Triplets book 3 complete By teema princess - Chapter 86

"Romeo what do I see? tell me that it's not what am thinking, tell me it's a dream not reality". Cikin tsananin tashin hankali ya yi maganar

Jin voice ɗin daddyn yasa ta waro idanunta waje da sauri, karaf sai cikin idanun daddy, domin kuwa wayar tana saitin face nata da yake ya ɗan yi baya da wayar ta yanda zai kalli daddyn nasa da kyau.

Ganin shi yasa ta yunkura da gudu zata sauka daga jikin mijin nata, riketa ya yi tare da mayar da ita yana faɗin "Ina zaki je kuma?". Kallon wayar ta yi ta kasa magana, mayar da kallonsa a kan daddyn ya yi yana faɗin "This is the reason why you called me dad? You called me to ask me if you are dreaming or not, Why didn't you ask Aseef or Areef?". Tashin sense, wato ma shi Lion ya nuna sam bai san me daddy yake yi wa mamaki ba.

"Romeo why do you always want to see me sad?". Shiru ya yi bai tanka ba, dan bai san me zai ce ba, ita kuma ta datse idanunta gam tare da juyar da fuskarta gefe guda dan ma kada daddyn ya yi ta kallonta.

Jin ya yi shiru ne yasa daddyn ya tausasa muryarsa dan yasan wannan shiru na Lion ba alkhairi bane a gareshi, zata iya kwaɓe musu ne kaca kasa, so sai ya tausasa muryarsa tare da canza maganar yana faɗin "How is your journey?" Jinjina mishi kai ya yi alamar komai normal ba tare da ya yi magana ba. "Okey good where is Brady?".

Shiru ya yi na almost 2 mins tamkar ba zai yi magana ba, sai can kuma ya ce "Daddy how are and how was your body?" Idan da sabo sun saba da halinsa, kullum ba wani canji a tattare da shi, tun da ya taso har izuwa yau hakance, idan ka yi mishi tambaya bata yi mishi ba baya amsawa sai dai ya yi maka magana akan abin da yake gabansa kawai, Rimsha ce kawai a duniya taga canji a tattare da shi, bayan ita ko TRIPLETS nasa babu wani canji da suka gani, yanda yake a baya hakan yake yanzu ma, babu wata annuri ko tausayi bare girmama ɗan adam a lamuransa, so har yanzu kamar baya yake amsawa daddyn nasu ma, idan ka yi mishi magana sai ya ɗauki mintuna yake amsawa, a hakan ma idan ya ga damar amsawar kenan, idan bai ga dama ba sai dai ka jira amsa har ka gaji ka hakura, Rimsha ita ce mutun ta farko da yake amsawa magana idan ta yi mishi a tsakanin ƴan sakanni, ko su Aseef sai ya ɗauki lokaci, wani lokacin ma baya amsa musu sai dai ya jinjina musu kai kawai alamar ya ji, shi ma jinjina kai ɗin ba kowa yake samu ba.

"Am fine my son what of u?". Nan ma jinjina mishi kai ya yi alamar yana normal. "Romeo wai me zaka je yi a kasar Russia ne? Baka faɗa mini abin da zai kai ka ba". "Daddy do you have any relationship with Russia ne da ka damu haka?". Cikin sauri ya girgiza mishi kai alamar a'a, yanayin yanda ya amsa mishi da sauri ma sai da yasa Lion ɗin zargin wani abin, amma sai ya basar da cewa "To dad you don't have any relationship with then amma kake takura wa kanka har haka?". Shiru ya yi dan yasan waye ɗan nasa, idan suka cigaba da jan magana zai iya sanya shi ma ya faɗi abin da bai yi niyya ba.

