wajen.