Tun da suka fara magana daddyn yake son tambayarsa meyasa idanunsa suka yi jawur har haka, amma gudun amsar da ɗan nasa zai ba shi ne yasa ya danne, dan kuwa idan ya ji cewa ɗansa ya haɗa jini da bakar fata, ma'ana ya kwanta da Rimsha ne to fa gaskiya zuciyarsa zata iya bugawa ya mutu, dan ya yi wa bakaƙen fata mummunar tsana, a hakan ma bai san cewa su musulmai bane, da ya san su Rimsha musulmai ne ai da bala'in ta fi hakan, tsanar sai ta ninka hakan, kuma yasan halin Lion baya karya, duk abin da ya tambaye shi amsa kai tsaye zai bashi, babu shayi ko wani ɗar, so yana iya gaya mishi kaza ne ya faru, dan su ba kunya ce ke garesu ba, rufin asirinsa kada ya jiyowa kansa bala'i ne yasa ya danne ya yi shiru tsit bai tambayi dalilin jan idanun nasa ba, yanzu ma da yake ganinta a saman kirjin ɗan nasa tamkar zai mutu da bakin ciki haka yake ji, har wani harbawa zuciyarsa take yi, bare ya ji wani labari daban, ai abin ba'a cewa komai, sai dai fa zuciyarsa sai zargin hakan take yi mishi, duk da yasan canzawan launin idanu ga namiji ba lallai sai idan sha'awarsa ta motsa ba, akwai dalilan da suke kawo hakan, ciki kuma har da ɓacin rai, wahala da kuma gajiya, barci, rana da sauransu.

Jin saukar hawayenta a saman kirjin nasa ne yasa ya dawo da kallonsa kanta, kuka take yi hawaye wani na bin wani, ita kanta bata san dalilin yin kukan nata ba. Meesha ya ambaci sunanta, can kasa kasa ta amsa mishi na'am. "Why are you crying?". Shi dai daddy ya saki baki yana ganin ikon Allah, tunani ma yake yi wai ko dai ba da ɗansa yake magana bane? Ko dai an canza mishi Lion nasa ne?.

Shiru bata yi magana ba dan bata san me zata ce ba, bakin ciki take ji yanda daddynsa yake nuna musu kiyayya karara, ita dai tasan babu wanda ya isa ya halicci koda ɗan yatsa a duniyar nan, da fari da baki dukka Allah ne ya yi su, kuma da ya yi su bai ce baya son baki ko kuma yafi son fari ba, ba wanda ya fi so face wanda ya fi tsoronsa ya kuma fi bauta mishi tare da aikin alkhairai, amma ta rasa meyasa wasu suke cewa basu son bakake fata sai farare, su sanya wasu suna kauce hanyar Allah ta hanyar yin bleaching na fatarsu dan su burge mutane, yin hakan babban kuskure tare da gefa kai ga hala, duk wanda ya canza halitta daga yanda Ubangiji ya halicci shi to ya jira sakamako mai girma na azaba da Ubangiji ya tanada mishi, ba sai kin canza wani abin daga cikin halittarki ba zaki sami abin da kike so, Allah baya sanyawa bawa abin da bata dace da shi ba, kowa abin da ya dace da shi ake ba shi, ku ɗauki darasi a kan Rimsha, ita dai gata chocolate color, bata taɓa raina halitta ko kalar fata da Allah ya yi mata ba, kullum tana gode mishi da ni'imar da ya yi mata, ga shi ya yi mata sakayya ta hanyar bata jarumin miji fari tas tamkar daga kansa an gama haske da kyau, komai ya haɗa, kuɗi, mulki, isa, izza, kyau na wuce misali, hasken fata na wuce misali, hutu, mukami mai girma, gashin kansa bakinkirin mai bala'in kyau har tsakiyar bayansa idan da zai bari bai yanke ba, fuskarsa kawai ya isheta ta zauna ta yi ta kallo daga safe har yamma saboda kyau, kalar idanunsa mai tsada wanda kowa yake burin mallaka, idan ta zo kusa da shi bakakirin take zama, amma a haka Allah ya jarrabe shi da sonta, duk duniya ita kaɗai take jin wani irin muryarsa da ba wanda ya taɓa yi wa magana da shi, ita kaɗai take yi mishi magana ya amsa kai tsaye ba sai ya ja lokaci ba, ita kaɗai take zuba mishi shagwaɓa kuma ya burge shi, mutumin da a baya babu wani abin da yake burge shi sama da aikinsa, baya ɗaukar komai da daraja face TRIPLETS nasa da kuma aikinsa, sai daddynsu, amma yau an wayi gari ta shigo cikin rayuwarsa a in da ta zama ciwon TRIPLETS ɗin nasa, wato cikonsa kenan, dan ita ce shi, wasu abubuwa ma ya fi sake mata sama da TRIPLETS nasa, to bai kamata ku canza daga halittar da Allah ya yi muku dan burge wasu ba, idan wani bai so ki a haka ba, Allah zai kawo miki wanda ya ninninka shi, Allah dai ya bamu dacewa yasa ku gane gaskiya ku dai'na cutar kanku, ku canza halittarma sam baku kyau, sai ku zama kamar wasu dodanni, dan babu wanda ya isa ya haɗa na Allah da na kari na kanti, da kunsan munin da kuke yi idan kuka canza wani abin na daga halittarku, wlh da ko kusa ko alama ba zaku yi ba, Allah ya yi mana kyakkywan karshe.

Katse kiran ya yi tare da kashe wayarsa bakiɗaya dan kada su dame shi da kira, ɗago haɓarta ya yi yana tambayarta meya faru take kuka. "Yaya Saif menene laifin mu da daddy zai ce baya son bakaken fata? Mune muka yi kanmu?". Shiru ya yi yana tunani, tana da gaskiya, shi bai ga abin ki a bakin fata ba, shi dukka ma ɗaya yake ɗaukarsu, kafin ya musulunta ne lokacin da yake krista ne yake wannan kabilanci, amma da ya musulta yasan da fari da baki dukka Allah ne ya yi su, daga nan bai sake cewa baya son baki ba, kowa ma shi ba ruwansa, idan aiki ta haɗasu to za'a yi kawai, sannan a kan Rimsha ya kara jin yana son bakaken fata over, domin kuwa ita dai chocolate color ce, color mai tsada a duniya, amma ba wata macen da yake ji a ransa biyunta, tana bala'in yi mishi kyau kuma tana burgesa, Turawa ƴan uwansa sam basu burgesa ko kaɗan.

Goge mata hawayen nata ya yi ba tare da ya bata amsa ba ya ce "Jeki ci abinci bari na kira Mark ya kawo miki". Da mamaki ta ɗago tana kallonsa, ko yaushe yasan cewa tana jin yunwa kuma?. "Why kike yin mamaki? Ai ba iya aikin soja kawai na iya ba, harda karantar mutane, ki ci abinci ki zo ki gaya mini why are you watching my pic's like film?". Yana magana yana kunna wayarsa dan ya yi wa Mark massage ya kawo musu abinci.

"Kai yaya Saif, ashe kai ma ka iya sa ido ko? To ni ai bana kallon hotonka" Shiru bai sake yin magana ba, hannunsa ta riko cikin nata tana kallon ƴatsun hannun nasa, dama tana burin ta ga ta taɓa waƴan nan kyawawan latsun nasa, ga su tamkar ka latsa jini ya fita, zuba musu idanu ta yi tana kallonsu babu ko kyaftawa, shi kuma zubawa idanun nata ido ya yi yana kallonsu cike da kaunarsu, a duniya yana bala'in kaunar sleeping ɗin nan nata.

Mark ne ya katse musu kallon da suke yi ta hanyar shigowa bakinsa ɗauke da excuse, kallo ɗaya ya yi musu ya yi saurin kawar da kallonsa tamkar bai gansu ba, saman table ɗin ya ajiye kayan abincin tare da ɗan tsayawa a gefe guda, bawan Allah yana son ya tambayeta ko tana da number wani daga cikin ƴan uwan Anaya dan ya kira ya ji ya lafiyarta tun da number Anaya ɗin bata shiga, sai dai yana bala'in tsoron yi mata magana, bai ma san taya zai fara tambayarta ba, yana tsoron Lion sosai, ita kuma tana da number daddyn Anaya ɗin har da mummunta da yaya Feroz dukka, sai dai bata kawo cewa yana da bukatar ya yi magana da su ba, sai ƴan kame kame yake yi tun da ya shigo ɗakin.

"Is there any problem Mark?". Ya tambaya yana ɗan sauketa daga jikin nasa, kankame shi ta yi taki sauka dan tana son yin magana da shi idan Mark ɗin ya fita, so ta ɗauka ko zai sauketa ne ya fita tare da Mark ɗin, shi ne ta rike shi, kallonta ya yi kafin ya barta a jikin nasa ya mai da kallonsa kan Mark ɗin.

"Sir i want to talk to Madam". Ya faɗa cikin tsoro, daga jin muryarsa kasan a tsananin tsorace ya yi maganar, ba karamar shahada ya yi ba, ya kasa samun sukuni ne, duk abin da yake yi tunanin Anayar ce kawai a cikin ƙwaƙwalwarsa, yana da bukatar ya yi magana da ita idan ba haka ba za'a iya samun matsala, dan har kansa ta fara yi mishi ciwo wuni ɗaya kawai, dama duk wanda ya san turawa yasan basu iya faɗawa soyayya ba, idan suka faɗa fa to komai suna iya sadaukarwa a kan wannan soyayyar tasu, gabaɗaya zuciyarsu suke bawa wanda suke so, suna kula da soyayyar tasu sama da yanda suke kula da kansu, ko dabbobi suke so to fa kular da zasu basu sai ka saki baki kana kallo, dan kula ce ta wuce misali, so su haka soke, shiyasa shi ma Mark ya rasa sukuninsa, ya rasa duk wata jin daɗi wuni yau kawai.

"What do you want to tell her?". Yana magana tamkar yanda yake magana da su da baya, cikin bada umarni da nuna isa tamkar ba shi ne ya gama rarrashin Rimsha yanzu ba, dama fuska kam tamkar kullum haka yake, ko ita Rimshar bai sauya mata face nasa ba, hakan na nufin halittarsa ce Tiger face, babu wasa kuma babu alamar murmushi ma bare dariya.

"Sir i want to ask her about her friend, I want to ask her if she has a number of her own". Sai lokacin ta gane bawan Allah yana so ne ya yi magana da Anaya, ɗago kai ta yi da nufin ta yi mishi magana, wani kallo Lion ɗin ya wurga mata wanda ya sanyata haɗiye maganar ta koma ta kwanta luf a saman kirjin nasa.

Shiru ya yi na tsawo almost 2 mins kafin nan kasa kasa ya ambaci sunanta Meesha, yadda ya yi maganar kasa kasa ko Mark ɗin bai ji me ya ce ba, ita ma dan tana saman kirjinsa ne da ba zata ji ba, na'am ta amsa ba tare da ta ɗago ba "Do you have the number he is looking for?" Jinjina mishi kai ta yi alamar e, ya hanata magana ta hanyar sanya yatsansa ɗaya a cikin bakinta yana wasa da language nata, sam baya son ta yi magana, na'am ɗin da ta ce ma kasa kasa maganar ya fita saboda yatsar nasa dake bakin nata.

Tsotsar yatsan nasa ta fara yi kamar sweet tana ɗan ciza mishi, tamkar wanda aka watsawa ruwan kankara haka yake ji a jikinsa, duk ta saukar mishi da kasala, dan fa ba karya yana da azababben sha'awa, kawai dan dama bai san da hakan ba ne, bai taɓa kwatantawa ba, yanzu kuma da gabaɗaya komai nasa ta buɗe da ta taɓa shi kaɗan komai yake motsa mishi, sai dai baya ɗaukar hakan a matsayin wani abin azo a gani ma, dan idan zaka kashe shi bai san me yake tsakaninsa da Rimsha ba, shi dai kawai tana burgesa, batun kiss kuma wannan abu ne da kun riga da kun sani su fa kiss a wajensu ba wata tsiya ba ce, ko ba masoya ba suna yi, so ko ba son yarinya kake yi ba su suna iya kissing nata, amma fa shi ya fara yardan wa kansa tabbas akwai wani abin a tsakaninsu, idan zuciyarsa ta ce mishi so ne, sai ya ce a'a shi bayan TRIPLETS nasa ba zai so kowa ba, kawai abota ce or tausayi a tsakaninsu, haka a koda yaushe yake ƙoƙarin tursasawa zuciyarsa da ta yarda da hakan............Tab akwai aiki kenan, ka gama kissed na yarinya ka ce abota ko tausayi, zaka yi bayani da yarenku na Spanish ne or turancin da kuka fi iya wa ne wlh, mu dai je zuwa ba dai yanzu kana iya jin feeling ba? Zaka ga abota.🤣🤣

Ɗauko wayarta daga saman bedside drawer in da ya ajiye ɗazun da Brady ya kawo mishi ya yi, miƙawa Mark ɗin ya yi yana faɗin ya je ya duba number, cike da murna har yana sauke nauyayyar ajiyar zuciya ya zo ya karɓa tare da nufa waje.

Mark ɗin yana fita Lion ɗin ya zame hannunsa daga bakinta dan ba ƙaramin ɗaga mishi hankali take yi ba da irin ɗan ciza ƴatsar nasa da take yi. Ɗago kanta ta yi tana faɗin "Yaya Saif meyasa Mark zai rinƙa shigowa ɗakin nan kai tsaye?". Shiru ya yi dan shi ma sam bai ji daɗin hakan ba, bai so Mark ɗin ya shigo ya samesu a haka ba, ga shi ba wani kayan kirki ne a jikinta ba, amma da yake sun saba da hakan ne yasa bai ce da Mark ɗin ya fita ba, ya saba ɗakinsa ne shi kaɗai, kuma Mark ɗin yana shigowa duk lokacin da ya buƙacesa ba tare da wani shamaki ba, shiyasa yanzu ma ya shigo ba wata shamaki abin sabo ne.

"Yaya Saif ni kam bana son ya rinƙa shigowa, ya tsaya a waje zan rinƙa zuwa na karɓi abincin ko kuma zan je kitchen ɗin na rinƙa ɗauka da kai......". Bata kai karshen maganar ba ya wurga mata wani shegen harara da dara daran idanun nan nasa, hakan yasa ta shanye maganar. "Ki je ki karɓo a hannunsa?". Ya maimaita maganar yana mai cigaba da wurga mata kallo mai kama da harara.

Ba ƙaramin razana ta yi ba, nan take ta sha jinin jikinta, tunani take yi wai yaushe yaya Saif ɗin nan nata zai yi koda murmushi ne a rayuwarsa? Wlh face nasa a ɗaure kullum ɗin nan yana razanata ba kaɗan ba, daurewa kawai take yi dan tasan ba zai taɓa lafiyar jikinta ba. Girgiza mishi kai ta yi tana mai datse idanunta gam.

"Tashi ki je ki ci abinci". Jin ya faɗi hakan ne yasa ta waro idanun nata tare da yunkurawa zata tashi, har zata miƙe sai ta tuna zancen Akila, komawa ta yi ta manna mishi haɗaɗɗiyar sumbata a saman lallausan kumatunsa tana sakin cool murmushi tare da runtse idanunta, nan take dimples nata suka lotsa. Sosai ta kara tafiya da imaninsa, tamkar zai sake jawota jikin nasa, sai kuma ya fasa dan yana son ta ci abinci.

Kiƙewa ta yi zuwa wajen trolleynta ta ɗauko yajin da Anaya ta bata dan ta saka shi cikin kayan da suka yi sayya shi kuma Lion ya haɗo da shi ya zuba cikin trolleyn. Bayan ta ɗauka saman table ta wuce ta zauna dan ta fara cin abincin.

Kiran Areef Video call ne ya shigo wayar tasa, ganin kiran yasa ya ji dama ya sake kashe wayar dan barci yake son ya yi, amma ba zai iya kin ɗaukar kiran TRIPLETS nasa ba a ko wani hali yake ciki, sannan da ya ga kiranma sai da zuciyarsa ta harba tamkar ɗaya daga cikinsu yana cikin tashin hankali da damuwa, hakan ce tasa ya ɗauka da wuri dan ya ji menene.

Yana ɗauka a matuƙar ruɗe Areef ya fara magana. "Lion ka kawo agajin gaggawa, matar Aseef tana gaf da mutuwa, poison ta ci, gabaɗaya sun haɗu a palo da su daddy suna cin abinci kawai ta zube kasa kumfa na fita daga bakinta, i think masu girkin ne suka sanya poison ɗin, yanzu dai na yi iya kan bakin ƙoƙarina wajen ganin na ceci rayuwarta, amma tamkar ana kara poisonin ɗin ta ne, abin sai karuwa yake yi tamkar kara cin gubar take yi, abin ya ɗaure mini kai ya kuma sha gaban tunanina, please ka kawo mana agajin gaggawa na wata hanya da zamu ceceta kada ta mutu".